سلام الله من اللي يامسري جاك بمغيره

[النووي]

الاخ العزيز المسري

استلم


سلام الله من اللي يامسري جاك بمغيره = على وضح النقاء رد البراء في بيتي الاول

اشوفك يامسري تصرف الد ينار والليره = تحسبنك ملكت البنك كله وانت متسول

[مرزوق حمدان العتيبي]

اشوفك يامسري تصرف الد ينار والليـره.....تحسبنك ملكت البنك كله وانـت متسـول

الله الله يالنووي
طاروق رائع وينك يالمسرّي ..
واصلوا والله يقويكم.

[المسرّي]

حياك الله يالنووي
استلم والمعذره على التاخير " كنت مشغول بابومشعاب "
*******************
هلا يا مرحبا واقلط عسى لك في الامر خيره *** تحسب الحرب لعب وهقوتي انّك منت بمطول
لو ان النوَوي فكّر شوي ما اخطا فتعبيره *** ما يدري انّ اكبر بنــــوك البلاد انا له ممول

[محمد العتيبي]

يا سلام يا سلام واصل ياالمسري وانا انهيت المشروع طال عمرك

مادام ان النووي طلبك لا ترده واصلوا الله لا يهينكم ابعود وامسك الصف ... الليل الليل ....:)

[النووي]

مرزوق العتيبي

مرحبابك تراحيب المطر

يشرفنا متابعتك لنا

تخياتي

[النووي]

هلا والله ومرحبا بمسري

استلم لاهنت

يد وملك البقاء ما جيت ابقلط واعلن الجيره = انا نجم (ن) على راسك من خضيراء السماء حول

رصيدك صفر يامسري ولا لك ذكر فالسيره = تعزوى كيف يارجال وانته دايم مغول

[النووي]

هلابك اخوي ابو مشعاب


شرفت المحاوره بوجودك

تحياتي

[ماجد الهذلي]

النووي والمسري

واصلوووووو لا هنتوااا

متابعينكم

[النووي]

هلابك ماجد

شكرا لمرورك


تحياتي

[المسرّي]

السلام عليكم والمعذره
الخميس والجمعه كنت في الديره " و الديره ما فيها انترنت " فالمعذره يالنووي
استلم من صميم الراس


يقول" محمد"(1)اللي هيبته في عالي الديره *** يقول النجم يدوي والجبل ماهوب متحول
تقوله والرصاص الحي فيكم بان تاثيره *** ومثلك لا حضرنا في نهار الحرب ما زوّل

(1) = محمد بن هادي بن قرمله

[المسرّي]

مرزوق ,, ابوالمشاعيب ,, @ ماجد @

شرفتونا طالت اعماركم

تسلمون

[أحمد المالكي]

صحت السنتكما

وانا في صف الخندفي لاني خندفي


وبالتوفيق للاثنين

ويشهد الله انكم اعزاء على قلبي

[الـقناص]

الله يعطيكم العافيه
************************************************** *****************************************
عليكم بالمسرّي حاول بالحيل في تغيير تفكيره *** ترى لمبته طافيه والفيش مشبوك في محول
************************************************** *****************************************
"من دون قصد"

[النووي]

هلابك يامسري

وستلم لاهنت

جمل قحطان ابن هادي رثعنا في مغاتيره = على وضح النقاء من فعلنا ياصاحبي شول
رحل من نجد غصب(ن) عنه مقفي يشعب ابعيره = ومثلك لا حضر مثلي تضيع اعلومه منول

[المسرّي]

ارحب يالنووووي ونعم بقحطان وعتيبة
و سم طال عمرك

تفاخر لك بفعل ما لحــــــــــق قحطان بمعيره *** لكن الفخر للي في الجزيره صيته يهوّل
مليكٍ حط وسمه فوق خدك غصب.. ما غيره *** هذا هوّ الفخر ماهوب فخرٍ زور ومقوّل

************************************************** **********************

[المسرّي]

صحت السنتكما

وانا في صف الخندفي لاني خندفي


وبالتوفيق للاثنين

ويشهد الله انكم اعزاء على قلبي


مرحبا هيل يالمالكي صقر تهامه
ووجودك في صفي يشرفني
الله يحييييييييييييييك

[المسرّي]

الله يعطيكم العافيه
************************************************** *****************************************
عليكم بالمسرّي حاول بالحيل في تغيير تفكيره *** ترى لمبته طافيه والفيش مشبوك في محول
************************************************** *****************************************
"من دون قصد"



هلا بالقناص " لو كان اسمك مدّور الطلايب كان احسن "
لكن ابشر بالسعد
ترى الدور بعد النووي عندك

[شيخ الشقاوه]

اخوي النووي.......
وكذلك المسري......
يقولون ان من الشعر لحكمة......
وخير الحكمة.... عدم تعرض احد لم ينزل الميدان .....
مثل هالبيت مال امه داعي لان خصمك لم يفصح ((( عن اسمه ))) وكان مغزاه في رصيدك اي رصيد انت ابخص
الارصده واجد
صداقه.....محبه.....دين.....علم.....معرفة....قوة شعر....الخ....

جمل قحطان ابن هـادي .....رحل من نجد .........

كذلك هالبيت مثل اللى بجدعك ويقطع بك الحبال في بحر ويقول مهف امقيط ورشاه ....ورنا شطارك على الجال كمتقدر تاصله .........
وكانه يطاب منك....التمرد او الانتحار......وهذا بسبب عجزه عن الرد
مليكٍ حط وسمه فوق خدك غصب.. ما غيره *** هذا هوّ الفخر ماهوب فخرٍ زور ومقوّل

وانا اقول ونعم بكل من هم اهل لنعم من .....ولا يهون النووي والمسري


لا تزعلون ترى مجرد وجهة نظر.....اذا ما ترضيكم نسحبها مثل ما سحب حسين الكبش

[النووي]

:) الاخ العزيز المسري

تشرفت باللعب معك وسمحلي على القصور

واستلم لاهنت

زبنت الضلع ابو غارين طامع في دنانيره = تبي تضحك على العالم وحملك فوقك متول
انا ماقول زور وصاحبك كثرت مخاسيره = من اعتيبه ونوخ من بعد ماكان متجول


تقبل تحياتي

[الـقناص]

الله يعطيكم العافيه
واصلوو لا هنتوا
والمسرّي المسرّي؟؟؟

[الـقناص]

على وصفه على هرجه ولاكن ما لهم سيره **** يقول اني مسري والمسري مايبي يناول
************************************************** **************************
مسرّي الله يعطيك العافية
"""""""لو كان اسمك مدّور الطلايب كان احسن """"" من انا ولا انت

[الـقناص]

على وصفك على هرجك ولاكن وضح السيره **** يقول اني مسري والمسري مايبي يناول
************************************************** **************************
مسرّي الله يعطيك العافية
"""""""لو كان اسمك مدّور الطلايب كان احسن """"" من انا ولا انت

[الـقناص]

درب القنص ما يسلكه غير "صقار" *** *** اللي طواريق الحباري يدله
له بالقنص عادة ورغبة وتذكــــــــار *** *** صيد الطيور النادرة عادةً لـه

[المسرّي]

اخوي النووي.......
وكذلك المسري......
يقولون ان من الشعر لحكمة......
وخير الحكمة.... عدم تعرض احد لم ينزل الميدان .....
مثل هالبيت مال امه داعي لان خصمك لم يفصح ((( عن اسمه ))) وكان مغزاه في رصيدك اي رصيد انت ابخص
الارصده واجد
صداقه.....محبه.....دين.....علم.....معرفة....قوة شعر....الخ....



كذلك هالبيت مثل اللى بجدعك ويقطع بك الحبال في بحر ويقول مهف امقيط ورشاه ....ورنا شطارك على الجال كمتقدر تاصله .........
وكانه يطاب منك....التمرد او الانتحار......وهذا بسبب عجزه عن الرد


وانا اقول ونعم بكل من هم اهل لنعم من .....ولا يهون النووي والمسري


لا تزعلون ترى مجرد وجهة نظر.....اذا ما ترضيكم نسحبها مثل ما سحب حسين الكبش



لا والله ما بنزعل طال عمرك
ووجهة نظرك " نعم " فيها شئ من الصحة
لكن المحاورة كذا ما تلتزم بمعنى واحد طوال الطاروق الا احيانا
عموما سلمت واتمنى ان يكون لي معك محاورة قريبه

[المسرّي]

النووي طال عمرك تشرفت باللعب معك " والقاف شااااااااااااااااااب"
العوض في المقبلات

[المسرّي]

القناص حسابك عسير الله يعينك

انتظرني في محاورة جديدة
والا اقوللك ابد انت
خلنا نشوف

[النووي]

هلابك احمد المالكي

تشرفنا بحظورك

تحياتي