وينك يالحبابي ....

[معقل المجانين]

السلام عليكم ورحمة الله وبركاته
استلم يااخوي / عايض الحبابي لاهنت


ياسلام الله على راع الشهامه والمروه
,,,,,,,,,,,,,,,,,,,,, عد زلزال الرعود وعد براق السحابي

وين ساري يالحبابي وين تو اليل توه
,,,,,,,,,,,,,,,,,,,, تــوزان القاف مابـين المعقل والحبابي

[مرزوق حمدان العتيبي]

وين ساري يالحبابي وين تو اليل توه
,,,,,,,,,,,,,,,,,,,, تــوزان القاف مابـين المعقل والحبابي



الله الله يالمعقل
مرحبا الف .. والحمدلله على سلامتك..
وينك يالحبابي..
على فكره تراني غيرت العنوان من شان ينتبه عايض..
تحياتي

[علي فلاح العضياني]

معقل الجن حياك الله وين الغيبه
الك وحشه فالمنتدى ماتصدق
عموما صح لسانك
وبانتظار الشاعر العملاق عايض الحبابي
وانا في صف الحبابي لا تقول ماعلمتني هههههه
تحياتي

[المسرّي]

تــو زان القاف مابـين المعقل والحبابي

يا سلام يا سلام
وينك يالحبابي
شب النار على العتبان وانا في صفك
هههههههههههههههههههه

[عايض الحبابي]

الله .. الله ..
أستلم يامعقل .. لاهنت :


مرحبا بك في محلّك .. كل رجل يشبّ ضـــوّه = بعدها مايلحق الرجال لوم ولاعتابي

لايغرّك يامعقّل في السماء برّاق نــــوّه = أنت وينك من زمان .. مضيع(ن) درب الصوابي ؟؟!

[عايض الحبابي]

أرحب يابو منذر ... لاهنت على التنبيه ..
والمشاركه اللي أسعدتني ...

تحيااااااتي

[عايض الحبابي]

أبو فلااااااااااااااح أررحب ..

يشرفني وجودك معنا هنا قبل وجودك في صفي .. لاعدمتك ..

تحياااااتي

[عايض الحبابي]

المسري ..مرحبا ومسهلاااا...

أجل أشب عليهم ..ههههههههههه

أنا أدور درب السلامه وأنا أخوك .. ..!!!:)

تحياتي لك ..

[محمد العتيبي]

معقل المجانين وعايض الحبابي

انا ابوقف بالنص بين ذا وذا وابشجع شعار وصفوف وش رايكم ..... ولا هنتوا

[معقل المجانين]

الله يبقيك/ يالحبابي
استلم لاهنت

البقاء ياالشاعراللي يتفق جوي وجوه @@ وانـت شــــــاعـارفــيـنـك ما تـذ ل ولا تــهابــي

الخيال اللي نخيله بارقه يـبـرق بـقـوه @@ احسب احساب الخيال وبارقه واحسب حسابي

[معقل المجانين]

الله يبقيك ويسلمك/ يامرزوق العتيبي

تقبل احترامي وتقديري

[معقل المجانين]

الفالح / الله يبقيك ويسلمك
وماتشوف وحش يالغالي

تقبل احترامي وتقديري

[معقل المجانين]

الله يبقيك ويسلمك/ ياالمسري

تقبل احترامي وتقديري

[معقل المجانين]

الله يبقيك ويسلمك/ ياابومشعاب

تقبل احترامي وتقديري

[وصل العطياني؟؟؟]

الله الله ...

يا سلام على الطاروق المشوّق ...

واصلوا لا هنتوا ...



تحياااااااااتي

[معقل المجانين]

تسلم ياابومشهور

حضورك يهمني كثير ويسعدني اكثر

تحياتـــــــــــــــــــــــــــــــــــــــــــــ ي

[عايض الحبابي]

أرررررررحب يابو مشهور .. أرحب ..

مرورك هنا أكبر تشريف للمحاوره ..

تحياااتي ..

[عايض الحبابي]

الله .. الله ..
أستلم يامعقل لاهنت :


يامعقل كان قدّام العرب لأسمك جروّه = أفتخر باسمك وربعك مع عزيزين الجنابي

وكان تقدر يامعقل قم ولوّ الحبل لوّه = ثمّ فلّه نعرفك.. ويش أنت من ذيك الذيابي ؟؟.

[معقل المجانين]

استلم لاهنت يالحبابي

الرسول المصطفى المختار ماخان النبوه @@ والمعقل يفتخربسمه وربعه خذ جوابي

ان عقدت الحبل صعـب انـك تحله يالفتوه @@ ادرياعايض بعلمي واخبراللي مادرابي

[عايض الحبابي]

خلوووووووووووووووها


بس وش رايك بمن يضحك على الناس ويمــــــوّه = ثمّ خان العهْد في مكـــّه .. ويدعي للخرابي ..؟

ياعسى صفحتك بيضاء يالسنافي ماتشـوّه = مار لاتعصى الأوامر ثمّ يشملك العقابي .!

[مرزوق حمدان العتيبي]

ياسلالالالام ياسلالالالالالام
واصلوا وشدوا حيلكم...
ولكن انتبهوا عدم الدخول الاماكن المحظوره :)

ياعسى صفحتك بيضاء يالسنافـي ماتشـوّه ....مار لاتعصى الأوامر ثمّ يشملـك العقابـي .!

الله الله ...

[عايض الحبابي]

أهليين أبو منذر ..

ماكو مناطق محظوووره وانا اخوك ..!!

<<<<<<<<<<<<<< يرقّع .!!:):)

سعدنا بمرورك ولاهنت ..

[معقل المجانين]

خلووووووووووووووووها

بس مابه بـس وانـتـم بس ما فــيكم حموه @@ يوم جاء وقت الله الله ليش ترخون العلابي

صفحتي بيضاء لها عنوان واضح ما يتوه @@ والاوامرسـجـلـت باسمي ودونـها الكـتابي

[معقل المجانين]

اررررررررررررررحب
الشاعر/ مرزوق العتيبي
شرفني مرورك الله لايهينك

تحياتي

[عبدالعزيز بن جودان الرويس]

الله الله
محاوره جميله بين عملاقين
واصلو لاهنتو
تسلم يامعقل
وتسلم ياعايض

[مرزوق حمدان العتيبي]

بس مابه بـس وانـتـم بس ما فــيكم حموه @@ يوم جاء وقت الله الله ليش ترخون العلابي

صفحتي بيضاء لها عنوان واضح ما يتوه @@ والاوامرسـجـلـت باسمي ودونـها الكـتابي

>>>
بس مابه بـس وانـتـم بس ما فــيكم حموه @@ يوم جاء وقت الله الله ليش ترخون العلابي

صفحتي بيضاء لها عنوان واضح ما يتوه @@ والاوامرسـجـلـت باسمي ودونـها الكتابي
>>>>>

بس مابه بـس وانـتـم بس ما فــيكم حموه @@ يوم جاء وقت الله الله ليش ترخون العلابي

صفحتي بيضاء لها عنوان واضح ما يتوه @@ والاوامرسـجـلـت باسمي ودونـها الكـتابي


<<<<<<<<<<<

الله عليك يامعقل
اشهد بالله انك ابدعت
من غير اقصور في عايض

الليل الليل

[عايض الحبابي]

أبو سعود ..مرحبا ومسهلا ..

وجودك هنا هو المكسب الحقيقي ..

تحياتي

[عايض الحبابي]

مرزوق .. ولكمووووووووو نورت يالغالي :)

[عايض الحبابي]

الله .. الله ...

أستلم يامعقل :


من سمعك يقول هذا عارف وهذا مفـــوّه = دام ماتدري وش اللي صار ..لاتعطي جوابي.!


لاومرتك ..قلت سو الشيء هذا... قم وســــوّه = اقحطاني شيء عادي ..لاومر قدمه عتابي .!!!

[نادر بن طريخم]

الإخوة / معقل والحبابي

بيض الله وجيهكم محاوره رائعه جدا
استمتعنا بمعانيها والإبداع المستمر
تقبلوا شكري وتقديري

[معقل المجانين]

ماعليك زود/ يامرزوق العتيبي
تسلم ياعصابت راسي
تقبل
تحياتي وتقديري

[معقل المجانين]

تسلم يا ابن طريخم

مرورك زادني شرف

تقبل احترامي وتقديري

[معقل المجانين]

الله ,,,,,,,, الله
خلوووووووووووووووووووووووووووووووووووووها


يكفي ان العارفه يعرف صديقه من عدوه @@ والعوارف تنعرف وانته وشنت وش تبابي

وانت ماتامرعلي امرك على بـنت البـنوه @@ اقحطاني مالك امرالامرمن حضرة جنابي

[عايض الحبابي]

أيييييييييييييييييييييه :


قبلها ماكان أحد يعْرف لكم ضعف(ن) وقــــــــــوّه = لين هجّيتوا مع باب الحرم مثل السرابي .!!

آخر الدنيا عتيبه.. بيننا رفقه وخــوّه = وأول الدنيا ضحيّه بين ضرس وبين نابــي.!

[الخــراص]

معقل المجانين



عايض الحبابي


أبداع ليس له مثيل


واصلوا لاهنتوا

تحياتي للجميع

الخـــــراص

[معقل المجانين]

اخي العزيز / عايض الحبابي المحترم

بيض الله وجهك والله انك كفو

تسلم ثم تسلم يا صبي قحطان

المعذره ان حصل مني اي تقصير

وتقبل تحيات اخوك / معقل المجانين

[معقل المجانين]

الــــــــــــــــــــــــــــــــشكر الجزيل لكل من حضر

وتحياتي للجميع

[عايض الحبابي]

أخوي الغالي ...معقل المجانين ..

تشرفت باالأخذ والرد معك ..

ولاعليك زود طال عمرك ..

وتقبل خالص الود
...
والشكر موصول لمن شاركنا هنا ..

[أبو فيصل]

الله الله عليكم

مبدعين

واصلوا و حنا متابعينكم

تحياتي