المساعد الشخصي الرقمي

مشاهدة النسخة كاملة : فيه واحد دوسري هرجته سكٌر نبات!!!!!

ولد عوجان الجذع
11-Apr-2005, 05:20 PM
الأخ أبو رجب
الدوسري
يشرفنا
اللعب معك

تعال يا أبورجب يادوسري
نباها ما بيننا بيع وشري
وإذا منته قدها ارجع قري
ما قدر المولى على عبده يصير

فيه واحد دوسري هرجته سكر نبات
............... هرجته يا جماعه ما حلا مضمونها

ما تفوته واردات ما يعدٌي صادرات
............... كلمته توزن قبيلة وهي يا هونها
محمد العتيبي
11-Apr-2005, 06:15 PM
ما تفوته واردات ما يعدٌي صادرات
............... كلمته توزن قبيلة وهي يا هونها





صح لسانك يابن عوجان وابنتضار ابورجب يشرف

والصف علي ازهلوه
ولد عوجان الجذع
11-Apr-2005, 06:18 PM
الله يحييك
يا أبو مشعاب
وخلك معي على الدوسري
ابورجب
13-Apr-2005, 03:12 PM
ارحب ياولد عوجان الجذع
وحنا اللي نتشرف باللعب معك
استلم يالصنديد اااااااااااااا
يامرحبا بالمصوت ياهلا
واعداد طيرن تعلاّ واعتلا
اثبت مكاني وانا قدم الملا
ماقدر المولى على عبده يصير


فيه واحد من عتيبه علومه غانمات=يبدع الموال ويجيب زين لحونها

المعاني ياولد مقبلات ومقفيات= والعوارف يالجذع ماتخيب ظنونها
ابورجب
13-Apr-2005, 03:14 PM
حياك الله يابو مشعاب ارحب يالذيب
ولد عوجان الجذع
14-Apr-2005, 11:45 PM
يا هلا ومسهلا

أنا سمعت إنك دخلت الملحمة
من عقب جالك مراقب أنظمة
والخصم لاجى لنا ما نظلمه
ما قدّر المولى علىعبده يصير

فوق راسك يا بو رجب حامت الطايرات ........... السوالف يا صحيبي ما ظن ينسونها
القذايف من عتيبة تجيك امشكلات .............. وأنت نوب اتصيبها ثم نوب اتخونها
محمد العتيبي
15-Apr-2005, 01:19 AM
تبقا يابو رجب وصح لسانك وصح لسان ابن العم

واصلوا

وحنا

متابعين
فواز العزيزي
15-Apr-2005, 10:04 PM
يعطيكم العافيه
ومن ابداع الى ابداع
الـقناص
16-Apr-2005, 11:00 PM
الله يعطيكم العافيه
ابورجب
17-Apr-2005, 12:42 AM
استلم اااااااااااااااااااااااا واسمحلنا على التأخير
انا على عهد الرجال الوافيه
وانا احمد الله الضماير صافيه
وانا احمدالله ماعلي خلافيه
ماقدر المولى على عبده يصير

لوتحوم الطايره مالها عنا نجاة = رمية البواردي ماتجي من دونها
النصر دايم لنا ماضيها والحاضرات= والحقيقه واضحه مير لاتخفونها
ابورجب
17-Apr-2005, 12:47 AM
فواز العزيزي+القناص ارحبوا يالنشاما
شرفتوا المحاوره
خلوكم معي على الجذع
ولد عوجان الجذع
17-Apr-2005, 10:03 PM
يا عساها بذمتك يا هالولد
يا كيف صرنا سوا وسط البلد
لا بارك الله فلي خوٌنها وجحد
ما قدٌر المولى على عبده يصير

ما عندنا يا صحيبي علوم امجاملات ......... الثريا ما تجي للثرى وامزونها
الدواسر من عتيبة تجيها امحاضرات..........يا عساها تعتبر لا يجي طاعونها

مسموووووح يا الغاااالي
ولد عوجان الجذع
17-Apr-2005, 10:09 PM
القناص الله يحييك
ولو اني حاس انك منت غريب علي
ابورجب
17-Apr-2005, 10:57 PM
ياللي تشوف رجالها وبنص عين
حذرا تروح يسار خلك باليمين
نجد الجنوبي كلها ملك اليدين
ماقدر المولى على عبده يصير

ياعتيبه ورعكم قام يقذف بالشمات = مادرى ان سيوفنا بالنحور طعونها

الدواسر ماتجي حدها من وقت فات = لابتن وقت اللقا ماتضيع ديونها
ولد عوجان الجذع
18-Apr-2005, 04:55 PM
أنا ما أقول إنك ضعيّف وارخمه
لكن وش جاب البسيطة للسمه
يا صاحب الموزة وحب السمسمه
ما قدر المولى على عبده يصير

ترا عتيبة ما تسمع اللي ماهو ثبات ........... جيب علم(ن) لك ثبات واحتمل مخزونها
ما نبى الدعوى سوالف حكي ومهاترات .......... أخذ زكاتك مني ولا تجي مجنونها
ابورجب
19-Apr-2005, 08:54 AM
ترجع تقول اش جاب هذا ويش جاب
انت تطالع ياعميلي للسراب
والحر الاشقر مايبالي للغراب
ماقدر المولى على عبده يصير

نسأل الله العفو نسأل الله النجاة = خل منك العنصّره والامانه صونها
عايشن بين القبيله علومك ناقصات = روح دورلك على عالمن تبلونها
ولد عوجان الجذع
19-Apr-2005, 01:45 PM
يا أبورجب لا يزعلك علم الوكاد
خلك طبيعي لا نحث لك الرماد
شغلتك عندنا مغر رايح وراد
ما قدر المولى علىعبده يصير

الصراحه ماتباها ولا عندك دوات ******* حمصة مقسومتن في وسط ماعونها
عايشن عيشة كريمة ليا حد الوفات****** وافتخر يوم ان ربعك هلي يكوونها
ولد عوجان الجذع
19-Apr-2005, 01:46 PM
أبو رجب للتذكير النجاة سبق ذكرها (سرت)
المسعري502
20-Apr-2005, 10:46 AM
بارك الله فيكم كلكم
ومحاوره حلووووه
وشكرا

اللي على المدرج يتفرج ..
الاداره
مرزوق حمدان العتيبي
20-Apr-2005, 01:48 PM
....

ولد عوجان... ابو رجب

الله يعطيكم العافيه
....
واصلوا ..
تحياتي
ولد عوجان الجذع
20-Apr-2005, 02:33 PM
المسعري
حياك الله
ولد عوجان الجذع
20-Apr-2005, 02:34 PM
مرزوق العتيبي
مرورك عطر
وشرفتنا
ابورجب
20-Apr-2005, 09:57 PM
ابك الدواسر ماتوصّل فعلها
مقدارهم مثل النجوم بطلّها
مايستوي شيخن بلاقط جلّها
ماقدر المولى على عبده يصير


والله ان بعض الحكي آخير منه السكات=والامانه ممّنه في كنف مامونها

لو اشوفك تنجحر تدخل ابكم العباة=يالثعالب والذيابه حداد سنونها


الرديه السابقه بدال (النجاة) النقاة وشكرا على الملاحظه
ابورجب
20-Apr-2005, 10:00 PM
حياك الله يالمسعري+مرزوق العتيبي

لاهنتوا على المرور
ولد عوجان الجذع
21-Apr-2005, 03:03 AM
أنتم مريسة يا رجال منوفسة
وحالتكم دايم تراها معوكسة
ودياركم في كل حين مشومسة
ما قدر المولى علىعبده يصير


بعضكم يا ولدنا يحسب احساب الرفات ،،،،،،،، يمشي مع الحيين والحيين ايقودونها
لا تزعلني وحاول تاخذ مني رضات ،،،،،،،،، يا حبيب اعيوننا من قبص تشفونها
ابورجب
21-Apr-2005, 11:51 PM
نمرس راسك وراس كل اللي يعيل
ياسارق النعلين مامثلك مثيل
مثل الثعيل اتحط ماتقدر تشيل
ماقدر المولى على عبده يصير

من هدر في حضرتي بعدها جر الرغاة=هية الظيرين ماظني ان تنسونها
اللهجه امكسّره والمعاني مدوجات=والحقيقه واضحه مير ماتقرونها

يعطيك العافيه ومحاوره ممتعه فدنا واستفدنا والجايات اكثر انشالله

تحياتي- ابورجب
ولد عوجان الجذع
22-Apr-2005, 06:33 AM
قال المثل الضرب في الميت حرام
يا صاحب العشة ويا فرخ الحمام
وابتركك اتعيش في الدنيا بسلام
ما قدر المولى علىعبده يصير

الربع اعلومها كلبوها امجمعات .......... دوب تاتي بالتحية على قانونها
لا تعيب الطيبة والعلوم الغانمات ..........والدروب الطايلة للذي يسرونها

حياك الله يا أبورجب وفرصة سعيدة والأيام جاية