قصيدة رثاء في العميد / سعود سعيد العتيبي

[نشمي مقعد نايف العتيبي]

هذه القصيده رثاء في العميد سعود بن سعيد العتيبي واللذي كان له مواقف مشرفه مع ابناء قبيلته ومن يعرفه
رحمه الله واسكنه فسيح جناته واللذي واري جثمانه الثرى يوم الخميس 14/3/1432هـ



خذ يافهد هذا خطاب المعازاه = عزيت في شيخ نظيف كتابه
علم سمعته جاب قلبي من اقصاه = حرك هموم القلب واخلف صوابه
واقلبي اللي زاد همه معاناه = واجر قلبي جر قوس الربابه
على فقيد في عتيبه فقدناه = يوم الخميس الظهر ساوو ترابه
هذا العميد اللي بطيبه عرفناه = مايوم صك عن المسايير بابه
ركن لربعه والجماعه ومن جاه = وعون الرفيق وعون منهو لجابه
مرحوم ياللي تكسب الطيب = يمناه مرحوم ياعز الخوي والقرابه
محوم يامن ينتهض لانخيناه = ذكره مع الاجناب واقصى عتابه
عون الرفيق اللي من الوقت ينصاه = ضلع حجا مزموم في وسط لابه
مرحوم ثم مرحوم لامن ذكرناه = هلت دموع العين مثل السحابه
الموت وحق ودربنا اللي مشيناه = وكل على ماقيل يلقا حسابه
وعزيت يابيت على العز مبناه = اللي عن اهل الطيب ماصك بابه
ومرحوم ياشيخ عزيز فقدناه = عساء جنان الخلد يالله ثوابه

[مرزوق حمدان العتيبي]

..

.
رحم الله العميد سعود بن سعيد العتيبي
وصح لسانكــ يانشمي

[سرور السريح العتيبي]

رحم الله العميد سعود سعيد
المهود العازمي العتيبي
صح السانك يابو نايف
قصيدة جزلة من جزل
تقديري

[فهد العازمي العتيبي]

...


صح لسانك

والله يرحم ابوفهد ويسكنه فسيح جناته ،،،

[فهد علي العازمي]

صح لساااااااانك وبيض الله وجهك

وعسى الله يرحم سعود رحمة واسعة

ولايبقى غير العلم الغاااانم

[ابومشعل العازمي]

صح لسانك

والله يرحمه ويغفرله

[محمدنايف الدهيسي]

الله يرحمه رحمه واسعه وصح لسان الشاعر نشمي بن مقعد