ابومشعاب يرحب بكم ويقول اقلطوا...........

[محمد العتيبي]

الليل ياهل الشعر نبغى الشواعير

.........................نباه راسي ما يهاب المعاصير

ويبشر بمعنى يتعب اهل التفاسير

.......................... والسفن ينطحها الهوى ويحداها


سلام ياهل الوفا مني سلام

.......... والطايرة طايرة في جوها

ياراكب الطايرة شد الحزام

.......... ولا تجود وجود حدوها

[المسرّي]

ابومشعاب
شرف لي المحاوره معك واعلم انني تلميذ عند استاذه
***************************

جــــــــــاك الذي بيبهذلك ويتحداك
وهو المسرّي وان تحديت سرّاك
فان طعتني يا صاحبي روح منّاك
والسفن ينطحها الهوى ويحداها

يا مرحبا في محلات الكــــــــرام ** والطائره في المدرج توها
يا صاحبي قدمك السيف الحسام ** ان كان تقدر فحاجه سوها

[محمد العتيبي]

يالمسري انا والله اللي لي اشرف اني العب معك وانت مدرسة الله يطول عمرك

.................................................. .....................................

لو جيت تال الليل حاملك قناع ***** يالغامدي ماني بخايف ومرتاع
من مد نص الصاع نوفيله الصاع *** والسفن ينطحها الهوى ويحداها

دام البقا فالرجال اللي حشام **** اللي على الطيب تالع ضوها
وانا معي سيف وايقص العظام **** واعرف ثمار النبات ونوها

[مرزوق حمدان العتيبي]

ياسلالالام عليكم
ابو مشعاب والمسرّي
رائعين ومبدعين الله يقويكم ... اصفوفكم ازهلوها...
تحياتي

[المسرّي]

ما عندنا حمل اقنعه عندنا السم
وسيوف هندٍ في اللقا تنثر الدم
لا والله الا جاك هـــمٍ على هــم
والسفن ينطحها الهوى ويحداها

حنا سوى في المواقف والمقام ** في زين الايام والا سُوها
لو ان الافعال في كُثر الكـــــلام ** ان كان قلنا العرب يا قوها

[المسرّي]

ياسلالالام عليكم
ابو مشعاب والمسرّي
رائعين ومبدعين الله يقويكم ... اصفوفكم ازهلوها...
تحياتي



حياك الله يا مرزوق
مبدعين بوجود اللي مثلك وشرواك
سلمت طال عمرك

[عبدالعزيز بن جودان الرويس]

الله الله
طاروق جميل
من ابو مشعاب والمسري
واصلو لاهنتو

[وصل العطياني؟؟؟]

يا سلام ...

إبداع والله ...

لا هنتوا يالنشامى ...

اطربونا ...



تحياااااااااتي

[ولد عوجان الجذع]

أبو مشعاب والمسرٌي
الله يوفقكم
على هالطاروق الطيب

[محمد العتيبي]

مرزوق العتيبي + @ عبدالعزيز @ + وصل العطياني

حضوركم شرف ياطويلين العمار ومعكم المسري يعني كاني تلميذ في قاعة الاختبار لاعدمنا

الحضور والمتابعة يااساتذة واشكركم جزيل الشكر ...........

[محمد العتيبي]

استلم يالمسري
.................................................. .....................


ماعاد فالدعوه مجامل وتطبيل **** حنا سوا لامن غزينا سرائيل
ولا ليا صحح كتابات الانجيل **** السفن ينطحها الهوى ويحداها

هذي رواية من افعال الامام *** اما احتفظ فيه ولا طوها
ياللي ماتعرف حلالن من حرام*** صل الفروض وتمسك وانوها

[محمد العتيبي]

ولد عوجان الجذع مرحبا مليون يالجذع من طول الغيبات جاب الغنايم

اشتقنالك طال عمرك مرحبا والله ومسهلا نورتنا طال عمرك ..........

.................................................. .................................................
.................................................. ........................................
.................................................. ...............................
.................................................. .......................
.................ابومشعاب......................... ............

[المسرّي]

******************
حنا لنا بيعه وميثاق وعهود
بيعه لابوفيصــــل وحنا له جنــود
ومن صوبنا باب الخيانات مسدود
والسفن ينطحها الهوى ويحداها
المعــــــــركه ولعت والحظ قام *** ســـرّح مطاياك والا ضوّها
ما نحترم غير راعي الاحترام *** واللي يبوق العهود مشوّها



***

[المسرّي]

عبدالعزيز ** وصل ** ولدعوجان
حياكم الله جميعا يالذيابه
وانا والله ماغير ودي استفيد من اخوي ابومشعاب
والا وين انا ووين هو

[محمد العتيبي]

خلووووووووووها


انته من اجل الدار جندي مجاهد **** يالغامدي صيح وصوت لغامد
اللي على الشاشة لقوه ومحايد **** السفن ينطحها الهوى ويحداها

امجوده بالعقال و بالخطام **** ما تنظر الا السما وعلوها
الله يحفظ البلد في كل عام ***** مخرب الدار هو عدوها

[المسرّي]

****************
نجــــــاهد اللي يستحق الجهادي
في ظل شرع الله يوم انت غادي
انته جهــــــادك ضد رب العبادي
السفن ينطحها الهوى ويحداها
روابعك ساقتك عكس النظام *** تشوّش عْلى العرب وتْموّها
علّم بها ربعك عتيـــــبه قوام *** سحــــــــــابةٍ في بلدها نوّها


قوام يعني الهمام = بسرعه

وترى المكوى وصل خشم البعير

[محمد العتيبي]

ههههههههههههههه يالمسري الله يعين

قوام معروفه يابعد راسي لكن استلم لا عدمناك ولاهنت على التوضيح .


انا احمد الله مسلم ولي عبادة **** وشهادتي بالله خير الشهاده
يومك مربط جنب ذيك العراده **** السفن ينطحها الهوى ويحداها

مانمشي الاعلى سلم وسلام **** ماهمنا طعم مر وحلوها
ربعي عتيبة فعل ماهو حلام **** ماهمها رخص قوم وغلوها

[المسرّي]

ابومشعاب خذها مني وياليتها تكون المختمه
*****************************
ان كان ودك بالكـــلام المصيبي
اللي مربّط في العـــراده عتيبي
ماهوب من غامد كعام الحريبي
السفن ينطحها الهـوى ويحداها
النوّ يَـمّ اليمن والبرق شام *** ورشا العرب ما يورد دلوها
تبي النصيحه ما عاد الا الختام *** انشر صحايفك والا طوّها

[محمد العتيبي]

يااخي المسري صح لسانك وماقصرت

والحقيقة فرصة سعيدة يوم اخذت معك الطاروق الطيب وانشالله يتكرر اللقاء في مرات اخرى
وتقبل تحيات اخوك : ابومشعاب والله لا يهينك ..