الرجل لاحده زمانه على الشين

[مشعل المغيري]

السلام عليكم ورحمه الله وبركاته
حصري

الشاعر
محمد غالب


الرجل لاحده زمانه على الشين=والهم والهوجاس في الوقت صابه
اليا اعتزا يلقا ربوع وقربين=يومن كلن يعتزيله بلابه
ربعي هل الطالات شر المعادين=نعم الرجال ونعم هاك القرابه
مغايره دايم مع الناس وافين=عزالعتيبي لااعتزا في عتابه
مغايره دايم على العسر واللين =سعد الخوي لامن همه سرابه
مغايره وقت الشدايد سلاطين=اهل كرم عزن وطيب ومهابه
من روس روق مرجحين الموازين=الرجل فيهم لابغى المجد جابه
ربعي هل الفزعات والماقف الزين=مافيهم اللي صك للضيف بابه
يومنها بالسيف وسط الميادين=بالعز والهيبه ترانا انتشابه
فينا ذوي حماد بالعز راقين=وبني حمد بالطيب فوق السحابه
وفواصل الهيبه وعز الحباجين=وفلاوتن شجعان مثل الذيابه
وبني عماره ملحقين المخلين=وربوعنا المرغان نعم القرابه
والطيب لهل الطيب ربعي القباعين =وبني شهيل اهل الكرم والذرابه
وفينا صالميكن على العز ناشين=وبني مسمح ضيفهم مرحبابه
واهل الفخر عصدان للعز ناصين=مغايره والطيب كلن درابه
مغايره لااحتك عودن بعودين=عدونا يوم اللقا مانهابه
وتاريخنا مشهود مجدن له سنين=مجدن توارثناه مابه غرابه
ولافيه نقصن في الرجال العزيزين=والطيب ماهو حصر ليات لابه
وهذا وصلى الله على ناصر الدين=اللي نصر دينه وعز الصحابه

[ولدعساف]

صح لسانه ولاهنت

[مشعل المغيري]

اتمنا من المشرفين تعديل البيت الثالث عشر نقص كلمه اللي هي ربعي
البيت بعد التعديل
والــطــيــب لـــهــــل الــطــيـــب ربعي الـقـبـاعــيــن
وبـنــي شـهـيــل اهــــل الــكــرم والــذرابــه


لاهنت ياولد عساف وصح بدنك

[روقي الدوادمي]

بيض الله وجهك يامشعل وبيض الله وجه قايلها ..وربعي المغايره غز الرفيق الي من الوقت منضام..

وتحياتي لك عزام الشهيل

[فهيد مقعد الرويس]

ونعم بالمغايره وصح لسان شاعرها

تحيتي وتقديري

[المـرشدي]

صح لسانه ولاهنت