وصيف الذيب

[عبداللطيف الفضلي]

الذيب عاده لي غزا ينحر الشـــاه = ومن بعد ما يقفي يعود لشاتـــه
وانا وصيف الذيب فعله وممشــاه = فعله يشــابهني واسـوّي سواته
واليا عوا في تالي الليل بعـــــواه = أقنب قنيب الذيب واعوي عواته
من جور مابي باشكي الضيم وياه = أشكي قسا وقتي ويشكي شكاتــه
يالله من وقتٍ غدا اليوم مااقســـاه = دايم على راسي يوطّي عصاتـه
كل ما تزايـــد هم قلبي وبـــلــواه = يبدي عدوي فرحته والشماتــــه
صبرت ليمن الصبر بــاح شكواه = يصيح مني صاريكتب وصاتـــه
راضي بحكم الله وشاكر عطايـــاه = ربٍ كريـــمٍ مانكرنــا عطاتـــــه

[مرزوق حمدان العتيبي]

الذيب عاده لي غزا ينحر الشـــاه = ومن بعد ما يقفي يعود لشاتـــه
وانا وصيف الذيب فعله وممشــاه = فعله يشــابهني واسـوّي سواته

..

.

كم انت مبدع ياعبد اللطيف..
استمتعت بقراءتها ..

كل الشكر
...

[أبو مرحبا]

صح السانك على القصيدة الرائعه

تقبل مروري

[ولدعساف]

ياسلام ياسلام ..

صح لسـانك شاعرنا عبد اللطيف الفضلي ولاتحرمنا من قصائدك ..

ودي وتقديري :)

[مــعــدي الــعــتــيــبـي]

السلام عليكم


عبد الطيف صح السانك

[بارووود]

الفضلي : صح السانك مدد بلا عدد ,,

عندي استفسار :- الذيب يعود لشاته !!؟

ملاحظة (( صبرت ليمن الصبر بــاح شكواه = يصيح مني صاريكتب وصاتـــه))

ليتك سلمت من هالبيت ,,, وانت جميل في كل حالاتك


بارووود

[الــكــايــد]

صح السانك على القصيدة الرائعه

تقبل مروري

[عبداللطيف الفضلي]

الاخ مرزوق العتيبي صح بدنك



أسعدني مرورك


لك مني كل التقدير والشكر والاحترام

[عبداللطيف الفضلي]

ولد عساف صح بدنك



لك مني كل الشكر والعرفان

[عبداللطيف الفضلي]

ابو مرحبا صح بدنك



اسعدني مرورك

لك مني أجمل تحية

[عبداللطيف الفضلي]

معدي العتيبي صح بدنك



ياهلا ويا مرحبا


لك مني كل الشكر والتقدير

[عبداللطيف الفضلي]

بارووود

احتفظ بنقدك لنفسك


تحيااتي

[عبداللطيف الفضلي]

الكايد صح بدنك مليون ولا يكفون



أسعدني مرورك


لك مني أجمل وأعطر تحية

[بارووود]

بارووود

احتفظ بنقدك لنفسك


تحيااتي



مشكور ... لكن ارجع واقول :-

(( الذيب اذا ذبح الشاة واكل منها ماعاد يرجع لها .. )) حبيت اوصل لك المعلومه

ومايهمني انك تتعلم من خطاك او تتستفيد ..!!

انا همي وغيرتي على الشعر نفسه ... ومن ردك الجميل عرفت اقصاك...

لك من جزيل الشكر



بارووود

[عبدالله بن صلهام]

وانا وصيف الذيب فعله وممشــاه


كفو ياعبداللطيف

قصيده جميله

صح لسانك

[عبداللطيف الفضلي]

أخي بارود مافهمتني عشان تعرف اقصاي

المعذرة ياخوي أنا أقصد ان الله عطا الذيب مقدرة ومعرفة انه ينحر الشاه وينتظر حتى يخرج دمها مثل الذبح الآدمي


وبذلك تكون طيبة للأكل بعد خروج دمها سبحان الله


أحترمك أخي العزيز وأحترم رأيك



تقبل اعتذاري

[عبداللطيف الفضلي]

عبدالله بن صلهام صح بدنك


بيض الله وجهك يالذيب


لك مني أجمل تحية