الحب الصادق

[فهد سعد الحشيبري]

الحب صادق
يالمزنة اللي في ضميري مرزمة = حتى الهبايب ماتجي وتحوفها


خلودها تحت الحنايا توسمه =وحدودها الاضلاع لين كتوفها


مطواع ماتخلف علي الانظمة =تسعد عيوني لاتحلت شوفها


هلت مطرها بين جلدي ولحمه =واهبني الوهاب زين اوصوفها


تسقي فؤادي من مطرها تكرمه =تبرق وترعد بالخفوق احروفها


فيها الوضوح ولا عليهاتعتمة =حتى الصواعق ماتجي من جوفها


الاعلى الشيطان صاعق يهزمه = مهزوم من مشياتها ووقوفها


نسناسها بالجوف محلى منسمه = نبت الحيا بالقلب من مريوفها


تلقى نياق العز ترعى وغنمه = والعز نازل ما جحد معروفها


حليب خلفاته لذيذ(ن)مطعمه = يصب بقلوب المشاكل خوفها


الحب صادق والمشاعر ترسمه = في لوحة الايام رغم اظروفها


والشوق زايد والغلا من مبسمه = تلقى الحشايم لبسها وكفوفها


والريف يبقى لقمته توصل فمه =تدوم يوم ان الوفا مصروفها


والتضحية تبقى لنا رمز وسمة =واخلاصنا مثل الجبال ونوفها


يقولها شاعر هجوسه تخدمه = يرسم معانيها على مكشوفها


الشاعر /فهد سعد الحشيبري

[مرزوق حمدان العتيبي]

..

.

ملالالالالالاين صح لسانكــ يابو سعد ..

مبدع الله لايضرك وننتظر جديدكــ

..

[أبو مرحبا]

صح السانك واعتلى شانك

لاهنت

تقبل مروري

[فهد سعد الحشيبري]

الاخوة الكرام
الاستاذ مرزوق والاستاذ ابومرحبا
مروركم وسام فخري واعتزازي
شكرا لكم