نــواف الشيباني ،،،، ( دالوب الدهر )

[علي أبوثنتين]

نواف تعال يا نواف بالحال = يا شاعرن فاللقاء منته بهايب
أبنشدك كان دالوب الدهر مال = وش صار ياصاحبي عند الحبايب

[نواف الشيباني]

انا قريب هنا ياطيب الفال=صاحبك ياصاحبي قد الصعايب

فيه الوفاء والكرم مع بن ودلال=لكنك اثرت يومك صرت غايب

[علي أبوثنتين]

ما باقين في حراج القوم دلال = أحذر تخالط من العربان خايب
فرقاء الردى عيد يانواف لوطال = حلفت ما اجلس فمجلس شخص عايب

[نواف الشيباني]

مادام شديت يارجال رحال=مانعرفك مخطيٍ ولا انت صايب

المجلس اللي مذرى مابه ارجال=لاتقربه واخذها من راس شايب

[خالد الزيد المكودر]

صحت الالسن و القلووب

[نواف الشيباني]

المكووودر صح بدنك

[علي أبوثنتين]

شديت واثر الشديد يريح البال = واصبحت عن ذنب خلق الله تايب
والمجلس اللي تقوله في نزال = والله ما اجنبه والفال طايب

[علي أبوثنتين]

صح بدنك يالمكودر ،،،، لاهنت على المرور العطر ،،،

[نواف الشيباني]

من عقب ماحطلك فالرجم منزال=حولت ياعلي في قبر ونصايب

لاتجلس مع العرب ياكود بافعال=ولا ترا رحت في شب وشبايب

[علي أبوثنتين]

منزالنا يا ابن مشيب عالي جبال = ما في علو منزلي شك وطلايب
والا انت تتبع ردين هافي الخال = يا الله عساء تشيلكم معه الهبايب

[نواف الشيباني]

اشوفك انته هنيا مامعك مال=ويش السبايب وعجل بالسبايب

اخاوي اهل الوفاء في كل الاحوال=يومٍ بعض العرب روح جلايب

[علي أبوثنتين]

يا هيه فرق ما بين خفاف وثقال = طفره هنيا ولا طنخة زلايب
خوتك معهم بليا عز وظلال = واصبر يا نواف وتشوف العجايب

[حاكم الشور]

شكرا على المحاوره الجرله

[علي أبوثنتين]

عفواً يالمورقي لاهنت على المرور العطر ،،،

[نواف الشيباني]

انته علامك يابو ثنتين محتال=وهرج القفاء مايقوله غير خايب

راع الردى بصفق براسه على الجال=وياصاحبي ماعلى الدنيا غرايبصح لسااااانك وتشرفت باللعب معك والختام عندك اذا حبيت

وتصبح على خير

[نواف الشيباني]

حاكم لاهنت على المرور

[علي أبوثنتين]

للحق ناسه وقول الحق لا زال = وماقول اللي قول غير القول صايب
وراع الردى ماله الا وطي بنعال = وان طعتني دورو للشيخ نايب

[علي أبوثنتين]

لاهنت يا نواف على قبول الدعوه ،،، وشكراً على الاطراء وتصبح على خير ولنا لقاء اخر مع موضوع اخر إن شاء الله ،،،

[خالد الزيد المكودر]

هههههههههههههههههه

ولا زلت متابع و اقول:

صحت الالسن و القلوب