يامحمد حديد نبا نترك الدار

[توبان الروقي]

السلام عليكم ورحمة الله وبركاته

هذه القصيده مسندها للاخ محمد حديد المرشدي



يامحمد حديد نبا نترك الدار=ماعاد فيها الا العنا والنكاده
راح الربيع وثور الجو بغبار=وراحت ليال التمشيه والسعاده
دار الزمان وكل شي به اندار=وغدر الزمن من مامضى فيه عاده
حاولت اسج الرجل وادار الاخطار=مير الخطر ياخوك ولع زناده
ساهمت مثل الناس في شركة عمار=وصارت دمار وعرضتنا النقاده
ضحك علينا المجرم اللي كما الفار=بقراره اللي صدره باعتماده
ومدامها تمت وصار الذي صار=لاخير فاللي مايثبت شداده
ولاخير فاللي قلبه اسود من القار=ولاخير فاللي طوحت به جواده
وبحر بليا در ما فاد بحار=يتعب ويشقا ماطلع له بفاده
وترا الحصان حصان يفرق عن العار=والرجل ياصل للعلا باجتهاده
واكيد تفهم ما كتبته بالاشعار=وغيرك صحيبك ما درا وش مراده

[مخاوي الطير]

..

صح السأأنكـ ع الجزل يا توبان الروقي


قصيدهـ جزله وابداع يالغالي ..





,

[محمد عويض الثبيتي]

صح لسانك


تقبل مروري

[توبان الروقي]

صحت ابدانكم جميعا ولاهنتووا



كل الود