العمـــــــــــــــــــــدة

[مشعل الحافي]

العمده صبحك الله بالخير ..طاروق للفائده ليس إلا //



سلام الله على جزل المعاني صامل الهدات=بعيد اشبوح نظراته مع العرّاف سيرتهاا
تقدم يارعد وانته وسيع ابطان فالشدات=ترا الطرقه طويله والمعاني منك نظرتها

[منصور الدرين]

ياسلاااام يامشعل

بدعه كافيه صح لسااانك

وفي انتظار العمده

[مشعل الحافي]

ارحب يامنصور والكايف حضورك

بس الاحظ ان المنتدى خبّط او ان جهازي مخبط
الشاشه عندي تعلق

[رعد الروقي]

صباح الطيب والفل يا مشعل ... الفايدة لي بارك الله فيك


عذراً على التاخير ...... الاتصال سيء جدا وحتى لوحة التنسيق مغلقة






هلا يا مرحبا بالشاعر اللي ياصل الهقوات
ولن شاف اليتيمة في طريقة مش عبرتها
ترى ما يبلش مع الطرق غير اللي بدون اثبات
واشارت الطريق المعتبر تعميه شفرتها

[رعد الروقي]

مرحبا يا منصور



صح بدنك وبيض الله وجهك



شرفتنااااااااااااا بمرورك

[عيد بن مرضي]

الله الله

صح الله السنتكم

وحيّ الله العمدهـ

[مشعل الحافي]

الله الله
معذور يالعمده وانا بعد الاتصال عندي مايباعد بس سويت رستارت وكنه صار كويس




يدوم إلك البقا ياللّي ترحب وأبرك الحزات=ليا من عانق اسهيل الجدي وابعآد جمرتهاا
عقب جده طواها السيل واغرق عالي الرآيات=نبا العمده يعيد الذاكره ويشوف سيرتها

[مشعل الحافي]

ارحب ياعيد بن مرضي
صح بدنك//

[خالد العصيمي]

وابعاد جمرتها الله الله

صحت الالسن والقلوب

[رعد الروقي]

الله الله


تبانا نحسب الحيين والا نحسب الاموات
اخاف ان الخواطر بالحساب تهون كسرتها

على ذمة وسيعين الذمم كبر الجبل شرهات
تناساها النفوس وتفتكرها عند سكرتها

[مشعل الحافي]

الله الله


تبانا نحسب الحيين والا نحسب الاموات
اخاف ان الخواطر بالحساب تهون كسرتها

على ذمة وسيعين الذمم كبر الجبل شرهات
تناساها النفوس وتفتكرها عند سكرتها



الله الله



نبا نحسب حساب الفايته واللّي علينا جات=ونفسن ماتقول الحق عقب الضيم عرّتها
تطول الشرهه وتكبر ليا فتشت في اللفات=نفوسٍ كللت بالدين سرتها وضرتهاا

[مشعل الحافي]

ارحب ياخالد صح بدنك//

[رعد الروقي]

تعب راع الحلال وحط راسه والثعل ما بات
يعشي عمته من مكسبه ويمد سفرتها

لكن ان طعت شوري علم اللي يرفع الاصوات
بلاش يصحي النيام ويناحي بريرتها

[رعد الروقي]

الله الله

صح الله السنتكم

وحيّ الله العمدهـ



الله يبقيك ويعافيك يا عيد بن مرضي



صح بدنك ولاهنت طال عمرك



تشرنا كثيرا بمرورك العذب

[مشعل الحافي]

تعب راع الحلال وحط راسه والثعل ما بات
يعشي عمته من مكسبه ويمد سفرتها

لكن ان طعت شوري علم اللي يرفع الاصوات
بلاش يصحي النيام ويناحي بريرتها



الله الله الله


ينام الراعي المصلاح ما يدري عن الغرات=وتسهر عين منشار الشقاء وتغيب جرتها
ترى شمس الحقيقه شارقة في عصرنا بالذات=ولكنّ الاوادم ما تبا تكشف لحسرتهاا

[رعد الروقي]

وابعاد جمرتها الله الله

صحت الالسن والقلوب


صحت الابدان والنفوس

[رعد الروقي]

الله الله






كثير الناس ما تعرف عن النيرن والجنات
ولا هي ناقصة حاجة تعكر جو سهرتها

وانا مدري نعد الحافي اللي محتزم فايات
بعد بعض العلوم المستديمة دق نمرتها

[رعد الروقي]

استاذنك يا مشعل الموقع ثقيل ولا يفتح الا بصعوبة بالغة


ان شاء بكرة نكمل




تقبل تقديري

[مشعل الحافي]

الله الله






كثير الناس ما تعرف عن النيرن والجنات
ولا هي ناقصة حاجة تعكر جو سهرتها

وانا مدري نعد الحافي اللي محتزم فايات
بعد بعض العلوم المستديمة دق نمرتها



الله الله الله


يدق ناقوس الخطأ وتطيح جمرة في عرات=وهوامير البلد تسهر تعانق كاس خمرتهاا
انا ليا من صاح صيّاح الرضا على الصدات=يمينك ...والليالي لقْح مافضت بكارتها

[مشعل الحافي]

على خير يالعمده
غداً نلتقي باذن الله ونكمل/
/
//
/
تصبح على خير

[المـرشدي]

الله الله

صح الله السنتكم

[بن ساعد الثبيتي]

رعد الروقــــــي صح لسانك .. وعاش من شافك .. / عساك بخير ؟!

الحـــــــااافي صح لسسسسانك ..

[مشعل الحافي]

يامرحبا يالمرشدي صح بدنك//

[رعد الروقي]

الله الله الله


سمعنا قربعة حول المكاين ياهل الهافات
وعند اصحـــــــابها وان كان رد الرد دبرتها

رجال افعال مافيكم ليا افتر الزمن شكات
لو ان الشام ما نرضى لكم في صرف ليرتها

[مشعل الحافي]

الله الله الله


سمعنا قربعة حول المكاين ياهل الهافات
وعند اصحـــــــابها وان كان رد الرد دبرتها

رجال افعال مافيكم ليا افتر الزمن شكات
لو ان الشام ما نرضى لكم في صرف ليرتها



الله الله الله
صباحك شعر ياعمده



يجيك العلم لامنك وصلت لباقي الحروات=بعد طال الطريق ولفته من دون ديرتهاا
بلاش تقلّب اعلوم العرب واتحذّف النغزات=ترى صغر الشراره لا وصل شببّ لنيرتها

[رعد الروقي]

المرشدي // ابن ساعد .. تعيش . ما تفقد غالي بخير ا مال الخير




حياكم الله وبياكم



صحت ابدانكم ولاهنتوا

[علي الشهراني]

يا صباح الخير يسعدك ربي من صبااااااااااح


الحافي و العمده


صحت السنتكم جميعا


( العمده انت باقي مطوول و لا لا ؟؟؟ )

[مشعل الحافي]

إبن ساعد صح بدنك//

[مشعل الحافي]

ياصباح النوور ياصبي اشهران
صح بدنك
وابد هذا ولانا صاحبك مطوّل بس لاتخليه:)

[رعد الروقي]

حياك الله ياعلي الشهراني


وانا موجود ان شاء الله لين توقف مظاهرات مصر



صباح الرضا وصح بدنك

[رعد الروقي]

الله الله

تحللنا ولا بعد التحلل رمي للجمرات
علام البادية بيدينها حاست مريرتها

لقينا الجرعة اللي تذبح الديان والحيات
ولا باقي علينا غير نقلع جذر شجرتها

[مشعل الحافي]

الله الله

تحللنا ولا بعد التحلل رمي للجمرات
علام البادية بيدينها حاست مريرتها

لقينا الجرعة اللي تذبح الديان والحيات
ولا باقي علينا غير نقلع جذر شجرتها



الله الله


عقبّ طوّل حكم حسني.. مصر تبكيك يالسادات=مدامك مبعد النظره ..وسلّمت لجريرتهاا
لقيت المصلّ لكنّك سبرت ابخافي النيات=وهذي معجزه لوّ إن احلام اليدو غرّتها

[رعد الروقي]

الله الله


عقبّ طوّل حكم حسني.. مصر تبكيك يالسادات=مدامك مبعد النظره ..وسلّمت لجريرتهاا
لقيت المصلّ لكنّك سبرت ابخافي النيات=وهذي معجزه لوّ إن احلام اليدو غرّتها



بيض الله وجهك يا مشعل


وصح لسانك ملايين



شرفتني بهذا القاف


الى لقاء اخر ان شاء الله

[مشعل الحافي]

ابيض وجه يالعمده
شرفت اخووك بهذا الدرس المجاني
صح لسانك ملالايين

ولنا لقاءات قادمه باذن الله
تقديري//

[عادل الحربي]

صح السانك يامشعل
وصح السانك يالعمده

محاوره رائعه كروعة شعراءها تمنيت اني كنت معكم على الهواء مباشره ...


لكن الجايات اكثر

تحياتي