محمد السناني × مرزوق المقاطي .. مطلوب ابو فايح و بقية الاخوان لتحليل المعنى

[فيصل بن فهد الجهني]

مساكم بالخير جميعا

صراحتا ذا المحاوره احترت فيها ولا ادري وش معناهم .. مدري هو اسقاط على واحد او اثنين .. او شي صاير بنفس الحفله ..!!

الزبده اني بحلت بها ... و اتمنى من ابو فايح و لا هانوا الباقين يحللون لنا معناها .. و اكون شاكر لكم



مرزوق المقاطي
يا مرحبا و الحضور يسد دون الغياب = حضور ربعي يكفي دون غيابها
دقن ابن متروك من صكات الايام شاب = لين اصبح الشيب في دقنه وفأشنابها

محمد السناني
دام البقى و انت حاسب للمواقف حساب = و الفتنه النايمه لا تبعث اسبابها
انته تحدث مع الشايب بروح الشباب = الناس ما كل ساعه تملك اعصابها

مرزوق المقاطي
احسب حسابي و اميز فالخطا و الصواب = و انته تدير البلاوي لين تبلابها
يا شايب الخير فصل فوق جسمك ثياب = الناس للعيد قامت تلبس ثيابها

محمد السناني
ان كان ما جاتك قطره من رذاذ السحاب = اكيد عندك جريمه صابك عقابها
انته تحرا ثواب العود ولا العقاب = الناس دون المواقف سامت ارقابها

مرزوق المقاطي
نسوي الخير نبغى رده اجر و ثواب = و المخطيه لو تجيني منك ما ارضابها
الذاهبه فالخلا تصبح عشا للذياب = لكن بعض الدعاوي سكروا بابها

محمد السناني
انته تلبست لك تهمه و فكيت باب = لا عاد تضحك من البلوى وتبلابها
اللي يوصلك للرحمه طريق العذاب = في يوم ما تفزع الاصحاب لأصحابها

مرزوق المقاطي
اعرف مطير الصقر و اعرف مطير الغراب = و العالم اللي سواتك ما بلشنابها
لو ان ربي مسوي فيك مخلب و ناب = يمديك حتى الجمال تكسر ارقابها

محمد السناني
انته ليا الساع بين الرفض و الانتخاب = خبرتك بين الثنين ازعجك هندابها
ما تدري ادم و حوا كلهم من تراب = سيرتك مجبور غصب عنك ترضابها

مرزوق المقاطي
يا راعي المزهب اللي فيه عقرب و داب = تراك بلشان فالعقرب وفي دابها
الكرمه الطيبه لا طاح فيها الذباب = نصد عنها و عنكم و انتم اولابها

محمد السناني
مالك و مال العقارب يحذر الاقتراب = السم في روسها ماجود واذنابها
ان كان عندك وكاله لإبن غانم ذياب = إقلط على الشاذليه و انت شرابها

مرزوق المقاطي
ان كان تبغى الحقيقه فيك سبع العجاب = مالي دخل في عقاربكم ولا اشقابها
كلمتك هذي تحصلك عليها عتاب = لكن لا تقصر الدله يا صبابها

محمد السناني
مرزوق باين عليه الخوف و الارتياب = قدام يكتب عليه اسمه تسمابها

[ابو فايح]

طاروق أبياته قويه للغايه

تاريخ المحاوره غير معلوم لدي ولذا غالبا لا أستطيع أن أقنع نفسي قبل غيري بمعنى طاروق لا أعرف تاريخه ولو تقريبيا .


ولكن على ما يبدو لي من قرأه أوليه أن الطاروق سياسي والله أعلم والمتأكد منه أن الشاعرين لا يسقطون أبياتهم على بعض وإنما على شخصيات أخرى .


لاهنت يا فيصل وبإنتظار بقية الأخوان .

[عمر الحصيني]

فعلا مثل ما قال الأخ أبو فايح التاريخ مهم لهذه المحاورة !! لأن المعنى يظهر لي والله العالم أنه سياسي بالمقام الأول !!

وربما يدور حول ما يحصل من كوارث لمدينة جدة ، أو قد يدور المعنى حول إيجارة رئيس دولة تونس لا رده الله !!


لاحظ عزيزي أنا أقول ربما لا أكثر !!



ود و ورد



عمر الحصيني

[فيصل بن فهد الجهني]

طاروق أبياته قويه للغايه

تاريخ المحاوره غير معلوم لدي ولذا غالبا لا أستطيع أن أقنع نفسي قبل غيري بمعنى طاروق لا أعرف تاريخه ولو تقريبيا .


ولكن على ما يبدو لي من قرأه أوليه أن الطاروق سياسي والله أعلم والمتأكد منه أن الشاعرين لا يسقطون أبياتهم على بعض وإنما على شخصيات أخرى .


لاهنت يا فيصل وبإنتظار بقية الأخوان .


هلابك ابو فايح .. اعتقد ان المحاوره صارت من فتره .. يا شهر او شهرين .. او اقل ..!!

مدري انا اشك ان السالفه تدور على الملعبه.. و على شاعر موجود .. و اعتقد ان مستور العصيمي و سفر الدغيلبي موجودين .. بنفس الحفله ..!!

سلمت يا ابو فايح على مرورك .. ولا هنت

[فيصل بن فهد الجهني]

فعلا مثل ما قال الأخ أبو فايح التاريخ مهم لهذه المحاورة !! لأن المعنى يظهر لي والله العالم أنه سياسي بالمقام الأول !!

وربما يدور حول ما يحصل من كوارث لمدينة جدة ، أو قد يدور المعنى حول إيجارة رئيس دولة تونس لا رده الله !!


لاحظ عزيزي أنا أقول ربما لا أكثر !!



ود و ورد



عمر الحصيني




لا هنت يا الذيب على مرورك الجميل ..


,,, تحيتي

[المـرشدي]

لاهنت يا فيصل

[عبدالله العضياني]

محاورة قوية جدا

وصحت ألسن الشعراء

ولا هنت على النقل يا ذيبان

[فيصل بن فهد الجهني]

المرشدي ..

ولا انت يا طويل العمر ... مشكور على مرورك



عبدالله العضياني

ولا انت .. و سلمت على مرورك





,,, تحيتي

[مرزوق حمدان العتيبي]

..

.
جزاله وابداع غير مستغرب من الاثنين
..

شاعر خنذف و مرزوق المقاطي احد الركائز المهمه في شعر المحاوره
...

[فيصل بن فهد الجهني]

لا هنت يا مرزوق على مرورك


اوافقك الرأي في جزالتهم .. و لكن ليتك ادليت بدولك بخصوص المعنى

[عبدالله القحطاني]

يا راعي المزهب اللي فيه عقرب و داب = تراك بلشان فالعقرب وفي دابها


المعنى والله العالم من البدايه عن مشاركة السناني في لجنة شاعر المعنى

والعقرب والداب هم الزلامي والهاجري ههههه


والسناني ايضاً يقول لمرزوق شارك في هاذي السنه يمكن تنجح لأنك فشلت في النسخه الأولى

ومرزوق كان رده قاااااسي جداً في هذا البيت


الكرمه الطيبه لا طاح فيها الذباب = نصد عنها و عنكم و انتم اولابها


اعتقد المعنى واضح يعني المسابقه لا صرت فيها يالسناني ماني مشارك فيها ههههه

:


ان كان عندك وكاله لإبن غانم ذياب = إقلط على الشاذليه و انت شرابها

مطب شعري :)


كلمتك هذي تحصلك عليها عتاب = لكن لا تقصر الدله يا صبابها


لاكن لم يمشى على مرزوق

:

كل ما كتب فوق معرض للخطاء والصواب

تقديري

[ابراهيم الجـــــذع]

يعطيك العافيه أخوي فيصل

على نقل المحاوره

[فيصل بن فهد الجهني]

يا راعي المزهب اللي فيه عقرب و داب = تراك بلشان فالعقرب وفي دابها


المعنى والله العالم من البدايه عن مشاركة السناني في لجنة شاعر المعنى

والعقرب والداب هم الزلامي والهاجري ههههه


والسناني ايضاً يقول لمرزوق شارك في هاذي السنه يمكن تنجح لأنك فشلت في النسخه الأولى

ومرزوق كان رده قاااااسي جداً في هذا البيت


الكرمه الطيبه لا طاح فيها الذباب = نصد عنها و عنكم و انتم اولابها


اعتقد المعنى واضح يعني المسابقه لا صرت فيها يالسناني ماني مشارك فيها ههههه

:


ان كان عندك وكاله لإبن غانم ذياب = إقلط على الشاذليه و انت شرابها

مطب شعري :)


كلمتك هذي تحصلك عليها عتاب = لكن لا تقصر الدله يا صبابها


لاكن لم يمشى على مرزوق

:

كل ما كتب فوق معرض للخطاء والصواب

تقديري



لا هنت على كل حال يا عبدالله القحطاني

[فيصل بن فهد الجهني]

يعطيك العافيه أخوي فيصل

على نقل المحاوره



الله يعافيك يا ابراهيم .. و بحكم انك شاعر .. و لك خبره في المعاني .. ليتك مريحيني بالمعنى


لا هنت يا الذيب على مرورك

[ابو فايح]

الأخ فيصل ذكرت الحفله

أعتقد كانت فالرياض


المهم

لا أعتقد أن المعنى في أحد الحضور لأن الحفل عند عتبان وكذلك بقية الشعراء عتبان والذي بدع المعنى مرزوق المقاطي

لو أن المعنى في أحد في الحفل كان الذي يبدعه السناني

وأيضا لو كان المعنى في أحد الحضور يعتبر المعنى واضح ومكشوف سيفهمه كل من كان فالحفل


أعتقد أنه سياسي والله أعلم .

[فيصل بن فهد الجهني]

الأخ فيصل ذكرت الحفله

أعتقد كانت فالرياض


المهم

لا أعتقد أن المعنى في أحد الحضور لأن الحفل عند عتبان وكذلك بقية الشعراء عتبان والذي بدع المعنى مرزوق المقاطي

لو أن المعنى في أحد في الحفل كان الذي يبدعه السناني

وأيضا لو كان المعنى في أحد الحضور يعتبر المعنى واضح ومكشوف سيفهمه كل من كان فالحفل


أعتقد أنه سياسي والله أعلم .



الله لا يهينك يا ابو فايح على التوضيح ..

[فهد الزهراني]

مرزوق

يا شايب الخير فصل فوق جسمك ثياب = الناس للعيد قامت تلبس ثيابها

محمد

انته تحرا ثواب العود ولا العقاب = الناس دون المواقف سامت ارقابها

مرزوق

الذاهبه فالخلا تصبح عشا للذياب = لكن بعض الدعاوي سكروا بابها

محمد

اللي يوصلك للرحمه طريق العذاب = في يوم ما تفزع الاصحاب لأصحابها

لاهنت يافيصل من خلال الابيات اللي فوق اكاد اتفق مع الاخوة انه سياسي اذا كان الطاروق جديد لانه ينطبق على بعض الاحداث والله اعلم

موفق

[فيصل بن فهد الجهني]

هلابك اخوي فهد الزهراني .. مشاركتك اثراء للمتصفح المتواضع


لك كل الود على مرورك الجميل

[برق شمالي]

يعطيك العافية يافهد محاورة جميلة وإبداع معهود من السناااني

...


اللي يوصلك للرحمه طريق العذاب = في يوم ما تفزع الاصحاب لأصحابها

بعض الأمور ماينفزع بها !!!

[الكاايد]

المعنى شخصي بين الشاعرين

والدليل ( انته ) اس تربيع

اعجبني بيت لـ مرزوق مع ان ابياته كلها في الصميم ماشاء الله عليه

الكرمه الطيبه لا طاح فيها الذباب = نصد عنها و عنكم و انتم اولابها


صدقت يامرزوق :)

[برق شمالي]

المعنى شخصي بين الشاعرين



شكلك فااااهم

طيب شوف البيت ذا رغم ان مرزوق معلمه السناني ومحذره من السم ... لكن بكل تأكيد ماحد يطى العقرب وهو منتبه !!!!!!!!!!


ما تدري ادم و حوا كلهم من تراب = سيرتك مجبور غصب عنك ترضابها

[الكاايد]

مدري وش اللي ردني للموضوع :)

لكن استغربت تهجم السناني

مثال ( اكيد عندك جريمه .. انته تلبست لك تهمه .. انته تحرا الثواب .. انته تحدث مع الشايب

انته ليا الساع بين كذا وكذا ) كلام مباشر

وفي اعتقادي الشخصي ان السناني يستطيع الاستغناء عن هذه الجُمل !

إيضاً اعجبني بيت لــ مرزوق

احسب حسابي و اميز فالخطا و الصواب = و انته تدير البلاوي لين تبلابها

[فيصل بن فهد الجهني]

لا هنتم جميعا على مروركم