ارحبوا يالشعار الباب مفتوح

[المنادي]

السلام عليكم ورحمة الله وبركاته
يالشعار الباب مفتوح


يامرحبا بلًي يعرف المواجيب يامرحبا بلًي=والهرج من ردًه على ما يقولون والهرج من ردًه

ياربعي ياكلًي تحسب المحاسيب ياربعي يا كلًي=لا طالت المدًه على ما يقولون لا طالت المدًه

[ابورجب]

استلم يالذيب اااااااااااااا
والك البقا يلي تنادي علينا والك البقا ياللي=من مكه لجده على مايقولون من مكه لجده
انصوم ونصلي لرب العبادي انصوم ونصلي=باليسر والشده رضا الله نرجي باليسر والشده

[مرزوق حمدان العتيبي]

المنادي وابو رجب
على القوّه ... واصلو


ملاحظه

عزيزي ابو رجب يابدو انك ما انتبهت للقافيه..
صدر البيت على قافيتين .... اللي .. و..إيب ..... وعجزه ... على قافيه واحده وهي ...أدّه...


يامرحبا باللي يعرف المواجيب
----------------- والهرج من ردّه على مايقولون والهرج من ردّه..
اتمنى تكون اتضحت الصوره..
وتحياتي لكما...

[المنادي]

مرزوق العتيبي
بيض الله وجهك وانا ارسلت لابو رجب لكي يعدل الخطاء
واعذروني لاني جبت طاروق غريب شوي
للتغيير
حياك الله يا مرزوق وشرفتنا في حضورك

واحب ابين لك يا اخي مرزوق
العجز لا زم يكون فيه( على ما يقولون )

[مرزوق حمدان العتيبي]

............
احسنت يالمنادي
واللحن ماهوب غريب فديتك
هذا من الطواريق القديمه والمشهوره...
واصلوا وحنا في الصفين
كل الشكر...

[ابورجب]

لاهنت يامرزوق على الملاحظه وجلا من لايسهو
وابشر يالمنادي بالتصحيح ااااااااا
خلووووها
والك البقا ياللي تعلا المراقيب والك البقا ياللي==من مكه لجده على مايقولون من مكه لجده
انصوم ونصلي بلا شكن وريب انصوم ونصلي==باليسر والشده على مايقولون باليسر والشده

[المنادي]

ارحب ارحب يابو رجب
وترا الهدف من هذي المحاوره التعلم من شاعر كبير مثلك
استلم ياسنايدي:


والعز يحصلًي ياراعي المكاسيب والعز يحصلًي= والعلم قم بدًه على ما يقولون والعلم قم بدًه

والطير لا شلًي ولاله مقاضيب والطير لا شلَي=والحر من هدًه على ما يقولون والحر من هدًه

[((الدلبحي))]

تسلمون يالمنادي وابورجب

وعلى القوه

تحياااااااااااااتي

[محمد العتيبي]

يا مزين اللعبة ... مع الاثنين يامزين اللعبة رجب مع منادي... على ما يقولون رجب مع منادي


هذا عقب ما تهيضت من طاروكم الجميل وارجوا السموحه

[المنادي]

الدلبحي
حياك الله طال عمرك زشرفتنا ياسنايدي
ابو مشعاب
صح لسانك شرفتنا طال عمرك واشكرك على المتابعه

[ابورجب]

مرحبا يالمنادي وحنا نفيد ونستفيد بمثلك وشرواك
استلم يالسنافي ااااااااااااااااا
منك ولا نملي ياراعي التراحيب منك ولانملي==كلن على حده على مايقولون كلن على حده
الريش لو فلي نشوف التعاجيب الريش لو فلي==مايسبقه نده على مايقولون مايسبقه نده

[ابورجب]

حياكم الله يالدلبحي+ابومشعاب
شرفتوا اللعب

[المنادي]

الله الله الله
استلم لاهنت:

اليا ابتعد خلًي واشوف التعاجيب اليا ابتعد خلًي= والقلب يفتقده على ما يقولون والقلب يفتقده
والدمع لا نهلًي ودمع الرجل عيب والدمع لانهلًي=لا حدرة خدًه على ما يقولون لا حدرة خدًه

[المنادي]

عفواً عندي خطاء غير مقصود


اليا ابتعد خلًي بليا مسابيب اليا ابتعد خلًـي=والقلب يفتقده على ما يقولون والقلـب يفتقـده
والدمع لا نهلًي ودمع الرجل عيب والدمع لانهلًي =لا حدرة خدًه على ما يقولـون لا حـدرة خـدًه


تم التعديل

[ابورجب]

اسمحلنا على التأخير
خلوووووها
ياطير يامعلي تجيك المناديب ياطير يامعلي== لن كانك توده على مايقولون لن كانك توده

عسا ولاعلّي تزين المشاريب عسا ولاعلّي== ويبيّح بسده على ما يقولون ويبيّح بسده

[مرزوق حمدان العتيبي]

...
ياسلام عليكم يالشعار
المنادي وابو رجب الله لايهينكم