الشاعر/ سلطان العرط يرثي ابنه عماد سلطان العرط رحمه الله

[فيحان العرط]

الله من همـن بروحـي كوانـي=كيت خفا بين الضلوع المهاديـف
همن سطا بين الضلوع المحانـي=بقصا الضمير ولاجين بالشراشيف
البارحة مانمت لو هـي ثوانـي=ودموع عيني فوق خدي ذواريف
ياتل قلبـي تـل دلـو السوانـي=وياطي حالي طي ماهي سواليف
على اللذي روح ولاعـاد جانـي=اقفا وخلانـي كثيـر التحاسيـف
اقفا مـن الدنيـا عيانـن بيانـي=يالله ياوالـي عليـك المخاليـف
مع درب عمـه يالله المستعانـي=سبعة شهورن بينهم عد يامنيـف
عسا الثنينه فـي نعيـم الجنانـي=برحمتك يامعبود وال التصاريـف
تجعل لهم يارب عنـدك مكانـي=بين الجنان اليانعـات المقاطيـف
ياوالي القـدرة عظيـم الكيانـي=اجبر عزا قلبن همومه مراديـف
مادبر المولا على العبـد كانـي=وماراح راح ولاتفيد التحاسيـف
دنيا الفنا مابـه عليهـا ضمانـي=صكاتها تفجـع قلوبـن مواليـف

[ولد الضيغمي]

اقفا مـن الدنيـا عيانـن بيانـي
يالله ياوالـي عليـك المخاليـف
مع درب عمـه يالله المستعانـي
سبعة شهورن بينهم عد يامنيـف
عسا الثنينه فـي نعيـم الجنانـي
برحمتك يامعبود وال التصاريـف
تجعل لهم يارب عنـدك مكانـي
بين الجنان اليانعـات المقاطيـف



الله يرحم عماد العرط

ويالله الجنه

[السمح ابومرداس]

الله يعظم اجرك جبر الله مصابك

[سيف نت]

صح لســــــــانه

[فيحان العرط]

ولد الضيغمي

ابو مرداس

جزاكم الله خير ,اسعدني تواجدكم

سيف نت

صح بدنك ولاهنت على مرورك

[الشامخ الروقي]

الله يجبر عزاكم
يالعرط

ويرحم المتوفي

ويلهم اهله الصبر والسلوان

[فيحان العرط]

جزاك الله خير يالشامخ

ولاهنت على تواجدك

[المـرشدي]

الله يرحم عماد وذيب ويرحم جميع اموات المسلمين الاموات منهم والاحياء منهم

وصح لسانك ياسلطان العرط
ولاهنت يافيحان على نزيل القصيده


تقبل مروري ولد عمك العرط

[فيحان العرط]

المرشدي

حياك الله نورت المتصفح

تقبل الله دعائك ونسأل الله لهم الرحمه وجميع المسلمين

[سعد بن مطلق المقاطي]

الله يرحمه واعظم الله اجركم وصح لسا ن سلطان ومشكور على النقل يافيحان

[فهد العازمي العتيبي]

احسن الله عزاء الشاعر سلطان العرط المرشدي

والله يرحمه ابنه عماد ويغفر له ويسكنه فسيح جناته ،،،

[المـرشدي]

لو ان الي حيلة على رد الاقـدار=حطيت موتي قبـل موتـك بليلـه
اثر الزمن ياعمـاد جايـر ودوار=وانا معه ياعمـاد مملـك وسيلـه
يوم العزا ياعماد كني علـى نـار=يارب روحي مالها اليـوم حيلـه
فالمقبرة دمعي على الخد مـدرار=فالارض لو هو سال سيل مسيلـه
والله وربي منجين صاحب الغـار=لو خيرونـي فيـه لنـزل بديلـه
واسكن بقبره واتركه يسكن الـدار=لن الحيـاه بموتتـه ويـش هيلـه
هذا عضيدي فالزمن كـل مـادار=لامن قسى وقتـي عليـه اشتكيلـه
ماهمني فالوقت لوصـار ماصـار=مادام اخوي ووقفته لـي جزيلـه
واليوم قفى ماتـرك غيـر تذكـار=اكبـر مصيبـة فالحيـاه المهيلـه
يالله يامنزل من المـزن الامطـار=تجبر فؤادي كـل مذكـر رحيلـه
وتجعل له الفردوس مثون عن النار=مع النبي والرسل واهل الفضيلـه
وتجعل بقبره نور مع مد الانضـار=وتسقي ثرا قبره صدوق المخيلـه
وختامها ياعماد بدعـي فالاسحـار=ربـن كريـم ولايخيـب دخيـلـه
وياللي سمعت القول قولو بتكـرار=يرحمك ربـي يازبـون الجميلـه


الشاعر / فيحان بن سلطان العرط المرشدي

[سلطان نايف العضياني]

قصائد محزنه من شاعر قدير

رحم الله جميع موتى المسلمين

يقول الشاعر عبدالمعين بن ثعلي

أما وصلت الموت والا وصلني=بيني وبينه موعدن مانخليه

ويقول الشاعر عبدالله بن سبيل

ياناس ياويلي من الموت ويلاه=ياكيف بستانس وهو مقتفيني

يبا يعشيبي مجوع ضراياه=لو كان من قبلي سمين وبديني

اما قعد فالريع لين إني آطاه=والا قعدت ولازم إنه يجيني