صقر سليم ومرزوق المقاطي والمعنى !!!

[ابو فايح]

الطاروق الذي أرى أنه الأميز في إحتفال قبيلة عتيبه في قطر

طاروق معناه قوي جدا ربما يكون له تبعات طواريق مقبله مع شعراء أخرين

طاروق فيه صقر سليم ناقد بقوه على شاعر ما أعتقد أنه ستكون طواريقهم حريقه في قادم المحاورات

مرزوق المقاطي أبدع وصد الهجوم بهجوم



صقر سليم
سلام يا دولة(ن) قامت على الدين = الله رفع شانها شعب وقياده
وعتيبه أصحابنا ماهم بسيطين = كل (ن) يكافح على خدمة بلاده




مرزوق المقاطي
يا مرحبا ياهلا ترحيب غالين = تسد وألا نزودها زياده
السيف يا صقر يأكل له بحدين= والشيخ يا صقر لا تطمع شداده




صقر سليم

إسمع وش الكلمه اللي بين قوسين = في بعض الأحيان يا زين الوساده
العام فأول شهر صادفك تمرين = لكن ما أنته موفق فالركاده




مرزوق المقاطي

عرفت بعض الرسايل بالعناوين = ذكرني الله يذكرك الشهاده
لا تحسب الناس حبحب تحت سكين = أقول لله حكمه في عباده




صقر سليم


ماعاد يحتاج للموضوع تدوين = أظن مال المريض ألا العياده
أحيان من قو ميقافك حمر عين = وأحيان عينك مثل عين الجراده




مرزوق المقاطي


حنا نعلمك وأنته خاطرك شين = بعض المواضيع ما منها فياده
وحنا ترانا مرجحة الموازين= كلمتك يا صقر في حلقك قلاده




صقر سليم


ما تنعدل عوجة إرقاب البعارين = فالوقت لو زاد حره عن براده
يالله عسى تصلح الأوضاع بعدين = النار تالع وتاليها رماده




مرزوق المقاطي

الله نكبكم مثل نكبة فلسطين = مدري ظروف الزمن وألا قراده
لو صارت أوضاعكم زين(ن) على زين = ما شفتكم من حماده في حماده

[خلف المطيري]

صقر سليم


سلام يا دولة(ن) قامت على الدين
الله رفع شانهـا شعـب وقيـاده
وعتيبه أصحابنا ماهم بسيطيـن
كل (ن) يكافح على خدمة بـلاده







مرزوق المقاطي


يا مرحبا ياهلا ترحيب غاليـن
تسـد وألا نزودهـا زيــاده
السيف يا صقر يأكل له بحدين
والشيخ يا صقر لا تطمع شداده


المعني واضح ومن رد مرزوق تاكدت ان مرزوق مافهم المعني وش جاكم يالربع الظاهر صابتكم عين

محاوره غير موفقه والدليل

رد صقر السلمي

إسمع وش الكلمه اللي بين قوسين
في بعض الأحيان يا زين الوساده
العام فأول شهر صادفـك تمريـن
لكن مـا أنتـه موفـق فالركـاده

[فهد علي العازمي]

محااااورة قوية جدا في الالفاظ

سلام يا دولة(ن) قامت على الدين

إن كان قصده على الدين وليس بالدّين

والا إعتبرني ما مريت

[فهد علي العازمي]

للمعلومية تراني رديت قبل أشوف رد خلف

بس عاد سددو وقاربوا ولا تعلمون علي كان مخطي

[ابو فايح]

يا خلف إسمح لي هالمره وبلا مجامله أن أقول أنت ضايع أو تحاول تسوي ذكي علي عشان أوضح أكثر



صقر في أول بيتين ما بدأ المعنى

الكلمه اللي بين قوسين هي ( يا زين الوساده ) وهي ليتك تستريح موجهه لشاعر أخر وبدأ المعنى

[خلف المطيري]

يا خلف إسمح لي هالمره وبلا مجامله أن أقول أنت ضايع أو تحاول تسوي ذكي علي عشان أوضح أكثر



صقر في أول بيتين ما بدأ المعنى

الكلمه اللي بين قوسين هي ( يا زين الوساده ) وهي ليتك تستريح موجهه لشاعر أخر وبدأ المعنى

ههههههههههههه

لا ما اسمح لك يابوفايح لانك مودب ومثقف وكلمة ضايع ماهي لك

الاولي تقول اخالفك او جانبت الصواب او تحليلك خاطي لكن ضايع ماهي لك

وانا ما اتحمل اخطاء الشعراء كلمهم لا يخطون عشان مانحلل او لاتنزلون محاورات عشا ترتاحون من افكارنا الغريبه لاننا فعلا اصبحنا غرباء فالراي والتحليل:rolleyes:

[خلف المطيري]

سلام يا دولة(ن) قامت على الدين
الله رفع شانهـا شعـب وقيـاده
وعتيبه أصحابنا ماهم بسيطيـن
كل (ن) يكافح على خدمة بـلاده

البيت الاول اباطوفه عشانك

البيت الثاني وش تسميه يابوفايح حشو ولا عن زين العابدين ولا مجرد ايهام وشهو بالظبط

ثانيا رد مرزوق

السيف يا صقر يأكل له بحدين
والشيخ يا صقر لا تطمع شداده

وش هالرد عند فتل صقر

الموضوع داخلي قبلي وتنافس شديد بين افراد

[ابو فايح]

العزيز خلف أنا أقصد ضايع في تحليل المعنى وإن كان أزعلتك العذر والسموحه



البيت الثاني لصقر سليم مثله مثل اي بدايه يمدح أهل الحفل او بيت حكمه الخ


وقول لي من هو الشاعر الذي تراه الابرز فالمحاوره قديما او حديثا وأجيب لك بدايه له مثل بداية صقر خاليه من المعنى نهائيا .

[خلف المطيري]

ماعاد ابي شي ابي رضاك طال عمرك

وعسالله يوفقك

لاني معجب فيك وفي نشاطك وفي لمساتك للمنتدي

صدقني ماجاملك

اسحب كلامي عن المحاوره

[علي الدعجاني]

عيب ن على اللي يتقي عقب مابان**وعيب ن طمان الراس عقب ارتفاعه


كمل مشوراك ياخلف لاتتقي

خخخخخخخخخخخخخخ

يبي يوورطك

[خلف المطيري]

عيب ن على اللي يتقي عقب مابان**وعيب ن طمان الراس عقب ارتفاعه


كمل مشوراك ياخلف لاتتقي

خخخخخخخخخخخخخخ

يبي يوورطك

ههههههههههههههههه

ان كان فيها درء مفسده مايشملني البيت اللي قلته

لاتوهقني ياعلي هههههههههه

[المـرشدي]

مدري وش اقول بس تسلم يمينك على النقل يابو فايح

وصح السنت الشعراء مرزوق المقاطي وصقر سليم

[سبار المعاني]

سلام يا دولة(ن) قامت على الدين
الله رفع شانهـا شعـب وقيـاده
وعتيبه أصحابنا ماهم بسيطيـن
كل (ن) يكافح على خدمة بـلاده



صقر بنا المعنى هنا

وعتيبه أصحابنا ماهم بسيطيـن
كل (ن) يكافح على خدمة بـلاده


وكان راسمه سياسي بحت وعتيبه توريه فقط ورمز للمعنى


ورد مرزوق

السيف يا صقر يأكل له بحدين
والشيخ يا صقر لا تطمع شداده



شطره الاول حول المعنى وجيد والشطر الثاني لا يمت للمعنى بصله

وتحول الطاروق فيما بعد نقاش شعار قوي بدون معنى



وقول صقر

إسمع وش الكلمه اللي بين قوسين

لان صقر سلم على الدوله قطر وماسلم على حفل عتيبه


الا متلاحظون ان صقر عقب المشعاب مستواه نزل شوي

[ابن عتيبه البار]

هذا حصيل من يطآول أطول منه ياعلي

هههههههههههههههههههه

[النقد البناء]

حياك الله ياابو فايح..
يمكن صقر يقصد رشيد الزلامي
وتحليله في شاعر المعنى؟!

أقول يمكن :)


تحياتي لك ولجهودك

[سرحان 511]

.

..


أنا استغرب على بعض الاعضاء انهم

يقتبسون بيت لشاعر ويقولون فلان ماعرف المعنى

وفوق ذلك لايفسرون المعنى ولايعطون نسبة 1% من المعنى

واذا سألته وضيقت الخناق عليه قال هذا حرية راي وسحب كلامه

وهو يعلم ان كلامه يحدث بلبله في المنتدى وبين اعضاءه

وانا من هنا اود ان افسر البيتين الاوله فقط

صقر سليم:

وعتيبه أصحابنا ماهم بسيطيـن***كل (ن) يكافح على خدمة بـلاده

يقصد بعتيبه عتيبة الموجودين في قطر والموجودين في السعوديه

انهم متجزئين وكل موالي للدوله الموجود فيها

مرزوق المقاطي يرد برد عميق قليل من يفهمه:

السيف يا صقر يأكل له بحدين***والشيخ يا صقر لا تطمع شداده

السيف ياكل بحدين اينما ما اتجه سواء يمين او شمال

ورمزية السيف هنا يقصد بها عتيبه وانها عايشه في اي مكان وهي كالسيف الواحد

طبعا باقي المحاوره نستطيع ان نوجهه لمعاني اخرى وهذا هو سر المحاوره

لكن يجب علينا ان نتوخى الحذر من ناس يدعون فهمهم للمعنى ويجهّلون الشاعر المقابل

تحت ذريعة الراي والراي الاخر

ونحن هنا لا نصادر رايهم وانما نطالبهم بتفسير منطقي اوغير منطقي

على شان مايطعن في شاعرية بعض الشعار

دمتم بود

..

.

[ابو فايح]

جميع الإخوان الذين شرفوا الموضوع أهلا وسهلا وشاكر لك تفاعلكم

سبار المعاني
حياك الله المعنى لا هو سياسي ولا هو حول السياسه البيتين الأولى عاديه وبعدها بدأ صقر في معناه .



النقد البناء
حياك الله ومالك لواء المعنى ماهو حول رشيد الزلامي ولا هو حول شاعر المعنى .




ابن سرحان
صح لسانك مدد بلا عدد

[فهد علي العازمي]

طيب عطنا رايك يا بو فايح
خلنا نشوف المعنى اللي إتّضح لك
كلن أدلى بدلوه غير أنت طال عمررررك
أخاف إنك مثلنا بعد

[فزاع الاسعدي]

انا اشووووووف ان المعنى سيااااااسي بحت صراحه ولاكن تبقى رؤيه تخصني


ولاكن الملاحط ان بعض الاعضاء يشخص الارااء وكأنه عارف المعنى 100% !!


يا اخوااااااان تبقى لكل شخص وجهة نظر تخصه يبني عليها بأشياء يراها هو


وليس من المعقووووول ان نقوول فلان اصاب المعنى وفلان اخطأه لأننا باختصار

مانعرف المعنى وانا اتحدى اي شخص يأتي بالمعنى ويقول انا متأكد ميه بالميه

غير الشعار انفسهم ..

[ابو فايح]

فزاع

كيف حالك

وجهة نظرك أنا أشوفها خاطئه وأنا يمكن تشوف نظرتي خاطئه والامور سهالات

[فهد علي العازمي]

انا اشووووووف ان المعنى سيااااااسي بحت صراحه ولاكن تبقى رؤيه تخصني


ولاكن الملاحط ان بعض الاعضاء يشخص الارااء وكأنه عارف المعنى 100% !!


يا اخوااااااان تبقى لكل شخص وجهة نظر تخصه يبني عليها بأشياء يراها هو


وليس من المعقووووول ان نقوول فلان اصاب المعنى وفلان اخطأه لأننا باختصار

مانعرف المعنى وانا اتحدى اي شخص يأتي بالمعنى ويقول انا متأكد ميه بالميه

غير الشعار انفسهم ..

لا وبعد يمكن بعض الشعار يسري الليل بعضهم مايدري وش المقصود ويميلها على القبايل
عموما قد يكون هناك حدث جديد لايعلمه إلا هم وبنو المعنى عليه

وهذا اليوتيوب مع الشكر لسلطان الرياض الدلبحي
http://www.youtube.com/watch?v=CnqAoYmumUY&feature=player_embedded

[فزاع الاسعدي]

صحييييح كلامك يافهد


ومشكور على الاضافه ..