أقرب شاعر يأخذ علومي

[علي أبوثنتين]

سلام تسليمة وفاء من ضميري للقبيله = أقولها في منتدنا ومن يقرب هلابه
يسري معي فالخط وأن كان هو شاعر دليله = يأخذ علومي كلها قدم لابداء في حسابه

[مطني الحافي]

يامرحبا من هاجسَ مايعرف المستحيله=عني ربعي العتبان ارحب واهلي بالنيابه

يابوثنين احسب حسابك ترا الطرقه طويله=والطيب اللي لاسرا الليل الاسود ماغدابه

[علي أبوثنتين]

دام البقا وأن كان ما أوحيت رعاد المخيله = غيرك يلوح البرق من يوم ما شاف السحابه
كتبتلك شطرً ياليتك تدور الك بديله = غيرت فسمي مير مسموح لن كانت دعابه

[ابراهيم الجـــــذع]

دام البقا وأن كان ما أوحيت رعاد المخيله
غيرك يلوح البرق من يوم ما شاف السحابه



يمكن تقصد غيرك يخيل البرق من يوم ما شاف السحابه


صح السانك والسان مطني

[علي أبوثنتين]

الله الله هذا المقصود

وشكراً على التنبيه يالجذع وصح بدنك لاهنت ،،،

[مطني الحافي]

االله يجيب الخير يالربع وتسيل المسيله=حتى نشوف الارض ممطور وتربع عتابه

اللي انكتب ماعاد يمدي من الشاشه نزيله=ياعلي مايمدني اغير حروف الكتابه

[علي أبوثنتين]

يا صاحبي لا جبت حكم القضا عطنا دليله = قدام تسمع علم صاحبك لا عمم خطابه
رجلً جهل فسمي يا مطني الا يا عزتيله = معذور مادام ان الاسمين يا حافي تشابه

[مطني الحافي]

علم القضاء تلقاه بكره مع اصحاب الفضيله=لو تنشد اصحاب الفضيله تعلمك بجوابه

انا احسب انك من هل الجيش والخيل الاصيله=مانته بشيخ اثرك ياصحابي, ريس عصابه

[مهنـا العتيبي]

طاروق طويل ولايجيده الا الشعار المقتدرين

صح لسان ياابواثنيتن

وصح لسان االحافي

[مطني الحافي]

طاروق طويل ولايجيده الا الشعار المقتدرين

صح لسان ياابواثنيتن

وصح لسان االحافي

مهنا العتيبي

صحة ابدانك

ومشكور على الاطراء

وفي اتنظار علي ابوثنين ليتكمل الطاروق
.
.

[علي أبوثنتين]

إن كان تبغاء العلم يا صاحبي جبت الوسيله = بعطيك علمً من سمعبه من العالم رضابه
حنا ترنا أهل الشداد وهل اسيوفن صقيله = والا انت ذابحك الحفا تولم لسعت ذبابه

[محمد شبيب السبيعي]

صحت الالسن والقلوووووووووووووووب