عايض الحبابي والفالح

[علي فلاح العضياني]

انا معي عجله مثل عجلة الربع اللي تعرفهم

مار استلم يابوعلى

سلام والشعر بحر(ن) ما يطبه غير سباح=واللي ما يسبح لاينزل فالبحر والليل ساري
الشعر حنا رفعنا بيرقه وإعتز ما طاح=والكل منا لبس تاج الفخر والليل ساري

[السيف الاملح]

سلام والشعر بحر(ن) ما يطبه غير سباح =واللي ما يسبح لاينزل فالبحر والليل ساري
الشعر حنا رفعنا بيرقه وإعتز مـا طـاح = والكل منا لبس تاج الفخر والليل سـاري

بدايه موفقه واصلو لاهنتو

سلام والشعر بحر(ن) ما يطبه غير سباح =واللي ما يسبح لاينزل فالبحر والليل ساري
الشعر حنا رفعنا بيرقه وإعتز مـا طـاح = والكل منا لبس تاج الفخر والليل سـاري

[ابوسليمان]

واصلو يالربع والصفوف مدهره




والليل ساري




الليل الليل الليل

[مرزوق حمدان العتيبي]

سلام والشعر بحر(ن) ما يطبه غير سباح=واللي ما يسبح لاينزل فالبحر والليل ساري
الشعر حنا رفعنا بيرقه وإعتز مـا طـاح=والكل منا لبس تاج الفخر والليل سـاري

طاروق رائع وباسم شعراء كبار
الله الله عليك يالفالح
نحن في انتظار ابو علي لكي يكتمل الهلال بدرا تحياتي

[عايض الحبابي]

الله . الله ..

خلوووووووها:



الله يحيّي من ايدوّر صحيبه وين ماراح .! = لكنّ خلك تحت نور القمر.. والليل ساري

الشعر حنّــا خذينا تاجه ومع تاجه وشاح = وناس كثيره تجيب الّه القهر.. والليل ســـاري ..!

[علي فلاح العضياني]

الله الله
ما معك للباب قفل ولا معك للقفل مفتاح=انته مسافر وتعبك السفر0 والليل ساري
لو إن ربي جعل فيكم مع القرقاح قرقاح=يمكن عتيبه يعيدون النظر0 والليل ساري

[عايض الحبابي]

مرزوق العتيبي .. وسليمان .. لاهنتوا على المرور يعطيكم العافيه

[عايض الحبابي]

خلووووووووووها

: أستلم يالذيب أستلم :


ياصاحبي مادريت أني هنا دكتور جرّاح = وأنته عيونك متّــعبها السهر .. والليل ساري

فينا الآساطير وأهل الشعر كسابين الأمداح = مار أنتم الله بلاكم بالفقر ..والليل ساري

[محمد العتيبي]

الله الله

طاروق حماسي .... ولعب حامي ..... ومعنى طيب ...... واسماء براقة ........ اتمنى ان تواصلوا

اللعب الجميل .............. اخوكم : ابومشعاب....................

[علي فلاح العضياني]

الله الله
حنا سقيناك في داخل حشاك بسم ذباح=وانته عيونك تهل من العبر والليل ساري
ياعايض افهم ترى ما طار طيرن ماله جناح=لو له جناحين ياعايض شهر والليل ساري

[عايض الحبابي]

الله .. الله ..


عاين ضحاياي وآخرهم بعد قفّـــى له صياح = وأنته ضحيـــّه وترضى بالقدر .. والليل ساري

مافيــكم الا وحيد(ن) كل ليله معه مسباح ..!! = والمشكله مايشد به الظهر .. والليل ساري

[عايض الحبابي]

أبو مشعاب ...وجودك هو اللي يضيف الحماس .. لاهنت على المرور والمشاركه..

[طعاااااج]

الفالح + عايض
صحة لسنتكم
طاروق رائع
الله يعطيكم العافيه
لكم تحيات
طعاااااااج

[مرزوق حمدان العتيبي]

...
الفالح والحبابي
شعار كبار ومبدعين واصلووا وحنا متابعين..
وعسى الله يقويكم..
تحياتي

[علي فلاح العضياني]

خلووووووها
يا عايض انته لنفسك عادتك بالحيل مداح=لو تونس الشر والموت الحمر والليل ساري
خلف و مستور و حبيب وملفي ذكرهم لاااح=وابن الزلامي با لامثال اشتهر والليل ساري

[علي فلاح العضياني]

السيف الاملح
مرزوق العتيبي
ابو سليمان
ابومشعاب
طعاج


الله لايهينكم على المرور ومشكورين وما قصرتوا والله يعطيكم العافيه




تقبلوا تحيات الفالح

[الحر الأشقر]

الفالح دائماً مميز ما شاء الله عليك وبصراحة شعلة المنتدى ودايم مبدع ونطرب لمحاوراتك. لا هنت وبيض الله وجهك وحنا متابعينك

الحبابي حياك ودايم ما شاء الله عليك مبدع ومتصدي ومهاجم ومنتدانا منور بوجودك معنا فلا تحرمنا من تواصلك معنا وحياك الله وحنا معكم واصلوووووووووووا

[عايض الحبابي]

الله .. الله ..!


ماقلت غير الصراحه قلتها والقلب مرتاح = عليكم المقبلات أدهى وأمر .. والليل ساري

فينا أبن شايق وأبن ريفه لهم مسرى ومسراح = والمسردي غير عن كل البشر ..! والليل ساري

[عايض الحبابي]

طعاج... ماقصرت ولاهنت على المشاركه

[عايض الحبابي]

الحر الأشقر ...
حنا تلاميذ في مدرستك ياغالي .. ووجودك هنا يعني لنا الشيء الكثير .. لاعدمناك

[علي فلاح العضياني]

خلوووووووووها
لا تحسبن الجبال الراسيه بالهون تنزاح=لا تنطح بقللتك صـــــــم الصخر والليل ساري
عجبتني والحقايق نورها كالصبح منباح=إسيوفنا ضربها وســــط النحر والليل ساري

[علي فلاح العضياني]

الحر الأشقر ...
حنا تلاميذ في مدرستك ياغالي .. ووجودك هنا يعني لنا الشيء الكثير .. لاعدمناك
انا لا أزيد على قولك يابو علي لان كلامك عين الصواب


تحياتي لك يالحر الاشقر

[عايض الحبابي]

خلووووها


مــرّيت ماشفت حتى لو جبل في وادي رماح .! = هذا مثل..وأنت أخذ درس وعبر .. والليل ساري

اللي يطب المعارك خالي بلا جيش وسلاح = نفسه تعرض على درب الخطر.. والليل ساري

[علي فلاح العضياني]

الله الله
إتقولها صدق ولا يا فتى قحطان مزاح؟؟=أكيد عايض عمى ولا عور والليل ساري
صياف يشهد وابو مشعاب وشليويح شلاح=وانته ما تدري ولا عندك خبر والليل ساري

[الــوآفــي]

هنااااااا ابدااااااااااااااع

اتمنى الا يتوقف

[عايض الحبابي]

خلوووووها ... أستلم ..يالفالح :


أقولها صدق يالفالح ماكن ودّك بالأفلاح ..! = وأن ماعجبك أشرب من أقرب نهر ..! والليل ساري

مــاهمّني رأي غيري قلتها والزند قــدّاح = وأنته تلــفّت على زيــد وعمــر .. والليل ساري

[علي فلاح العضياني]

خلووووووووها
حنا عتيبه هل التوحيد والنخوه والاصلاح=وأعمى البصيره سواة أعمى البصر والليل ساري
ان كان تمشي على راسك يا عايض روح مرواح=اللي وقع من جبل ثم انكسر والليل ساري

[عايض الحبابي]

الفالح ... الله لايهينك ... دائما مبدع وأنا أستفيد منك الكثير ...

لنا لقاء في القريب العاجل .. وأوعدك يكووووووووون سااااااااااخن مره
:):):)

تحياتي لك .. ولمن شاركنا ..

[مرزوق حمدان العتيبي]

..
لاهنتم يالفالح وياعايض..
رائعين ومبدعين كالعاده ....الله لايهينكم..
..
تحيات مغليكم..

[ناصر بن محمد العتيبي]

الله يعطيكم العافيه

على الطاروق الطيب

[الفـــايز]

شعار من ذهب ومحاورات لن تنسا .