العتيبي 2002
31-Mar-2005, 12:11 AM
السلام عليكم ورحمة الله وبركاته
مناسبة المساجلة
مرض الأب وظن أنه مفارق الحياة وخلفه أبناء لا راعي لهم إلا هو بعد الله فوجهه ابيات تتضمن نصائح وتوجيهات إلى أكبر أبناءه وكان عمره وقتها 16 سنة تقريبا فحفظها الأبن وعمل بمقتضاها ولقد أنعم الله على الأب بالشفاء بعد مصارعة الألم
ملاحظة : رد ألابن على القصيدة بعد مضي سنوات يبين فيها أنه ماضي على الطريق حافظا للنصيحة .
أترككم الآن مع أحداث القصيدة
( الأب )
الشاعر / فلحان بن طراد الهوراني العتيبي
تهيــض الشـــــــاعر ورد القصيدي= وطــار الكرى ومن الهواجيس ما نام
دنيــا بها المـغتر يبــغى المـزيـــدي= مــن خــيرها والأجــل بالدرب قــدام
كم عــاش فيها مـــن شقيق وحفيدي= تفــرقوا واليـــومه أذكـــار وأحــــلام
تمســي وتصبح لك بيـــوم ٍ جديــدي= والحــي فيــها قــدر مــا عاش ما دام
تفقـــد بـــها الغـالــي وتصبح فقيدي= لابـــد مــا تلبـــس كمـا لبسـوا الخــام
أمـا شقــي الـقبــــــر والاّ سعيــــدي= وتجمــع لك الأعمـــال قدامــك أكوام
واهني مــن بالخيـــر جاله رصيدي= والله كتب لـــه رحمـةٍ مســك وختــام
يا محمد إخوانك ســـــوات الوليـدي= ولهــم تقاديــر ٍعلــــى الكــل وكــرام
لـعـل يحصــل لك بهـــم مــا تريدي= لــو زعلوك أيــــــام يرضونك أعوام
خلك لهــم دائــــم حنــــــون ٍ وديدي= أحلــــم علــى الجاهل وفهمـــه بإفهام
الشــــد يقطـــع كــــل حبل ٍ جويدي= والليـــــن سلـــم للمحبـــه والأنعــــام
نهـــــار تفقــدهم تشــــوف الوكيدي= ما عوضك خـالٍ ولا ولـــد الأعمـــام
راح القـــــريب فـي مســار البعيدي= لـــو كـان بعـده ما وصل ثان الأرقام
مثل الورق لا سحب عنه الرصيدي= مـــا عــاد إلـه بالسوق شاري وسوام
حــافظ علـى دينــك محــافظ شديدي= واشكــــــر لربٍ عزك ابديـن الإسلام
وأتقــن عملك اللـــي منـــه تستفيدي= النقص فيــه إجــــــرّلك وزر وأثـــام
وأحـــذر لسانك مــــن كلام الهبيدي= تــرى هبــــود الهــرج يكــــره ويلام
ترى النمائــــم للمنـــافق حصيـــدي= يكفيه ذكــــر أسمــه ليا قيـــل نمــــام
والصــدق بيتٍ للنشـامـا مشيــــــدي= يبقــى علــى وجه الفتـى تــاج ووسام
والصبر مفتــاح الفــــرج بتحديــدي= ما خاب مـن للصبر خــاوا ولا إنظام
والعـــزم ابـــه تصاد وإلا تصيـــدي= ســوقٍ علـى كسبه يحظون الأخصام
مــا قـــل دل أوجزتبــه فـي نشيـدي= امــن اعتبر يـا صل إلى سـر الأعلام
سبحــان مــــن يبقــى وكــــلٍ يبيدي= مجــري سفينة نــوح بالمـوج بحكــام
( الأبن )
الشاعر محمد بن فلحان الهوراني العتيبي
يا الله ياللـــــي كلنا لك عبيــــــدي= ياللـي خلقت الناس وأحصيت الأنسام
أنتـــــه لنا ربٍ ومـــالك نديـــــدي= نسجـــد لوجهك ما سجدنــــا للأصنام
أعمـالـنـــا انتـــه عليها شهيـــــدي= محصــي ظواهرهـــا وبالســر عـلام
بــــارك لنــا فــي كل فعلٍ حميدي= واغفـــر لنا ذنبٍ جــرت فيــهٍ الأقلام
ما عجبك يا لإنسان حالك طريدي= دنيــــا عجــوز في زخارف وهنــدام
أعطيتــها وقتٍ وجهــدٍ جهيـــــدي= وراعيتـــها كنــك مراعيــلك أرحــام
وأنتــه مرّدك فــي لحدها وحيـدي= تكشف ســـرابٍ كان زيفــه والأوهام
يا الله تجعــل حبكـــم بالوريــــدي= محشـــور في زمــرة مصلي وصوام
يا بـــو محمد كــل رايك رشيــدي= أنتـــه دليـــل القــــوم متبــــوع وإمام
أهديــتنا علــــم ٍ وكلــه سديـــــدي= يـجمع صنوف الخير من روس الأسنام
والله في ذا الدرب لمشي ما حيدي= لـو فـــي طريقي جمـــر تاطاه الأقدام
أفهـــم معاني الهـرج مانـي بليـدي= واحتاج حـــــظٍ واقفٍ لـــي ودعــــّام
لــو كان لي عــزم ٍ يفــل الحديدي= مـا فادنــي لن كــان ما الحـظ ما قــام
الحـــظ يصرع عنـترة والزبيــدي= ويطرح صقور الجو والليث ضرغام
كم فالـــوغى يسلـــم جبانٍ شريدي= وكــم من شجيعٍ راح في حقل الألغام
لعل لك عمـــرٍ طــــــويل ومديدي= وأتشوف ما يفــرحك وأبصم بالإبهام
الصبح يمســـح كل ليــــلٍ سويدي= مهما بنـــى فــــــــوق المخاليق بخيام
بكـره تشوف الغيث يرعد رعيدي= وبله حيــــا ينبت به النفـــــل وأخزام
وظلال ممــدودة لخضر الجريدي= واللـــي زرع يمــــلا حثوله والأكمام
ونعطي شتات الهم ظرف البريدي= يرميه في بحـــرٍ وما فيـــــه عــــوام
بعض الليــالي جعلها مـــــا تعيدي= اللـــي تهـــم القــــــــلب تولم به إيلام
يا الله ياللـــي في صــــفاته فريدي= عجــــل فرجنــا في مقـــاديم الأيــــام
وهناك مساجلات عديدة بينهما سوف أقوم بأنزالها قريبا .......
هذا ولكم خالص تحياتي
مناسبة المساجلة
مرض الأب وظن أنه مفارق الحياة وخلفه أبناء لا راعي لهم إلا هو بعد الله فوجهه ابيات تتضمن نصائح وتوجيهات إلى أكبر أبناءه وكان عمره وقتها 16 سنة تقريبا فحفظها الأبن وعمل بمقتضاها ولقد أنعم الله على الأب بالشفاء بعد مصارعة الألم
ملاحظة : رد ألابن على القصيدة بعد مضي سنوات يبين فيها أنه ماضي على الطريق حافظا للنصيحة .
أترككم الآن مع أحداث القصيدة
( الأب )
الشاعر / فلحان بن طراد الهوراني العتيبي
تهيــض الشـــــــاعر ورد القصيدي= وطــار الكرى ومن الهواجيس ما نام
دنيــا بها المـغتر يبــغى المـزيـــدي= مــن خــيرها والأجــل بالدرب قــدام
كم عــاش فيها مـــن شقيق وحفيدي= تفــرقوا واليـــومه أذكـــار وأحــــلام
تمســي وتصبح لك بيـــوم ٍ جديــدي= والحــي فيــها قــدر مــا عاش ما دام
تفقـــد بـــها الغـالــي وتصبح فقيدي= لابـــد مــا تلبـــس كمـا لبسـوا الخــام
أمـا شقــي الـقبــــــر والاّ سعيــــدي= وتجمــع لك الأعمـــال قدامــك أكوام
واهني مــن بالخيـــر جاله رصيدي= والله كتب لـــه رحمـةٍ مســك وختــام
يا محمد إخوانك ســـــوات الوليـدي= ولهــم تقاديــر ٍعلــــى الكــل وكــرام
لـعـل يحصــل لك بهـــم مــا تريدي= لــو زعلوك أيــــــام يرضونك أعوام
خلك لهــم دائــــم حنــــــون ٍ وديدي= أحلــــم علــى الجاهل وفهمـــه بإفهام
الشــــد يقطـــع كــــل حبل ٍ جويدي= والليـــــن سلـــم للمحبـــه والأنعــــام
نهـــــار تفقــدهم تشــــوف الوكيدي= ما عوضك خـالٍ ولا ولـــد الأعمـــام
راح القـــــريب فـي مســار البعيدي= لـــو كـان بعـده ما وصل ثان الأرقام
مثل الورق لا سحب عنه الرصيدي= مـــا عــاد إلـه بالسوق شاري وسوام
حــافظ علـى دينــك محــافظ شديدي= واشكــــــر لربٍ عزك ابديـن الإسلام
وأتقــن عملك اللـــي منـــه تستفيدي= النقص فيــه إجــــــرّلك وزر وأثـــام
وأحـــذر لسانك مــــن كلام الهبيدي= تــرى هبــــود الهــرج يكــــره ويلام
ترى النمائــــم للمنـــافق حصيـــدي= يكفيه ذكــــر أسمــه ليا قيـــل نمــــام
والصــدق بيتٍ للنشـامـا مشيــــــدي= يبقــى علــى وجه الفتـى تــاج ووسام
والصبر مفتــاح الفــــرج بتحديــدي= ما خاب مـن للصبر خــاوا ولا إنظام
والعـــزم ابـــه تصاد وإلا تصيـــدي= ســوقٍ علـى كسبه يحظون الأخصام
مــا قـــل دل أوجزتبــه فـي نشيـدي= امــن اعتبر يـا صل إلى سـر الأعلام
سبحــان مــــن يبقــى وكــــلٍ يبيدي= مجــري سفينة نــوح بالمـوج بحكــام
( الأبن )
الشاعر محمد بن فلحان الهوراني العتيبي
يا الله ياللـــــي كلنا لك عبيــــــدي= ياللـي خلقت الناس وأحصيت الأنسام
أنتـــــه لنا ربٍ ومـــالك نديـــــدي= نسجـــد لوجهك ما سجدنــــا للأصنام
أعمـالـنـــا انتـــه عليها شهيـــــدي= محصــي ظواهرهـــا وبالســر عـلام
بــــارك لنــا فــي كل فعلٍ حميدي= واغفـــر لنا ذنبٍ جــرت فيــهٍ الأقلام
ما عجبك يا لإنسان حالك طريدي= دنيــــا عجــوز في زخارف وهنــدام
أعطيتــها وقتٍ وجهــدٍ جهيـــــدي= وراعيتـــها كنــك مراعيــلك أرحــام
وأنتــه مرّدك فــي لحدها وحيـدي= تكشف ســـرابٍ كان زيفــه والأوهام
يا الله تجعــل حبكـــم بالوريــــدي= محشـــور في زمــرة مصلي وصوام
يا بـــو محمد كــل رايك رشيــدي= أنتـــه دليـــل القــــوم متبــــوع وإمام
أهديــتنا علــــم ٍ وكلــه سديـــــدي= يـجمع صنوف الخير من روس الأسنام
والله في ذا الدرب لمشي ما حيدي= لـو فـــي طريقي جمـــر تاطاه الأقدام
أفهـــم معاني الهـرج مانـي بليـدي= واحتاج حـــــظٍ واقفٍ لـــي ودعــــّام
لــو كان لي عــزم ٍ يفــل الحديدي= مـا فادنــي لن كــان ما الحـظ ما قــام
الحـــظ يصرع عنـترة والزبيــدي= ويطرح صقور الجو والليث ضرغام
كم فالـــوغى يسلـــم جبانٍ شريدي= وكــم من شجيعٍ راح في حقل الألغام
لعل لك عمـــرٍ طــــــويل ومديدي= وأتشوف ما يفــرحك وأبصم بالإبهام
الصبح يمســـح كل ليــــلٍ سويدي= مهما بنـــى فــــــــوق المخاليق بخيام
بكـره تشوف الغيث يرعد رعيدي= وبله حيــــا ينبت به النفـــــل وأخزام
وظلال ممــدودة لخضر الجريدي= واللـــي زرع يمــــلا حثوله والأكمام
ونعطي شتات الهم ظرف البريدي= يرميه في بحـــرٍ وما فيـــــه عــــوام
بعض الليــالي جعلها مـــــا تعيدي= اللـــي تهـــم القــــــــلب تولم به إيلام
يا الله ياللـــي في صــــفاته فريدي= عجــــل فرجنــا في مقـــاديم الأيــــام
وهناك مساجلات عديدة بينهما سوف أقوم بأنزالها قريبا .......
هذا ولكم خالص تحياتي