حنا رجال ٍ ما نذم اللي لهم فعل ٍ قديم /// أقرب يبو فلآح !!

[نوآف الغنامي]

الله يمسيك بالخير يبو فلآح
ولا عاد تطوّل الغيبه .. :)










يا مرحبا من شاعر ٍ يمشي على النهج السليم = تنصى الرجال اللي هل الوقفات تاخذ شورها
حنا رجال ٍ ما نذم اللي لهم فعل ٍ قديم = لكن ّ تال الوقت يالثعلي تفوح صدورها !

[فهد الشهيب الثبيتي]

طيب طيب

صح لسانك يابو عيد وصح لسان ابو فلاح مقدماا

ومايعد الصحيح الا الرجال اللي فيه خير مثلك وشروااك

[مشعل الحافي]

ياسلام يانواف صح لسانك

وصح لسان الشاعر المرقابي مقدماً

[فايز بن سرحان الثبيتي]

ونعم ونعم


صح لسانك يانواف وصح لسان ابوفلاح وفي انتظاره "

[نوآف الغنامي]

صح بدنكـــ يبو عوّاض


وشرواكـ الطيب


و شاكر على مروركـــ المحفّز ..

ولآ هنت ..

[نوآف الغنامي]

مشعل الحافي


صح بدنكـــ

وشاكر لك على مروركــ

ولآ هنت ..

[نوآف الغنامي]

ما علآكــ زوود يبو ريّان


وصح بدنكـــ ,, ولآ هنت على المروور


وشكر لكــ

[مطني الحافي]

كفو كفو

ياراعي الصفراء
.
.

[علي فلاح العضياني]

أشكر جميع الاخوان اللي مروا من هنا

[علي فلاح العضياني]

للظروف أحكام يابو عيد




دام البقا يا شاعرٍ دايم طريقه مستقيم= وأهل الوفاء يبقى الوفاء طول الزمن دستورها
ما دام تمر السكري ما يوجد الاّ فالقصيم=ما جيت بيشه لو ينادون اهلها لتمورها

[نوآف الغنامي]

اللي يبا يا خذ حقوق الناس ,, رجال غشيم = هو ما درى انّ الناس فاللازم طوال شبورها !
يا ليت ابو نواس قام وعوّذ ابليس الرجيم = قدام هذيك السرايا لا يقف بنحورها !

[نوآف الغنامي]

مطني الحافي


ارحب ارحب

شرفتنا بحظوركــ

ولآ هنت ..

[علي فلاح العضياني]

الله الله الله


العلم واحد يالعطاوي لا زعيم الاّ الزعيم=و الصين حاميها على طوال الليالي سورها
الخيزرانه ضربها ما يكسر العظم الصميم=ما أنته بــــ ( راع ) البندق اللي ما تطير طيورها

[نوآف الغنامي]

ههه طيب طيب





بكره ليا كبرت تبا تصبح خصيم ٍ مع خصيم = ثم عاد هاك الحين هدّ الحرب وارم سبورها !!
ريّح يا راع العلم الاقشر من على ريش الظليم = قدم الرجال اهل الفعايل لا تفوح قدورها !

[مشعل الحافي]

الله الله الله

[مهنـا العتيبي]

على القوه يالربع

[علي فلاح العضياني]

الله الله الله الله



بكره ليا كبرت نشبّ النار في قلب الهشيم=و النار يا نواف ما تاكل و تترك سورها
هذا جزايه فالقدايم يوم ربّيت اليتيم !!=علّم بها ربعك جميع , غيابها و حضورها

[علي فلاح العضياني]

ابو عيد النوم غلبني

بكره نكمل ان شاء الله

[سعود العصيمي]

اللي يبا يا خذ حقوق الناس ,, رجال غشيـم
هو ما درى انّ الناس فاللازم طوال شبورها !







اللي يبا يا خذ حقوق الناس ,, رجال غشيـم
هو ما درى انّ الناس فاللازم طوال شبورها !



الله واكبر

يانوااااااااااف

صح لسااااانك يامبدع











العلم واحـد يالعطـاوي لا زعيـم الاّ الزعيـم
و الصين حاميها على طوال الليالـي سورهـا

العلم واحـد يالعطـاوي لا زعيـم الاّ الزعيـم
و الصين حاميها على طوال الليالـي سورهـا


ههههههههههه

كلام سليم يابو فلاح

صح لسااااانك مليوون

[نوآف الغنامي]

.





ان شبّت النيران ما هبت ذعاذيع النسيم = ترى الجنايز مالها يا هيه غير قبورها !
مالك فضل من ماضي الازمان والله العظيم = الفضل لله ثم لناس ٍ ما جهلتوا دورها !

[نوآف الغنامي]

ارررررحب يبو طايل

وصح بدنكـــ

والابداااع تواجدكــ

لآ عدمتكــــ


و لآ هنت على المروور المحفّز ...

[نوآف الغنامي]

على خيييير يبو فلآح

[السبيعي فلاح]

اسجل اعجابي بالشاعرين الكبيرين نواف وعلي واصلوا متابع القاف الساخن؟؟صحت الالسن؟؟

[نــاصـر الـهـاجــري]

ياسلااااااااااااااام على هالطاروق

نواف الغنامي ابو فلاح

صحت السنتكم

[نوآف الغنامي]

السبيعي فلآح اعجابك محل فخر

وصح بدنكــ ولآ هنت على المرور

[نوآف الغنامي]

ناصر الهاجري


حياك الله

وصح بدنك

ولا هنت على المرور

[علي فلاح العضياني]

أشكر جميع الاخوان اللي مروا هذا متصفح



و الشكر موصول للشاعر نواف الغنامي و اعتذر منه عن انقطاع الطاروق و يبشر بالعوض ان شاء الله

[نوآف الغنامي]

ارحب يبو فلآح ...

والشكر لك انت على قبول الدعوه وتشريفي باللعب معك
وصح لسانكـــ مدد بلآ عدد


ومعذوووووووور يبو فلآح