وعسى يوم اقلبو لونه , ماتقلب يمنا اخلاقه!!....فـهـــد

[مطني الحافي]

هلا يامرحبا بالشاعر اللي غيرو لونه=وعسى يوم اقلبو لونه , ماتقلب يمنا اخلاقه

انا من عقب هاذي اغسل يديني بصابونه=لقيت اهل الدبش ماتعرف الحاشي من الناقه

[متعب المقاطي العتيبي]

صح لسانك يامطني

والصف صفك بدون قصور في الشهيب

تقديري

[علاي الحافي]

صح السانك

والصف صفك ولايهون فهد

متاااااااابع

[مطني الحافي]

متعب المقاطي

صح بدنك يالغالي

اسعدتني بمرورك الكريم

.
.

[مطني الحافي]

علاي الحافي

صح بدنك

وحياك في صفي

.
.

[فهد الشهيب الثبيتي]

يدوم الك البقا يالشاعر اللي طاحت سنونه=ولاحصل مع الايام لاورده ولا باقه
مطني من قديم الوقت حنا نكحل عيونه=وتال الوقت يبرا للعرب وانكشفت اوراقه

[فهد الشهيب الثبيتي]

الاخوان اللي شرفونا بمرورهم

حياكم الله والصفوف تزهابكم

[مطني الحافي]

طيب طيب

ابك احسب انك ماعاد انت بجاي
.
.

[مطني الحافي]

رزقك صحيبك اللي كاتبك اسمك في تليفونه=ومطني يافهد رزقه يجي من عند خلاقه

اضنك يافهد مجنون واللي معك مجنونه=ومجنوتك قشراَ للكلام الشين عشَاقه
.
.

[فهد الشهيب الثبيتي]

انا ماني كما اللي يطلب الاجواد يعطونه=مادام ان الولي كافل لكل العالم ارزاقه
انا اعرف العميل المحترم واميز لحونه=واعرف اللي مع اصحابه وربعه يقطع الساقه

[مطني الحافي]

ياراع الددسن اللي مع كرا ربعه يدفونه=انا والله مالومك موترَ غشيم سواقه

تعرفه والجماعه كلهم مثلك يعرفونه=ثبيتيَ يكب الباب ويعَود على الطاقه

[مهنـا العتيبي]

ياراع الددسن اللي مع كرا ربعه يدفونه=انا والله مالومك موترَ غشيم سواقه

تعرفه والجماعه كلهم مثلك يعرفونه=ثبيتيَ يكب الباب ويعَود على الطاقه


لافض فووووك

يالحافي
ولاهان
الثبيتي
هنا ابداااااع

[مطني الحافي]

مهنا العتيبي


اشكرك على المجامله


وتشرفت بمرورك
.
.

[فهد الشهيب الثبيتي]

ياراع الموتر اللي منفرط بلفه وطلبونه=تبا تلحق ولكن صابتك ياصاحبي عاقه
ثبيتي ٍ ليا منه مشا يمشي على هونه=ليا جات المواقف والكرب ماتنثني ساقه

[فهد الشهيب الثبيتي]

من قال لاهاان يامهنا

شرفتنا بمرورك الكريم

[مطني الحافي]

تعوذ من بليس ولحيت الشيطان محسونه=ولحيتك الكريمه صونها عن كل حلاقه

ليا صارت عزاوي قلت عكس اللي تقولونه=ترا حنا عمود البيت وانتم حسبت رواقه

[مهنـا العتيبي]

تعوذ من بليس ولحيت الشيطان محسونه=ولحيتك الكريمه صونها عن كل حلاقه

ليا صارت عزاوي قلت عكس اللي تقولونه=ترا حنا عمود البيت وانتم حسبت رواقه

ابك ابك ابك

يالليل منت ليله

ههههههههههه هههههههههههههههه

[مطني الحافي]

ههههههههههههههه

عوذ الشاطان يامهنا
.
.

[فهد الشهيب الثبيتي]

الا ياماخبل اللي ولع النيران فـ اردونه=يبا يسري مع اهل العرف لكن مامعه طاقه
يقولون الحقايق ماهي بهرج ٍ تذيعونه=نعرف الساس وانتم نصكم يااصحابي اعلاقه

[علي الثبيتي]

ترا حنا عمود البيت وانتم حسبت رواقـه



نعرف الساس وانتم نصكم يااصحابي اعلاقه


ابك ابك هاذي وش حدكم علاها خخخخخخخخخخخخخخ



صحت السنتكم

[مطني الحافي]

فهد الشهيب

صح لسانك

مبدع ولافيك حيله

واسمح ان اخطيت او قصرت

.
.

[فهد الشهيب الثبيتي]

صح بدنك يامطني ولاعليك زود

ماحصل منك قصور

الملعبة مطلاة جربا ولالحقنا شك في مثلك وشرواك