الجروح المرمسه

[حاكم حاتم العتيبي]

مسا الخير

اول حروفي واتمنى تعجبكم






لو لي على بعد المسافات حيله=قربت دار اللي لي الزاد والمي
لكن جداي الشوق له كل ليله=غير البعاد اللي ذبحني وأنا حي
حتى الثواني في غيابه ثقيله=وأنا احسبن البعد عنه ولا شي
البعد شب بوسط قلبي فتيله=كوتني الفرقا وأثر كيها كي
لاجرت الورقا لحونن جميله=جريت معها لحنها يابناخي
يمكن يريح خاطري مع هديله=والا الجروح المرمسه عانها في
اعاهده بالله وربه وكيله=لابقى حبيبه بس مادمت انا حي

[حاكم حاتم العتيبي]

لم انشرها الا لارى ردودكم !

ام انها لا تستحق المرور حتى !

عجبي ان كانت الردود انتقائيه !

[عبدالمجيد النفيعي]

أنا من عشاق أبيات التوجد ويعجبني التوجد كثير بعيداً عن وصف جسد المرأه سوف يكون لي عودهـ

[سيف نت]

صح لســــــــــــانك

[عبدالمجيد النفيعي]

لو لي على بعد المسافات حيله=قربت دار اللي لي الزاد والمي
لكن جداي الشوق له كل ليله=غير البعاد اللي ذبحني وأنا حي
حتى الثواني في غيابه ثقيله=وأنا احسبن البعد عنه ولا شي
البعد شب بوسط قلبي فتيله=كوتني الفرقا وأثر كيها كي

أبيات مرتبطه ببعض ولكن كل بيت معبر لوحده لو نقتطف بيت كفى عن البقيه



لاجرت الورقا لحونن جميله=جريت معها لحنها يابناخي
يمكن يريح خاطري مع هديله=والا الجروح المرمسه عانها في

دائم وللورق تأثير في مثل هذه الحال ، لكن ماأدري إذا فيه فرق بين النوح والهديل :) لأنك أنت تتسلى مع صوت الهديل ، ولكن من سبقك من الشعراء يكرهون صوت الحمام( النوح) لأن له تأثير قوي عليهم لدرجة إن خلف هذال وبن مدعث دعوا على الحمام :)

صح الله لسانكـ وإعذرني إذا أطلت

:)

[حاكم حاتم العتيبي]

عبدالمجيد النفيعي صح بدنك وياااهلا بك وشرفتني بمتابعتك ابياتي المتواضعه ولم انشر ابياتي الا لاجد النقد والمتابعه
من القراء والا مالفايده من النشر اذا لم تنقد وأنت لم تطل اطال الله بعمرك واجابة على سؤالك مالفرق بين النوح والهديل
اقول اني وقفت طويلا قبل نشر الابيات عند الفرق بينهما لكن اولا لضرورة القافيه تركته اما من ناحية الفرق فهو كما ذكرت
وانا قلت يمكن ان الحمام بعد نوحه (يهديه ربه) ويرجع من النوح للهديل لكي ارتاح :) وأعرف قول خلف بن هذال يوم يقول
ول ياحمامه شتت الله شعبكي ماكان غنيتي مجارير ولحون :)






سيف نت
صح بدنك ويااااهلا بك

[نايف المغيبي]

قصيده توجديه جميله وتستحق الاشاده

[حاكم حاتم العتيبي]

ياهلا بك يانايف المغيبي

وشكرا للمتابعه وشرفتني و ابياتي بمرورك