المساعد الشخصي الرقمي

مشاهدة النسخة كاملة : عادة المغرم غرامه معلق فالغريم


سعود البرقاوي
26-Dec-2010, 03:02 PM
السلام عليكم ورحمة الله وبركاته

اولاً أتأسف للجميع على الغياب الخارج عن الارادة لظروف العمل والمشاغل الاخرى وان شاء الله سأكون متواجد وحاضر معكم

ثانياً لست بشاعر انما محاول واتمنى قبول هذه القصيدة بأي طريقة


مادريت ان الهوى يخلف العقل السليم=لين جربته وذقت المرارة والحلا
اشهد اني كنت في مبتدى الرحلة غشيم=رحلةٍ خلتني اضيع في وسط الخلا
اتصبّر واتجبّر واقول الله كريم=واتناسى واتسلى وقلبي ماسلا
عادة المغرم غرامه معلق فالغريم=لعنبوا من لامني في غرامه ياملا
واحدٍ ماشفت مثله يجيبن الحريم=كمّله ربي وفي كل شيء امكملا
لاوقف ماياقف الا بوضعٍ مستقيم=وان جلس جلسة ملك يطلب الشعب الولا
وان مشى شد انتباه المغفل والحكيم=من ثقل ممشاه كن المكان مزلزلا
ويش اوصف ويش اخلي من الشيء العظيم=ما بغيت اجيب لي وصف فيه مقولا
لاطرالي قام يدفعني ابليس الرجيم=التفت في ذكريات المودة والغلا
آه ياوقتٍ مضى وآه يالحب القديم=وآه ياقلبٍ من الحب و الشوق امتلا
ياحسافة ضاع حلمي على راي الحليم=واستصبت وصابني عقب فرقاه البلا
اقفت ضعونه وانا اخذت ضربة فالصميم=لكن المكتوب يامرحبا به ياهلا
راح والذكرى كما النار والخاطر هشيم=كل ماشبت طلبت الولي جل وعلا
يلطف بحالي ويرفى لي الجرح الالئيم=ويرحم اللي تحت ظغط الظروف مكبلا

محمد بن غازي
26-Dec-2010, 03:13 PM
صح لسانك يابو فهد ... وأبداع لايستغرب ...

والعود أحمـــــــــــــد ...........

علي الثبيتي
26-Dec-2010, 10:22 PM
هلا وغلا يابو فهد وصح لساااااانك مليون وغيب على كيفك واخذ كامل حريتك

بشرط تجيب مثل هاذي



الرائعه



لك ودي وتقديري

الصويت الثبيتي العتيبي
26-Dec-2010, 10:27 PM
صح لسانك يا سعود

عبدالله الجـــذع
29-Dec-2010, 09:41 AM
انا اضم صوتي لصوت العود

صح لسانك يابو فهد وسلم بنانك

ليت الشعراء يتفرغون لمثل هذا الشعر ويتركون البهرجه الفاضيه

كل الشكر لك

محبك

سيف نت
27-Oct-2011, 01:37 AM
صح لسااااااااانك

عايض جزاء العصيمي
27-Oct-2011, 03:23 AM
صح لسااااااااااااااااااااااااااااانك ياسعود

على هالقصيدة الراااااااااااااااااااااااائعه


تقبل مروري وخالص تحياتي

قيس العازمي
27-Oct-2011, 03:37 AM
صح لسانك مدد بلا عدد


قصيده جزله ووافيه


معك اجازة شهر مني


لكن تجيب لنا مثل هالقصيده


تقبل مررررررررررروووررررري

محمد الذيابـــي
27-Oct-2011, 04:32 AM
صح لسااانك يانشمي

لاهنت