ملفي المورقي وحمدان العصيمي ( والمعنى تركي 2000)

[ابو فايح]

عرضت قناة الساحه هذه الليله حفل الغدراء الشيباني بأم رقيبه وكان حفل رائع جدا
خصوصا المحاوره الشعريه كانت طواريقها رائعه جدا وخصوصا طاروقين طاروق حمدان العصيمي وزبن القاضي وطاروق ملفي المورقي وحمدان العصيمي سجلتها سأنقل أحدها هنا والأخر لاحقا إن شاء الله .



طاروق ملفي المورقي وحمدان العصيمي كان طاروق الحفل

قصف أرض جو على الشاعر تركي 2000 خصوصا من ملفي المورقي وهذا دليل قوي جدا على موضوعي السابق بأنه يوجد بينهم خلاف كبير .


شاهدنا ملفي المورقي يعرج على محاورة غلاء المعيشه كما سميت وأيضا يعرج على لقب شاعر الوطن


أترككم مع الطاروق




ملفي المورقي

العمر يا قصره ويا سرع الأيام = شوفوا هذا عام إنقضى وإبتدأ عام
الله يثبتنا على دين الإسلام = هذا الصحيح وقولوا اللي تقولون



عسى الله يردك يا ملكنا على خير = ترى الشعب يبغونك سوات الحكومه
في عهدك يا أخو سلمان ما صار تقصير = ومن يلحقك لوم (ن) عسى الله يلومه





حمدان العصيمي
ا
الله يرده للبلاد العذيه = هذا زعيم الشرق ما فيه زيه
خادم حرم مكه ومسجد نبيه =هذا الصحيح وقولوا اللي تقولون


عسى الله يبارك في زعيم الطوابير = وحنا جميعا ننتظر في قدومه
فعهده حضارات وسياسه وتطوير = وكم واحد مهموم فارق همومه




ملفي المورقي


يا واحد(ن) تشكي من الفقر والجوع = تبغى تسوي لك من الهرج مشروع
تراك مستلطخ ودايخ ومصروع = هذا الصحيح وقولوا اللي تقولون



أنا أحب أبو متعب حبيب الجماهير = عسى الله يمهّل به ويبطي بيومه
وألا يا عتيبي ما تفيد المعاذير = نبا نلطم اللي قام يرسل سهومه




حمدان العصيمي

يالمورقي لا تستمع للدعايات = حنا بعز وفي سعاده وخيرات
غير الرواتب كل عام (ن) زيادات =هذا الصحيح وقولوا اللي تقولون


ترى من يبرر ما معه علم تبرير = على ذمة التاريخ تبطل علومه
لا تقلق من الجاهل ولا منه تأثير = لو إنه على الأصحاب شن بهجومه




ملفي المورقي


الله يحفظك يا خلف يا ابن هذال = ياما خدمت أجيال وأجيال وأجيال
شاعر وطنّا فالوطن مالك أمثال =هذا الصحيح وقولوا اللي تقولون


أنا أدري عن الشعار لكن خلف غير = هو الشاعر اللي ثابت (ن) في لزومه
أوصي عتيبه والقحطانين ومطير = وكل (ن) على جسمه يفصل هدومه


حمدان العصيمي

نعرف خلف لو صار فالوضع ما صار =شاعر وطن لو دب فالشعر شعار
أقولها والفكر ما هو بمحتار =هذا الصحيح وقولوا اللي تقولون

نعم شاعر (ن) ماهو بمثل الشواعير = كلامه يصحي الفكر من حلو نومه

[مطني الحافي]

محاوره لعبت بشفافيه كبيره جدا

ولكن كل هذا

بعد خراب مالطا

ياملفي

[الهزبري]

لاهنت يبوفايح

محاوره

مكشوفة المعنى.

الله يعطيك العافيه على النقل

[جمال العضياني]

لعب على الكشوف ورسالة اعتذار من ملفي للجماهير,,,,
لاهنت يابو فايح

[البتّار]

المحاورة رائعة يبو فايح

ولكني ارى ان محاورة مستور وتركي ادت غرضها

ولو استخدموا التورية ماكان ذلك... وهذا المطلوب من الشعراء

لكن يبو فايح (ياما خدمة) اعتقد هنا خطا مطبعي:) الاصح (خدمت)

[محمد البرازي]

شكرا لجديدك يابو فـايح ..
محاورة أجد في الكثير والكثير ..
رد على منشيت الموضوع وبما أن الموضوع مرتبط بموضوع تركي ومستور أجد بأن تركي ومستور تحدثوا عن وضع البسطاء والفقراء ولما يتحدثوا عن أهل الزيادات السنوية ..
الحكم بهذا القول للجمهور والمتلقي وليس أصحاب ..!!!!
للأمانة جميع المحاورات أدت الغرض سواء تركي ومستور ..
أو ملفي وحمدان ..
بنهاية حديثي أمر لا جدال فيه والنقاش فيه بيزنطي ..
خلف بن هذال شاعر الوطن بدون منازع .

[بدوي مطنوخ]

محاوره رائعه


والمعنى واضح بقووووه


وخلاف تركي وملفي المروقي على قولتهم ابرك حزه


نبي محاورات جديده ومعاني جديده وثنايات جديده


ماعاد نبي المجاملات السابقه ...


والصراحه تركي خسر اقوى شعراء عتيبه بعد مستور


اللي هم حبيب العازمي وسفر الدغيلبي وملفي المورقي

[خلف المطيري]

وش دراك ان المفصود تركي ليش ماهو سعود القت بعد تصريحاته الاخيره

كيف حددت انه تركي

وبعدين البعره تدل علي البعير المستفيد ملفي من تركي والخاسر ملفي ان صح الخبر

تطمنوا تركي الفين سقوده وخسارته صعبه كان شعار عتيبه مايبونه شعار القبايل يبونه

وحفلات ربعه تغنيه

[اسير الروح]

طلع كلامك صدق يابو فايح عن الخلاف اللي بينهم.... الله يعين .


ملفي المورقي



يا واحد(ن) تشكي من الفقر والجوع
تبغى تسوي لك من الهرج مشروع
تراك مستلطخ ودايـخ ومصـروع
هذا الصحيح وقولوا اللي تقولـون


هذي عن محاورة تركي ومستور اللي عن الغلا


.......


ملفي المورقي


الله يحفظك يا خلف يا ابن هذال
ياما خدمت أجيال وأجيال وأجيال
شاعر وطنّا فالوطن مالك أمثـال
هذا الصحيح وقولوا اللي تقولون



أنا أدري عن الشعار لكن خلف غير
هو الشاعر اللي ثابت (ن) في لزومه
أوصي عتيبه والقحطانيـن ومطيـر
وكل (ن) على جسمه يفصل هدومـه


اكيد شاعر الوطن خلف ومثل ماقال شاعر العرب من يقول غير هالكلام ناقص عقل

شي معروف من 20 سنه .

[ابو فايح]

مطني الحافي
لاهنت على مرورك الرائع

الهزبري
ومن قال ما هان


جمال العضياني
حياك الله ولاهنت على مرورك

البتار
لاهنت على مرورك وملاحظتك تم تعديلها وشكر لك .


محمد البرازي
مرورك وإضافتك رائعه والحديث مر بسلاسه لمحاورة تركي ومستور ولكن القصد كله تركي والدليل الحديث بعدها عن شاعر الوطن .



بدوي
مرور رائع وأنا مثلك أتمنى ذلك لنجد الجديد .



خلف المطيري
رغم إنك شاعر واللي مثلك يفهمها على الطاير ولو إني أعتقد إنك فاهم بس تعمل العكس
من اللي شكى من الفقر والجوع ؟؟؟
ومن المستلطخ والدايخ والمصروع ؟؟؟
ووش بين ملفي والقت وهل القت تكلم عن الفقر !!!؟؟؟



أسير الروح
مرور رائع وإضافه رائعه بيض الله وجهك .

[فهد علي العازمي]

محاورة واضحة المعالم

ومعاااني مكشوفة

وياليتها كل يومين خاربة بين إثنين
خخخخ

[ماني بهايب]

ملفي
وألا يــا عتيـبـي مـــا تـفـيـد المـعـاذيـر
^^^^^نبـا نلطـم الـلـي قــام يـرسـل سهـومـه

حمدان
لا تقلـق مـن الجاهـل ولا منـه تأثـيـر
^^^^^لو إنه على الأصحاب شن بهجومه
((تو ليت)) يعني متأخر يابو وافي .
الالفيني خربها مع كل اصحابه ههههههه يالله دخيلك
ضحى ببو سعد وهو من اقرب اصحابه خارج الميدان
ثم لحقه ببوافي
وعقبال البقيه.

[رائد الكيرعاني القحطاني]

لاهنت يابو وافي



وكنت اتمنى أنهم غمضو المعنى لانه بصراحه مكشوووف للآخر


ويبيّن ما يكنّه ملفي لتركي 2000 في صدره



مير فيه واحد يبي ياكله الجوع قريّب !!



أحسن ما اعجبني طارووق الجلاوي وملفي بصراحه شي



لاهنت يابو فايح

[تركي الصفياني]

اولا الشكر لك اخي العزيز ابو فاااايح
واقول واصل بمواضيعك المتعود عليها
وترى فيه ناس تبي تغير وجهة الموضوع
وتبي تشكك في كلامك مع ان الحقيقه باينه وواضحه
واقول ياتركي وش عاد تبي بالمحاوره دامك قاطعوك كبار الشعار على مستوى الخليج من مستور الى الشاعر سلطان الجلاوي
شكرا

[وافي ضاوي]

محاورة جدآ جميلة


اتوقع

سوف تكون المحاورات القادمة تتكلم هذه المحاورة

والي يقول المعنى مكشوف !! اقول ليتك يابوفايح ماعلمتهم بالمعنى حتى نرى


والي يقول ملفي يبي يذبحة الجوع ,, اقوله احسب حفلات تركي بعد الخلاف بينهم واحسب حفلات ملفي.
وننتظر منك رد هنا




لاهنت يابوفايح على انتقاء المواضيع الرنانه

[فيصل بن فهد الجهني]

والله اني احب الشاعر ملفي المورقي .. و له معزه و قبول عند اغلب المتذوقين للشعر

و لكني اشوفه هنا اخطا بحق زميله و بحق واحد عاشره و شكل ثنائيه معاه .. يعني بإختصار لو ملفي لعبها مع تركي و طقها في وجهه احسن من انه يذمه من وراه ..!!


و لا نبخس حق الشاعر تركي الميزاني .. شاعر له قبول .. و يمتلك جماهيريه طاغيه .. و هو من اعاد الجماهير لفن المحاوره .. و طلعوا شعار يقلدونه كثير .. مثل الشاعر سلطان الجلاوي ..!!

ولا هنت يا ابو فايح ... انشهد انك وافي بمواضيعك الجميله .. و عسى الله يجملنا على رد جميلك

[سويلم الشيباني]

ياحظ تركي 2000 لقى من يسوون له دعايه مجانية ويحييون ذكره من جديد بعد مامات ذكره له كم سنة

[وافي ضاوي]

والله اني احب الشاعر ملفي المورقي .. و له معزه و قبول عند اغلب المتذوقين للشعر

و لكني اشوفه هنا اخطا بحق زميله و بحق واحد عاشره و شكل ثنائيه معاه .. يعني بإختصار لو ملفي لعبها مع تركي و طقها في وجهه احسن من انه يذمه من وراه ..!!


و لا نبخس حق الشاعر تركي الميزاني .. شاعر له قبول .. و يمتلك جماهيريه طاغيه .. و هو من اعاد الجماهير لفن المحاوره .. و طلعوا شعار يقلدونه كثير .. مثل الشاعر سلطان الجلاوي ..!!

ولا هنت يا ابو فايح ... انشهد انك وافي بمواضيعك الجميله .. و عسى الله يجملنا على رد جميلك

يعني انت كاتب الموضوع وتلف وتدور عشان تقول الجلاوي يقلد تركي!!

والله ماعرفنالكم احيان تقولون فلاح المورقي واحيان الجلاوي واحيان سعود الحافي واحيان الامير الشاعر ......؟ ولكن كلها تهون مع طمعكم في لقب( شاعر الوطن)

[فيصل بن فهد الجهني]

يعني انت كاتب الموضوع وتلف وتدور عشان تقول الجلاوي يقلد تركي!!

والله ماعرفنالكم احيان تقولون فلاح المورقي واحيان الجلاوي واحيان سعود الحافي واحيان الامير الشاعر ......؟ ولكن كلها تهون مع طمعكم في لقب( شاعر الوطن)


يا ابن الاجواد .. تراي جهني مانيب مطيري .. و لكن كلمة حق و قلتها .. و اتمنى تتقبلها على انها وجهةنظر .. و تحصل احترامها عندك


دمت بحفظ الله

[تركي الصفياني]

ياربي احمدك على حسن العقل

اصحاب العقول في راحه
شوفو فيصل فهد غير مسار الموضوع وقعد يتكلم عن نجم التاريخ يتكلم عنه
وغني عن التعريف

سلطان ماقلد احد ولا احد قلده ( يهابون منه جميع الشعراء )
0

[ابو فايح]

أشكر جميع من عطر المتصفح بمروره



جميع وجهات النظر على العين والرأس



أتمنى الهدوء وألا يخرج الموضوع عن مساره .

[ماجد العصيمي]

اهااااااااااا


اجل الجلاوي يقلد تركي !!!!!!



قول معاي


آآآآآ إييييييي اوووووو


بااااااااا بييييييي بووووووووو

[السامي الجعيد]

أنا أدري عن الشعار لكن خلف غير
هو الشاعر اللي ثابت (ن) في لزومه

يسلام يابو وافي يعطيك العافيه نبيك بدون مجاملة وراح يبان تركي على
حقيقته وشاعريته المزيفه

ابو فايح يعطيك العافيه راعي الاوله ماقصرت

[خلف المطيري]

يالربع هدوا كلن له رايه

وانا اكتفي في مقولة

العقرب اذا حوصرت فالنار تلدغ نغسها

[خلف المطيري]

مطني الحافي
لاهنت على مرورك الرائع

الهزبري
ومن قال ما هان


جمال العضياني
حياك الله ولاهنت على مرورك

البتار
لاهنت على مرورك وملاحظتك تم تعديلها وشكر لك .


محمد البرازي
مرورك وإضافتك رائعه والحديث مر بسلاسه لمحاورة تركي ومستور ولكن القصد كله تركي والدليل الحديث بعدها عن شاعر الوطن .



بدوي
مرور رائع وأنا مثلك أتمنى ذلك لنجد الجديد .



خلف المطيري
رغم إنك شاعر واللي مثلك يفهمها على الطاير ولو إني أعتقد إنك فاهم بس تعمل العكس
من اللي شكى من الفقر والجوع ؟؟؟
ومن المستلطخ والدايخ والمصروع ؟؟؟
ووش بين ملفي والقت وهل القت تكلم عن الفقر !!!؟؟؟



أسير الروح
مرور رائع وإضافه رائعه بيض الله وجهك .

انا معلمك من العام يابوفايح ماني شاعر محاوره ولا اتقنها ولا خبره لي فيها

لكن انت استندت للموال هذا

يا واحد(ن) تشكي من الفقر والجوع
تبغى تسوي لك من الهرج مشروع
تراك مستلطخ ودايـخ ومصـروع
وهذا ماهو دليل

الجوع والفقر ماهو شرط محاورة تركي لها دلالات ثانيه ايضا
والهرج ودايخ ومصروع ماتركب لانه قديم فالساحه واخذ حقه

انت تابع تصريحات سعود القت الاخيره وبعدين عقب علي كلامي

وان كان ملفي يقصد تركي انا اشوف ملفي ماوصحها صح

المفروص كان يرمز الي الصوت حتي تتضح الرؤيا

وجهة نظر

[الصميدع المقاطي]

خلف المطيري

مع احترامي لشخصك ..

لكن انا وانت والجميع يدرون ان ملفي المورقي يقصد تركي الميزاني

فا ماله داعي اللف والدوران ..

ابو فايح .. لاهنت على النقل وكثر لنا من المواضيع هذي ..

بـدر بـن عمـيش

[ساهج الفرجه]

المعنى واضح ولايختلف عليه اثنان في تركي وماقصده ملفي مالعب عليه تركي في طاروقه المعروف



مع مستور بأنه يضرب على وتر يريد ارجاع بعض شعبيته ووهجه الخافت وخصوصاً في الفتره الاخيرة



بعد الظروف التي مرت عليه ومن يقول بأنه قد يقصد سعود القت أقول ماصلة سعود في الشكوى من


الجوع وقصائده في برنامج شاعر الوطن تمجيد وثناء للوطن العزيز ولم يفرد للجوع أي مفردة من خلال


متايعتي وهل هو مستلطخ ودايخ ومصروع ؟ من وجهة نظر ملفي طبعاً وصلة الخلاف وماحصل بين


ملفي وتركي في هذا المعنى وأقول للزملاء الذين يقولون بأن المعنى لودفن لكان أفضل فأنا أقول


صحيح ولكن ملفي واضح من بداية الموال يريد إرسال رسالة واضحة مكشوفة لتركي ومن يتابع


لحاجة في نفس يعقوب ,,


لك الشكر يابوفايح على اقتناص المحاورات الممتعه والشيقه ,,,,,,,,

[عبدالعزيز زيد الميموني]

وش صحة هالمحاوره ؟؟

[عبدالعزيز زيد الميموني]

أنا أدري عن الشعار لكن خلف غير
هو الشاعر اللي ثابت (ن) في لزومه

يسلام يابو وافي يعطيك العافيه نبيك بدون مجاملة وراح يبان تركي على
حقيقته وشاعريته المزيفه

ابو فايح يعطيك العافيه راعي الاوله ماقصرت





حديث عن الرسول صلى الله عليه وسلم

( لا يدخل الجنه من كان فيه قلبه مثقال ذره على اخيه المسلم )


ولو شاعريته مزيفه ماشفته تربع على عرش المحاوره والنظم

ولو انك منت مقتنع في شاعريته على الأقل تأكد انه طلع بأمر الله سبحانه وتعالى وتوفيقه

فـ كيف تتمنى سقوط هذا الشخص وربك اللي وفقه !!

[سويلم الشيباني]

أشكر جميع من عطر المتصفح بمروره



جميع وجهات النظر على العين والرأس



أتمنى الهدوء وألا يخرج الموضوع عن مساره .


والله يالك يابوفايح معروف على تركي2000 ماسويته حتى مع عيال عمك

لك فترة تسوي دعايات لتركي 2000 وتعيد اخباره على الساحة خص ان منتدى الهيلا مقصد لكل محبي شعر المحاورة بس عسى عودته على السطح بفضل الله ثم فضلك تكون عودة طيبة

[رائد الكيرعاني القحطاني]

حديث عن الرسول صلى الله عليه وسلم

( لا يدخل الجنه من كان فيه قلبه مثقال ذره على اخيه المسلم )


ولو شاعريته مزيفه ماشفته تربع على عرش المحاوره والنظم

ولو انك منت مقتنع في شاعريته على الأقل تأكد انه طلع بأمر الله سبحانه وتعالى وتوفيقه

فـ كيف تتمنى سقوط هذا الشخص وربك اللي وفقه !!



كلام العقل والله :)



لكن بعض المعرفات من تعليقاتهم ان وراها شباب الكلمة عندهم ببلاش توزيع كلام من غير معرفه


المدهش صراحه في المووضوع اندفاع بعض الشباب اللي بيّن انه مع الخيل يا شقراء !!



مستور العصيمي مقاطع تركي !!



وآخر حفلاتهم يوم الخميس الماضي :rolleyes:



يدلّ على انه يسمع بالمحاوره عن طريق سوالف النت




مع احترامي ابو فايح لموضوعك

[عبد الكريم العازمي]

يا واحد(ن) تشكي من الفقر والجوع
تبغى تسوي لك من الهرج مشروع
تراك مستلطخ ودايـخ ومصـروع


لو الأبيات هذي ما قالها ملفي قلت سعود القت بعد فوزه في مسابقة شاعر الوطن

لكن الأبيات هذي تثبت أن المقصود تركي...ويمكن فيها بيت أو بيتين موجهه للقت من ملفي

الف شُكر لك يا أبو فايح

[سيف شامان]

سلمت يمناك يابو فايح

واللي ما أقتنع بالمعنى يفسر سر وجود اسم خلف هذال ولقب شاعر الوطن في المحاوره وهل حاول أحد منافسته في هذا اللقب أم لا ...


وعفاكم

[فيصل بن فهد الجهني]

ياربي احمدك على حسن العقل

اصحاب العقول في راحه
شوفو فيصل فهد غير مسار الموضوع وقعد يتكلم عن نجم التاريخ يتكلم عنه
وغني عن التعريف

سلطان ماقلد احد ولا احد قلده ( يهابون منه جميع الشعراء )
0


وجهة نظرك احترمها .. خصوصا لما حمدت ربك على نعمقة العقل .. ولا ادري اذا كان يرضي الاعضاء هذا المستوى من الطرح ولا لا ..!!

نقطة توقف .. و من جد لا تعليق

[متذوق الشعر]

ابو فايح

كل مواضيعك جميله

[منصور الدرين]

فرضاً : لو كان يقصد بها تركي الميزاني أو سعود القت

فما كان من المفترض شاعر بحجم المورقي أن يجعل المعنى مكشوفاً وبهذه الطريقه

خصوصاً إنه تطرق إلى اللمز والهمز


لأن الشعراء يواجهون وجهاً لوجه كما هو معروف


وإلا كان المعنى مخفي إن كان في غياب الشاعر



هذه تحسب على المورقي إن صح التعبير .


والسلام

[سيف شامان]

هذي القصيده فيديو من موضوع اخونا تركي الصفياني

http://www.youtube.com/watch?v=WqudZ1XZBs0

[سرحان 511]

.

..

المعنى واضح وتوضيح ملفي لايحسب عليه

وانما يحسب له نظراََ لحاجة الجيل الحالي لتوضيح المعنى

وانا اعتبر ابو وافي ذكي في كشف المعنى

وابو فايح اذكى من ابو وافي لنشره المحاوره وتوضيح المعنى

بقصد قطع خط العوده وجعل جماهير الشاعرين حجر عثره

في الطريق الواصل بينهم:)

..

.

[!! . مــآجـد . !!]

والله تركي ما احبه ولا اوطنه
وانا اعرف ان حبي لن يزيده وبعضي لن ينقصه .. !!

شاعر تهجم على قبيلتي لا يظن اني سوف احبه او احترمهــ

المهم نخش في الموضوع

محاورة تركي ومستور
كانت تحاكي نبض المجتمع
بخلاف محاورة ملفي وحمدان والتي كانت
تطبيل لا اكثر ولا اقل

..

[ابو نايــف]

فرضاً : لو كان يقصد بها تركي الميزاني أو سعود القت

فما كان من المفترض شاعر بحجم المورقي أن يجعل المعنى مكشوفاً وبهذه الطريقه

خصوصاً إنه تطرق إلى اللمز والهمز


لأن الشعراء يواجهون وجهاً لوجه كما هو معروف


وإلا كان المعنى مخفي إن كان في غياب الشاعر



هذه تحسب على المورقي إن صح التعبير .


والسلام


نعم تحسب على ملفي والرجل العاقل يقول الخطأ خطأ حتى لو على اخوه

فيه شئ ثاني

يعني ياملفي ماتدري ان خلف شاعر الوطن ؟

الا بعد ماصار بينك وبين تركي خلاف وطول هالسنين ساكت

[عبدالعزيز زيد الميموني]

يـ أخوان حنا شعب واحد بالأصدق كلنا عيال قريه وكلن يعرف أوخيه ..

أرجوكم تبتعدون عن العصبيه القبليه وتحكمون عقولكم

محاورة تركي المطيري ومستور العتيبي تجسد حال الشعب ووضع الشعب الحالي

قروض + سيارات + بنك عقاري + بنك تسليف + ارتفاع سعر الشعير + اسهم و و و الخ

ومع ذلك رب الاسره في نص الشهر لا يملك شئ !!

حتى الكمبيوترات والطابعات صار اغلب الشعب يقصدها

ياجماعه ثلاثة ارباع الشعب عايش على السلف !!


فالواجب نشكر اخوانا تركي 2000 ومستور العصيمي على البادره الطيبه منهم

وأنا اتكلم لك بالمنطق ولله


بعكس محاوره أخونا ملفي وحمدان اللي كلها غيبه وسب ولا منها أي فائده

ولا تثير الا عقول المراهقين

أرجو قبل الرد تحكيم العقل وفهم المحاوره التي تهدف لغرض ..


وأذا يقال ان ملفي المورقي زعلان من تركي 2000 !!

فــ أنا اعتقد زعل ملفي كان متأخر بكثير

لان تركي 2000 ما اشتهر الا عن طريق الشاعر ملفي المورقي وأمثاله ولم يعد بحاجه لهم ابداً


هذي وجهة نظري أرجو من الاخرين احترامها ..

ولله ولي التوفيق

[فهد علي العازمي]

بعكس محاوره أخونا ملفي وحمدان اللي كلها غيبه وسب ولا منها أي فائده



واجل أنت يا أخوي عبد العزيز تتوقع أن المحاورة كلها مبنية على أعمال خير وبر ونصائح
المحاورة كلها سب وشتم وذم وتلحق للقبائل وتلحق للعوائل وبعضهم شراذم نكرم سموعنا عنها


أقول جعل من جابك للجنة وينك عاااااايش

[عارف اباذراع]

يعطيك العافيه

المحاوره جدا عاديه مع احترامي للشعار الكبار

اول الموال عن الرواتب وبالاخير عن خلف ابن هذال

الهجاء بالشعر مو كذا لا فتل ولانقظ ابيات عاديه جدا وللامانه والله انا من الناس اللي يؤيد

ابو وافي ومن جمهوره المتابع له

ولكن هذه المحاوره بالذات لم ترتقي للذائقه

[العــــــــابر]

كفوووو ياملفي وخصوصا ان كلامه يعتبر دفاع عن الدوله والامه

وهالايام بذات حنا محاربين ونواجه مشاكل واضطرابات اقليميه والنقد والشكاوي فالمحاوره هي مهاترات

لايحسب حسابها الشخص اللي يقولها او يكون انه تابع لجه معينه والله اعلم.

وملفي وجه رساله بالالتفاف حول حول الملك والوطن وهالشي لايعاب عليه بل يشكر عليه

محاوره رائعه وجميله.

وياليت الشكاوي تجي من اهل العلم فالشعار لايمثلون المجتمع والقبايل والشاعر الل يخلي قبيلته

تقط وتدفع من 500 ريال ويلهب نصها ونصها يروح لحاكم دبي هذا مانصدقه ولايمثلنا ولايحكي باسم

الشعب .

عندنا شاعر وطن وصلته يمناه للطويلات خلف ابن هذال العتيبي بالامس القريب يلقي اخر قصيده

وطنيه له امام الحكام وفيها مثل الدين والامه والوطن في كل همومها ومخاوفها وسيرتها العطره.

اما الاعلام شبعنا منه ولاعاد تمشي حركات اول والتطبيل ماعندنا.

اكرر كفو ياملفي كعادتك جبل ماتهزك رياح الحقد والضعف.

[تركي ابن مكه]

حديث عن الرسول صلى الله عليه وسلم

( لا يدخل الجنه من كان فيه قلبه مثقال ذره على اخيه المسلم )


ولو شاعريته مزيفه ماشفته تربع على عرش المحاوره والنظم

ولو انك منت مقتنع في شاعريته على الأقل تأكد انه طلع بأمر الله سبحانه وتعالى وتوفيقه

فـ كيف تتمنى سقوط هذا الشخص وربك اللي وفقه !!

الاخ تركي أرجو أن تبتعد عن أساليب الأطفال

وعدم تكرار عباراتك الطفوليه في كل موضوع

( ابو فايح )

[تركي ابن مكه]

يـ أخوان حنا شعب واحد بالأصدق كلنا عيال قريه وكلن يعرف أوخيه ..

أرجوكم تبتعدون عن العصبيه القبليه وتحكمون عقولكم

محاورة تركي المطيري ومستور العتيبي تجسد حال الشعب ووضع الشعب الحالي

قروض + سيارات + بنك عقاري + بنك تسليف + ارتفاع سعر الشعير + اسهم و و و الخ

ومع ذلك رب الاسره في نص الشهر لا يملك شئ !!

حتى الكمبيوترات والطابعات صار اغلب الشعب يقصدها

ياجماعه ثلاثة ارباع الشعب عايش على السلف !!


فالواجب نشكر اخوانا تركي 2000 ومستور العصيمي على البادره الطيبه منهم

وأنا اتكلم لك بالمنطق ولله


بعكس محاوره أخونا ملفي وحمدان اللي كلها غيبه وسب ولا منها أي فائده

ولا تثير الا عقول المراهقين

أرجو قبل الرد تحكيم العقل وفهم المحاوره التي تهدف لغرض ..


وأذا يقال ان ملفي المورقي زعلان من تركي 2000 !!

فــ أنا اعتقد زعل ملفي كان متأخر بكثير

لان تركي 2000 ما اشتهر الا عن طريق الشاعر ملفي المورقي وأمثاله ولم يعد بحاجه لهم ابداً


هذي وجهة نظري أرجو من الاخرين احترامها ..

ولله ولي التوفيق

الاخ تركي أرجو أن تبتعد عن أساليب الأطفال

وعدم تكرار عباراتك الطفوليه في كل موضوع


انذار أخيررررررر

( ابو فايح )

[تركي ابن مكه]

ابو فايح
الله يصلحك ويرفع عنك
انت مسوي دمقراطي
وراعي مصداقيه وانت من جنبها اذا كان صحيح كلامك لا تحذف كلامي اذا عندك الجرئه
والجمهور يحكم بيني بينك
قالو ان تركي تكلم بهموم الشعب من متى تركي يلعب مواضيع جبليي موضوع واحد قبل دخول الجلاوي الملعبه
وهروبه المستمر من مواجهة الجلاوي
وصدقني العبارات الطفوليه ومواقف الورعان ماتلقاه عندنا تلقاها عند واحد تعرفه انت
لكن من يوم شفت الاصدقاء عندك عرفت
وانذار اخير بتطردني من الجنه
وليشهد التاريخ في اكبر حقيقة في تاريخ المحاورة
.........................................

[اسمحلي مجنون]

تبغون الصراحة

معناهم واضح فعلا ً على تركي وشاعرية الوطن0000

لك المورقي ماوفق في الطرق وتركيبة المعنى والمفردة 000

وزميلة حمدان مثلة000000

وطاروقهم قصير000000تحياتي

[ابو فايح]

الاخ تركي

أولا لن أرد على كل كلمه قلتها إحتراما للمنتدى وأعضائه



وثانيا في كل موضوع تجيب الجلاوي وخمس سنين وما احد نبح



خلاص عرفنا من كثر ما كررتها

فلا داعي من تشويه المواضيع بردود مكرره سواء أنت أو غيرك


أرجو ألا أراها مره أخرى

[تركي ابن مكه]

الاخ ابو فايح
لايفيح صدرك وسع صدرك
وان رديت وش بتقول ماقلت انا الا حق
وانا عشان المنتدى والقبيله فقط لاغير بنطنش
اما الجلاوي فهذي حقيقة ولن اسمح لاحد من اصدقائك او غيرك بتطوال وتمرير اشياء ليس
لها اساس من الصحه فيكفي الجلاوي انه الوحيد الذي غير مساار الكثير من شعراء المحاورة
وعلمهم الاحترام والادب الشعري
والجلاوي موقفه وشعره فوق تقييم ورعااان النت
يلعب محاورة وحدة مع سفر وغيره وتنزل في اليوب توب ومايرقد3ايام من الفرحة
ويجي يقيم جلاد الشعراء الجلاوي ويمدح اثنان يهربون من مواجهة الجلاوي
واذكان عندك مصداقيه اتركها لا تمسح شي
(مع انك بصراحه اعجبتني يوم تركتها)

[منصور الدرين]

الأخ : تركي بن مكة

لاتأخذك العزة بالإثم

نصحك كثير الأستاذ أبو فايح لكن أبو طبيعه مايجوز عن طبيعته


قالو ان تركي تكلم بهموم الشعب من متى تركي يلعب مواضيع جبليي موضوع واحد قبل دخول الجلاوي الملعبه

طيب كان من المفترض ألا تغضب بل تفرح بهذا الشيء الطيب وتحدثه بهموم الشعب الآن

ودعك من سابقه في عدم التحدث عن هموم الشعب ( كما تقول ) ناهيك عن حسن سيرة هذا الرجل المحببه لدى جمهوره العريض



وهروبه المستمر من مواجهة الجلاوي


عسى الله يهديك يابن مكة ويصلح حالك ويرحمك بس .!!