اختار لك وحده .ووحده يالثبيتي خلها!..فهـــد الشهيب!

[مطني الحافي]

مسيت بالخار

فهد




سلام ولامرحبا اكيد في الثنتين خير=اختار لك وحده .ووحده يالثبيتي خلها!

ماتعرفون الا البهيته ياهل السيل الكبير=والله مادري وش مصبركم عليها كلها!.
.

[ضاوي الشيباني]

صح لساااااانك اخوي مطني
وصح لساااان فهد مقدم
متابع...

[فايز بن سرحان الثبيتي]

طيب طيب



صح لسانك يامطني مبدع الله لا يضرك "

وصح لسان ابو عواض سلفا "

[مطني الحافي]

صح بدنك

ياضاوي

ومتبعتك

اسعدتناا

[مطني الحافي]

ابن سرحان

صح بدنك

واشكرك على مرورك العطر

.
.

[فهد الشهيب الثبيتي]

مسيت بالرضا يامطني

حياك الله


مغنيني الله عن خياراتك مادام انك فقير=ترا الفقارى ماتميز دقها من جلها
اتقولها وانا اخبرك في نجد مجهول المصير=ولا البهيته دار من شال السيوف وسلها

[فهد الشهيب الثبيتي]

ارحب ارحب ياضاوي الشيباني

صح بدنك وشرفتنا بمرورك الكريم

[فهد الشهيب الثبيتي]

ارحب ارحب يابن سرحان

يستاهل مطني بلاشك

صح بدنك وشرفتنا بمرورك الكريم

[مطني الحافي]

قبل امس نسمع لك رغا واليوم نسمع لك هدير=عز الله انك عقدَ يسهل عليه حلها

حنا نعرف اللي طغو في نجد بالسيف الشطير=الله يخلي لك رجال ظلتك في ظلها .
,

[عناد الشيباني]

صحت الالسن

ولاهنتو

[مطني الحافي]

ولاهنت

ياعناد

.
.

[فهد الشهيب الثبيتي]

الله الله


اطيب من اللي خابرينه لاحصان ولابعير=يعقد حجاجه مار لاجات المواقف فلها
مادام تعرفهم علاك الصمت لاشفت الامير=سنع علومك قبل نفسك لايبين غلها

[فهد الشهيب الثبيتي]

ارحب ارحب ياعناد

صح بدنك ولاهنت

شرفتنا بمرورك الكريم

[مطني الحافي]

الضاهر انك منهري يوم ارتفع سعر الشعير=عانك تجيب علوم بعض احيان ماتفطن لها

ان كان يالفراش صاير في وزرتنا مدير=قلت الوزاره لو تشب النار فيها احسن لها

[مطني الحافي]

مرحبا بالجميع

.
.

[فهد الشهيب الثبيتي]

تبا تصلحها وراحت عنك يوم العلم غير=الناقصه لاجات منكم حالف ٍ لاازلها
ماودنا نبحث خفاكم بين قحطان ومطير=راجع علومك كلها واحفر لها وادفن لها

[مطني الحافي]

ان كان ماتغبا العرب تخطي عليك وتستطير=لاتبدل كبود العرب ياصاحبي وتعلها

ياهل الديار اللي تذكرني باهل سودة عسير=انا ليا ذكرتكم زرق الدموع اهلها

[فهد الشهيب الثبيتي]

ماعندنا لوجيه بعض الناس غير الزمهرير=علم قليلين المعرفه يامطني قلها
ياهل الخيام اللي يلاعبها الهوى تالي عصير=الله ولا ناس ٍ عيال القوم تاخذ بلها

[مطني الحافي]

ماعندك الا العافيه لو قلت لك علمَ خطير=يامل عينك من مطني يافهد ياملها

هاذي على ربعك تصير وعند ربعي ماتصير=والله يا لولا عزوتي يانجد ماتحتلها

[فهد الشهيب الثبيتي]

ياقشر حظك يوم حول بك على البحر الغزير=البحر قدمك مار كبدك ماقدرت تبلها
الحق واضح مايغطيه الكلام اللي كثير=لولا الامير اللي ولاكم كان ماتاصل لها

[مهنـا العتيبي]

طيب طيب

رديه بمعنى الكلمه

[عيد العازمي]

مطني ----- فهد


الاخوين المبدعين


صحت السنتكم

[فهد الشهيب الثبيتي]

ارحب ارحب يابو طلال

صح بدنك

شرفتنا بمرورك الكريم

[مطني الحافي]

وياقشر حظ اللي طحن حبه رحاةَ تستدير=وان دلت العربان كل دروبها مادلها

قدام لا نفزع لكم كنتم تطرَون المنير=لكن حنا اللي جماعتنا سترنا ذلها

[مطني الحافي]

عيد العازمي


صح بدنك


مرورك


اسعدني

.
.

[ابن عقاب الشمري]

سلام ولامرحبا اكيد في الثنتين خيـر .. اختار لك وحده .ووحده يالثبيتي خلها!

. . ياا سلام يالثبيتي ..


مغنيني الله عن خياراتك مادام انـك فقيـر .. ترا الفقـارى ماتميـز دقهـا مـن جلهـا




صح ألسنتكم ..

[مطني الحافي]

لاهنت

يامهنا

.
.

[مطني الحافي]

ابن عقاب الشمري

مرحبا

وصح بدنك

واسعدنا

مرورك

,
,

[فهد الشهيب الثبيتي]

ماودي اذكر ولد حافي بقصة بن عمير=ترا القصيدة فالمكاتب والعيون تخلها
وشلون تفزع وانت هاك الوقت في حوطة سدير=الناس تقبل للحرايب وانت ماتقبل لها

[فهد الشهيب الثبيتي]

ارحب ارحب يابن عقاب

صح بدنك طال عمرك

شرفتنا بمرورك الكريم

لاعدمناك

[مطني الحافي]

صح لسانك

يافهد

والله لايهينك

استمتع باللعب معك دائما

[فهد الشهيب الثبيتي]

صح بدنك يامطني ومن قال لاهان

مشكور على الدعوة وماقصرت

[سعودالعتيبي]

رائع ياشهيب


وأنتبه ياحافي من الشوك



محاوره جميله وأنتم مبدعين

[مطني الحافي]

:confused:

وش هو شوكه يابعدي؟؟

[سعود العصيمي]

قبل امس نسمع لك رغا واليوم نسمع لك هدير
عـز الله انـك عقـدَ يسهـل عليـه حلهـا
حنا نعرف اللي طغو في نجد بالسيف الشطير
الله يخلـي لـك رجـال ظلتـك فـي ظلهـا





اطيب من اللي خابرينه لاحصان ولابعير
يعقد حجاجه مار لاجات المواقـف فلهـا
مادام تعرفهم علاك الصمت لاشفت الامير
سنع علومك قبل نفسـك لايبيـن غلهـا


















الله واكبر الله واكبر

فتل ونقض رااائع جدآ


صح لساااانك يامطني

وصح لسااانك يابو عواض مبدع بقوه

[فهد الشهيب الثبيتي]

ارحب ارحب يابو طايل

شهادة نفتخر فيها

صح بدنك طال عمرك

شرفتنا بمرورك الكريم

[خالد الثبيتي]

فهد الشهيب
مطني الحافي

<<< ما هو لزوم كل شوي امدحكم :) هههه

الله يبيض وجوهكم

شعار و لا فيكم حيله

[خلف المطيري]

الحق واضح مايغطيه الكـلام اللـي كثيـر
لولا الامير اللي ولاكم كان ماتاصـل لهـا

انا عارف من تقصد يافهد ونعم فيه

لكن فيه شيخ ثاني هو السبب الرئيسي فالنزول


صحت الالسن والقلوب جميع

مبدعين وطواريقكم تحمل الاثاره دائما

[فهد الشهيب الثبيتي]

ارحب ارحب يابن منور

يالله حيه

ووجهك ابيض طال عمرك ولالحقنا شك فاللي مثلك وشرواك

صح بدنك وشرفتنا بمرورك الكريم

[فهد الشهيب الثبيتي]

ارحب ارحب يابو عبد الله

ماعليك زود طال عمرك لكن ودي انك تنشد عن راعي نجد لجل تزيد من ثقافتك الواسعة

وكلهم عينين في راس ومصدارهم واحد

صح بدنك وشرفتنا بمرورك الكريم

[خلف المطيري]

ارحب ارحب يابو عبد الله

ماعليك زود طال عمرك لكن ودي انك تنشد عن راعي نجد لجل تزيد من ثقافتك الواسعة

وكلهم عينين في راس ومصدارهم واحد

صح بدنك وشرفتنا بمرورك الكريم

لايروح فكرك بعيد

وكل الامور اعرفها مايخفاني شي وصدقت كلهم عينيين في راس

ومصدارهم واحد صدقت

وصح السانكمره اخري