رحبوبي يامطير اليا وصلت هناك جوله

[عيد العازمي]

ارحب ياخلف والمعنى بحر وجديد ههههه




اشرقت شمس النهار وحام كساب البطوله = بالمحل اللي ينومس كل حمران العيوني!!


رحبوبي يامطير اليا وصلت هناك جوله = موكبٍ ميمون والراعي على الوزعه يموني!!

[متعب المقاطي العتيبي]

صحت لسانك يالعازمي

وفي انتظار المطيري

وصح لسانه سلفاً

تقديري

[عيد العازمي]

ارحب يامتعب


شرفت اخوانك


وصح بدنك

[السبيعي فلاح]

عيد تراني الصبح في صفك ؟؟وصح لسانك وكلك؟؟لكن ارك علينا الشاهي ياعيد واترك الباقي؟؟

ههه هه مبطين عن محاوراتك الجزلة ياعيد وياليتك تشربكها شوي ؟هههههه هه

[خلف المطيري]

المعني بحر هو صاز ههههههههه

خلووووووووووها


اشرقت ولاّ اغربت مالك مع المطران صوله = استريح ابديرتك تلقا العشا فوق الصحوني

منت اخو جوزا ولا ضيدان شيال الحموله = عازمين حقك المجرود مابين المتوني

[السبيعي فلاح]

المعني بحر هو صاز ههههههههه

خلووووووووووها


اشرقت ولاّ اغربت مالك مع المطران صوله = استريح ابديرتك تلقا العشا فوق الصحوني

منت اخو جوزا ولا ضيدان شيال الحموله = عازمين حقك المجرود مابين المتوني




ياسلام ياخلف شربكتها صح مع العازمي عيد وصح لسانك ياخلف المطيري؟؟؟محاورة جزلة تسلمون ياكبار؟؟

[خلف المطيري]

صح بدنك يافلاح السبيعي

وعندك الصف يالخنذفي

لاتقصر معي

[عيد العازمي]

ههههههه علامك ياخلف


مانبارك يامطير الا لعنوان الرجوله = موصلينه للنجوم ومفحمينه باللحوني!!


الحموله كايده وخليف دار الشك حوله = ميسمي لمطير وانته ياخلف خص الزبوني!!

[فهد الشهيب الثبيتي]

الله الله الله

فتل ونقض على اعلى مستوى


ماقطعت القاف الا لجل نتابع الابداع من اهله


صح لسانك يابو طلال وصح لسانك يابو عبدالله والله يقويكم

[ناصر الشلاحي]

صحت اللسنتكم
على ما تقدمون من ابداع
عيد العازمي
خلف المطيري

[عيد العازمي]

صح بدنك يافلاح السبيعي


شرفتنا

[عيد العازمي]

الله الله الله

فتل ونقض على اعلى مستوى


ماقطعت القاف الا لجل نتابع الابداع من اهله


صح لسانك يابو طلال وصح لسانك يابو عبدالله والله يقويكم



كرم منك يابو عواض لاهنت لاهنت


صح بدنك وتشرفنا متابعتك

[عيد العازمي]

صحت اللسنتكم
على ما تقدمون من ابداع
عيد العازمي
خلف المطيري


ارحب يالشلاحي


صح بدنك ولنا الشرف بمتابعتك

[عيد العازمي]

تعديل ياخلف لم انتبه

[السبيعي فلاح]

صح بدنك يافلاح السبيعي

وعندك الصف يالخنذفي

لاتقصر معي




ابشر لايهمك عيد وانا في صفك ياخلف الليلة بس؟ وترى السحور عليك الليلة؟ودي اصوم؟؟

[خلف المطيري]

ههههههههه

والله خلف باح

اللي مقابلك صاهود باشا وش اتوقع يعني

خلووووووووووها


الكلام اللي تقوله كل ماغثك |تقوله = لو اصدق كلمتك كل القبايل يجحدوني

مرسل المرسول فالمكتوب ماوافق رسوله = قام يدفن ويتطرا واختلف لونه ولوني

[خلف المطيري]

فهد الشهيب

ناصر الشلاحي

صحت ابدانكم جميع

والله الله فالصف

خلونا انتعاون علي هالحكومي

[عيد العازمي]

ههههههههه طيب طيب



بان وجه العارضي والحمد لله من رجوله = وان تضاهر بالهزيعه مايعضده غير شوني!!


لو ابن سلمي درا عن وقفتك يسرج خيوله = لين تكسر في شمال النير وتزيد الغبوني!!

[خلف المطيري]

هههههههه

مجبر اخاك لا بطل الشطر الاول مزعج للغايه

خلوووووووووووها


انت ماتدري عن الرجلين همك في نعوله = من دخلت المنتدي واعيونك الثنتين دوني

تحسبنا مثلكم مانطرح الشيخ ونغوله = احمدالله فبن سلمي | اه لو ربعك يجوني

[خلف المطيري]

ابشر لايهمك عيد وانا في صفك ياخلف الليلة بس؟ وترى السحور عليك الليلة؟ودي اصوم؟؟

كفو كفو

بس انا طمعان فيك ابيها الليله وكل ليله ههههههههه

[عيد العازمي]

ههههه



يمكن اغلى منك عند مطير جنب اسمك عموله = القرينه للقرين ان كان هانت هو يهوني!!


فعلكم يامطير معنا مثل توصيف مخيوله =لحيةٍ مارفّ شاربها من الموس محسوني!!

[خلف المطيري]

ياوجه الله هههههههه

خلوووووووووووها



اختلف عيد وتوهق واستوي عرضه وطوله= كيف يطمع فاللحم واجّماه مافيها سنوني

وابك حنا من فعايلنا بكت دوله ودوله =وانت لولا اشيوخك الجذعان تعرف من تكوني

[خلف المطيري]

صراحه مليت وانا اظهر الشعار هههههههههههه يعني لولا الله وثم انا ماصار خمس نجوم الطاروق

ماعليه ياصاهود سو خير وقطه بحر

الليل الليل

[خلف المطيري]

طولت ياعيد هههههههههههههههههههههههههه عساك اطول من غير شر

انا قايلكم مايقدر علي غير حبيب العازمي خخخخخخخخخ

[عيد العازمي]

البخيص اللي يسولف ياعتيبه صفقوله = بالذكر جينا الحسو والصيد ياخليف المكوني!!


رحمةٍ فيكم بكا شعب الكويت وطق جوله = وان تمنيت الحجاز ونجد الانجد قابلوني !!



شرفت ياخلف والختام عندك


كنت راسم المعنى على منتدى زيد العضيله الجديد هههههه

مار مافيك حيله

[عيد العازمي]

طولت ياعيد هههههههههههههههههههههههههه عساك اطول من غير شر

انا قايلكم مايقدر علي غير حبيب العازمي خخخخخخخخخ


حتى مشكلة المتصفح ماتجي عندك هههههههه


يمكن يعتزل حبيب لو يلعب معك مره بس هههههه


بس تراني من اكتشفك كشاعر محاوره لاتنسى:cool:

[خلف المطيري]

صح بدنك ولاهنت ياعيد



انا عارف انك تقضد شاعر مطيري

وردي فالبيت الثاني دليل علي معناك وماخرجن عن المعني

هههههههههههههههههههههههه

وتصبح علي خير

للغلم امهبوله ديره فالكويت




يخلف الله في ولدكم يالعوازم طاح فوله=قام يلعن والعنوه ابّفعلته لاتلعنوني

من سفوح الحره السوده ليا حد امهبوله =كلها لمطير والعتبان عادي يحسدوني

[خلف المطيري]

اجل زيد حاط منتدي

الناس انهبلت

المفروض يفكر فالاخره

[ماجدالعبدلي]

الله الله



من سفوح الحره السوده ليا حد امهبوله
كلها لمطير والعتبان عادي يحسدونـي


من سفوح الحره السوده ليا حد امهبوله
كلها لمطير والعتبان عادي يحسدونـي





صح السانك ياخلف مبدع كما عهدنك




ولا يهون عيد العازمي بعد ماقصر





الله يعطيكم العافيه

[ابو فايح]

مانبـارك يامطيـر الا لعنـوان الرجولـه=موصلينه للنجـوم ومفحمينـه باللحونـي!!



مانبـارك يامطيـر الا لعنـوان الرجولـه=موصلينه للنجـوم ومفحمينـه باللحونـي!!




مانبـارك يامطيـر الا لعنـوان الرجولـه=موصلينه للنجـوم ومفحمينـه باللحونـي!!




يخرب بيت شيطانك على هالبيت يا عيد وصف للواقع بشكل كبير من وجهة نظري الخاصه عشان لا أحد يزعل



صح لسانك لين ترضى وصح لسان خلف العارضي لين يرضى.

[فايز بن سرحان الثبيتي]

بان وجه العارضي والحمد لله مـن رجولـه
وان تضاهر بالهزيعه مايعضده غير شوني!!





ابداع وامتاع "

اخالفك الراي يابو فايح البيت هذا كان اقوى "

صحت السنتكم "

[تركي الصفياني]

ههههههههههههههه


شعراء مميزين
كأني حاضر حفله فيها الشاعر سفر الدغيلبي
والشاعر فايز العوني

شكرا

[عيد العازمي]

للغلم امهبوله ديره فالكويت


مالقيت غير مهبوله هههههه


صح لسانك ياخلف


ماجد العبدلي


ابو فايح

ابو ريان


تركي


يشرفني تواجدكم ولاهنتو يالغالين

[خلف المطيري]

[quote=ابن سرحان الثبيتي;1138782]بان وجه العارضي والحمد لله مـن رجولـه
وان تضاهر بالهزيعه مايعضده غير شوني!!





ابداع وامتاع "

اخالفك الراي يابو فايح البيت هذا كان اقوى "

صحت السنتكم "[/quote


ههههههههههههههههههههههههههه

حتي انا وياك فالراي

الله يبارك فالطاروق اللي جابك

صح بدنك

[خلف المطيري]

ههههههههههههههه


شعراء مميزين
كأني حاضر حفله فيها الشاعر سفر الدغيلبي
والشاعر فايز العوني

شكرا

انعم واكرم اتمني اصل مستوي فايز العوني

[خلف المطيري]

ابوفايح صح بدنك ياناقدنا الكبير لاهنت

ماجد العبدلي صح بدنك يالغالي لاهنت