ياعل شيخ مايجي مثل فيحان

[بويتل العتيبي]

السلام عليكم ورحمة الله وبركاته

هذه الابيات المتواضعه الي الشيخ فيحان بن تركي بن ربيعان


يقول من غنى غريبات الالحان = جزلات لحونه وجزل مشده
الشيخه اللي مالها ساس واركان = لوطال مبناها سريع مهده
والمدح مايرهم على غير برهان = في شارب ماهوبكفوه وقده
لا صارماهوبالشدايدبليهان = وليامشا في لازم مايسده
مانيب من يمدح من الناس جابان = لوان رزقي قاضبه وسط يده
رجلن شهدبالزورماعنده ايمان = ياللي تجيب العلم عني ترده
ياعل شيخ مايجي مثل فيحان = يقل مقداره ولا احد يوده
شيخ بنافي روس الامجاد بنيان = مواقفه بانت على كل شده
فيحان ابونايف سلايل كحيلان = مدسمن عكف الشوارب بمده
نسل الشجاع اللي رسخ وسط الاذهان =تركي ياكثرقلوب ناس توده
رمزلنا نعتز به كل الاحيان = نفخربطيبه وكل يوم ونعده
شيخ تعدى صيته حدودالاوطان =على النقاءطيبه مع الناس مده
تركي ماهو ابون لحالك يافيحان =ابون لك ثبيت والعلم شده

[محمد عويض الثبيتي]

صح لسانك

ولا هنت

تقبل مروري