ب

[بدر بن عصاي]

أنشهـد انـك شـيـخ يـابـن معـمـر
في وقفتك في فزعتك فـي كلامـك
بك فزعة عتيبـه ولـك بـال شمـر
وعلى فعول الطيـب دوم التزامـك
لــك وقـفـةٍ لامــن غـيـرك تـذمـر
تشهد فعولـك والمراجـل وسامـك
عـلـى الـرجـال بمافعـلـتـه تـأمــر
فرضـت بأفعالـك يابـدر احترامـك
سبقـت جيلـك يـوم غيـرك يطمـر
وازداد قـدرك فالقـلـوب ومقـامـك
يـأبــو ذراعٍ للـمـواقـف تـشـمــر
وفالموقف الحساس تثبت عظامك
جعلـك يـاراع الطيـب دايـم تعـمـر
حفظـك ربــي يارفيـقـي وأدامــك
ماالـوم شعـري والقلـم لـو تسمـر
هيبـة خوالـك مثـل هيبـة عمامـك
يافزعـة اللـي مـن زمـانـه مـدمـر
تنصـره قبـل تقولـه وش علامـك
تبقـى حـزامـي دوم يـابـن معـمـر
وأنا بعـد فـي كـل ساعـه حزامـك
بدر بن نايف بن عصاي

[طييب الخوووه]

تسلم ويعطيك الف عافيه و صح لسانك
والنعم فيك وفي الممدوح منك

[مرزوق حمدان العتيبي]

يافزعة اللي من زمانـه مدمـر
تنصره قبل تقوله وش علامـك
...
ياسلام... صح لسانك
والله لايهينك على قصيدتك الجزله..
وونعم فيك وفي من مدحته..
تحياتي

[مروي العطاشا]

صح لسانك يالذيب