الشاعر اللي يفتل وينقض البيت

[ابراهيم الجـــــذع]

السلام عليكم ورحمة الله وبركاته


أعجبني شطر لــ بندر بن سرور








الشاعر اللي يفتل وينقض البيت=قدم الجذع يثبت وجوده هنيا

سلط على النصراني اللي لقا الزيت=شال الضعيف من الثرى لــــ الثريا

[علي الثبيتي]

و عليكم السلام ورحمة الله وبركاته



والله اني ابرقد بس اعجبتني البدعه قلت اجاريك


انته على حقوق النشاما تعديت=هذا كلام الحق ماهي حميا!!

ياليت بندر حي ياليت ياليت= والله ليا يغزيكم بخيل المحيا

[جمال العضياني]

ياسلااااااااام
طاروق مسري...

صح لسان ابراهيم وعلي

وااااصلواااااااا


متااااااااااااااااابع

[علي الثبيتي]

ارحب ارحب ياجمال وصح بدنك

[ابراهيم الجـــــذع]

طيب طيب



اللي بنا بالجير والا الجرانيت=ما ظني اطيب من قصور العليا

لا تخلف الموضوع يا شايب اثبيت=لو كان بندر حي ما كان عيا

[ابراهيم الجـــــذع]

صح بدنك أخوي جمال

يشرفنا مرورك ومتابعتك يا الغالي

[محمد سعيد القحطاني]

صحت اللسنتكم يا شعار


طااارووق رااائع


ما شاء الله تبارك الله

اسمحولي 000 واصلوااا

متابع لكم و الصف صف الجذع و لا يهون الثبيتي

[ابراهيم الجـــــذع]

صح بدنك أخوي محمد

والصف يزهابك طال عمرك

شرفني مرورك ومتابعتك يا الغالي

[علي الثبيتي]

بغا ربي يجيب لها فلكه لكن حظي اقشر هههههه


غرتك مخلفة الهقاوي وغريت= ورغبتك عيت في زمانك تهيا!!

انا تعبت من الليالي ومليت=والصقر ماهو مثل ولد الحديا!!

[ابراهيم الجـــــذع]

ههههههههه



لا بالله الا جت على ما تمنيت=وابلشتكم ما بين هذي وذيا

إن كان من عقب الوجع ما تشاويت=أنا طبيبك وآخر الطب كيا

[علي الثبيتي]

ليتك بدال القاف لله صليت= وطلبت رحمة كل ميت وحيا!!

نويت اسمي فوق روس الطواغيت= ماهمني في قوم هيا وميا!!

[ابراهيم الجـــــذع]

يا أبو فهد يا حي زولك ليا جيت=بعض العرب لا جيت راحوا جثيا

بعض السوالف يا عميلي كلاكيت=حتى أيش لو سميت ما ضاع شيا

[علي الثبيتي]

انا ملقوف ليتني رايح ارقد ابرك لي خخخخخخخخخ


انا تراني يالجذع ماتعشيت= والله رمابك في يدي ياصبيا!!

دقة هواجيسي وجات العفاريت= ماعاد عن بعض المواقف قفيا!!

[خلف المطيري]

الله الله

وش هالاحراج من اقضب صفه الحين

تدرون واشلون الصف ثبيتي مع اشوية ميول للجذع

والله يغين

الليل الليل

وصحن الالسن جميع

[ابراهيم الجـــــذع]

ههههههههه الظاهر لو أنك راقد ابرك لي أنا ههههههههه




تبا العشا يا بو فهد لكن امسيت=أنت العشا ما عاد فيها كنيا

اللي يعاندنا نسفه الدناميت=واللي يبا مزح العوارف كذيا

[ابراهيم الجـــــذع]

هلا وغلا أبو عبدالله

صح بدنك يا الغالي

والصف يزهابك طال عمرك هنا والا هنا

شرفني مرورك

[خلف المطيري]

جثيا هههههههه

المفرده هاذي ماتو اهلها

اثرك ابدوي يابونايف

الليل الليل

[ابراهيم الجـــــذع]

هههههههه

ذبحتهم يا أبو عبدالله وهم حيين

ههههههه

[علي الثبيتي]

اسليم ماتقبل عيال الجباريت= ولا ودي اعف الجرح والجرح نيا!!

استغفر الله كان فالقول زليت= ماعاد باقي للمجامل بقيا!!

[علي الثبيتي]

ارحب يابو عبدالله وصح بدنك

والصف يزهابك طال عمرك هنا والا هنا

شرفنا مرورك

[ابراهيم الجـــــذع]

ما عشت فالحاضر على ماضي الصيت=لو ما تلوى فوق ظهر العبيا

الظاهر أنك يا هذا العود هذريت=غاوي ومن يتبعك عايش بغيا

[علي الثبيتي]

وش فيك من قول الحقيقه تبريت= نسيت علم ان صار ذيك السنيا!!

اللي يعرف امراه مايجهل اكميت= واهل المدن ماتجهل اهل القريا!!

[علي الثبيتي]

ابو نايف تصبح على خير

[ابراهيم الجـــــذع]

صح السانك يا أبو فهد

ما قصرت يا الغالي

بيض الله وجهك

وأنت من أهل الخير

[السبيعي فلاح]

مساء الخير جميعاً ابراهيم الجذع والنشمي تشكرون على المحاورة الجزلة وصحت الالسن والقلوب

شعار كبار؟؟تحياتي؟؟

[هجاد الثبيتي]

صح السااانك يابراهيم مبدع مبدع



دمت بووووووود

[هجاد الثبيتي]

صح الساانك يابو فهد مبدع مبدع



يا لليل الليل


العووود البارح نشيط هههههه



دمت بوووووود

[ابراهيم الجـــــذع]

هلا وغلا أخوي فلاح

صح بدنك يا الغالي

شرفنا مرورك

[ابراهيم الجـــــذع]

صح بدنك أخوي هجاد الثبيتي

اشكرك على الإطراء يا الغالي

شرفنا مرورك