وصل العطياني تعال ابيك

[عبدالعزيز بن جودان الرويس]

السلام عليكم ورحمة الله وبركاته
مساءكم ورد
اخوي وصل العطياني
استاذ ومعلم وانا حبيت اخذ معه طاروق

استلم ياوصل


سلام ردية وفا من شاعرٍ مده جزيل=رديةٍ نرضي بها الجمهور. والساري سرا
الملعبه ياوصل تبغا شاعرٍ باعه طويل= شاعر بحجمك ياوصل مشهور. والساري سرا

[مرزوق حمدان العتيبي]

....
الملعبه ياوصل تبغـا شاعـرٍ باعـه طويـل..... شاعر بحجمك ياوصل مشهور. والساري سرا

الله الله
نحن على موعد مع الابداع
عاش ابو سعود...
وينك يابو مشهور..؟
تحياتي لكما..

[علي فلاح العضياني]

صح لسانك ياعبدالعزيز وعلى القوه


وحنا متابعين وامتعونا بالمعاني الجزله




تقبل تحياااااتي

[وصل العطياني؟؟؟]

سلام علاكم :)

هلا بك يا ابو عزّا ...

لا تقول معلم ولا أستاذ ...

يا دوب شاعر حافّ بس :)

وإستلم :


يا مرحبا ترحيبةٍ ما جات من يمنى بخيل = ترحيبةٍ تبدي سوات النور والساري سرى
والملعبة تبغى لها شاعر من الوزن الثقيل=يرسي مثل ما يرسي البابور والساري سرى

تحيااااااااااااااتي

[وصل العطياني؟؟؟]

مرزوق العتيبي

ويلكمووو ..

هنا أبو مشهور :)

لا يلفّ ولا يدور :)


الفالح

هلا بك يالغالي ..

شرفتنا ...



تحيااااااااااتي

[عبدالعزيز بن جودان الرويس]

سلمت يامرزوق
مرورك اسعدني








الفالح صح بدنك
سلمت ودمت
شكرا لمرورك

[عبدالعزيز بن جودان الرويس]

الله الله يابو مشهور
ابك انا دووووووووب ابك انا عصقووووووووول
نحف العود
ههههههههههههههه
واحد رشيق
مافيه علمٍ ياوصل يثبت وهو ماله دليل= وياويل من يشهد شهادة زور والساري سرا
وراك مابينت يوم الزند يقدح للفتيل= وين انت يوم ان الرصاص يثور والساري سرا

[مرزوق حمدان العتيبي]

....
ابك ابك .... هذا والله المسرى اللي يتعب الساري
ياليل ياليل العنا والغرابيل ....
----------------------> لاتواخذوونه جاه السطر من روعة ابيوتكم ...
واصلوووووووووووووووووووووووووووووووووا

هههههههههههههههههههه ابو سعود ضحكتني بسالفة دوب
ترى ابو مشهوووور برئ :)

[معقل المجانين]

عبد العزيز
وصــــــــل

محاوره تشد الاءانتباه,,,,,,,,,,,, وليست بمستغربه عليكم

شاعرين شعرهم يعرف عنهم
تـــــــــحياتــــــــــــــــــــــــــــــــــــ ــــــــــــــــــــــــــــــــــــي

[الحر الأشقر]

صح لسانك ياعبد العزيز واصلوا لا هنتوا

صح لسانك يا أبو مشهور واصلوا لا هنتوا

[عايض الحبابي]

محاورة عمالقه ... عبدلعزيز ... وصل العطياني ..

يعطيكم العافيه في انتظار المحاوره تسخن أكثر..!!!

[وصل العطياني؟؟؟]

الله الله يا عزوز :)

وعلى نياتكم ترزقون :)

إستلم :


ماني بقايل رأسمالي لا كثير ولا قليل = تكفي شهادة جات من مستور والساري سرى
لو إنها حامت وصامت ما تروح بلا كفيل= لكنّ ما اصطى فيك بالباكور والساري سرى


تحيااااااااااااتي

[وصل العطياني؟؟؟]

مرزوق العتيبي ...

هلا يا بعد حيي ...

بالحرام كنـّك كاشفن قلبي :)

ارحب يا رجل ..



تحيااااااااتي

[وصل العطياني؟؟؟]

معقل المجانين ..

يعطيك العافية على المرور والإطراء ...

لا هنت يالغالي ...


تحياااااااااااتي

[وصل العطياني؟؟؟]

الحر الأشقر /

صح بدنــك ...

مواصلين بحول الله ...

ووجودك يعني الكثر ...

لا هنت يالغالي ...


تحيااااااااتي

[وصل العطياني؟؟؟]

عايض الحبابي ...

هلا يا صبي قحطان :)

مرورك شرف ...

ونخاف تسخن المحاورة وتحرق اللي حوالينا ;)


تحياااااااااااتي

[عبدالعزيز بن جودان الرويس]

الاخ مرزوق
ارحب وجدك هنا يعطي المحاوره ذوق خاص
سلمت ودمت على تواجدك



معقل المجنن
ارحب
شكرا لك تواجدك اسعدني كثيرا


الحر الاشقر
صح بدنك
تسلم على تواجدك




عايض الحبابي
ارحب ياصبي
وش حالك نفدا ذا النخره
حياك ياولد الشايب

[عبدالعزيز بن جودان الرويس]

الله الله يابو مشهور
استلم استلم


انا اعرف انك ياوسيع المعرفه كلك حصيل= لكن في مافات مالك دور والساري سرا
ان كنت فارس في يدك ياصاحبي سيفٍ صقيل= ابيك تذبح فارسٍ مغرور والساري سرا

[وصل العطياني؟؟؟]

هلا هلا ...

إستلم لا هنت :


خطوة ورى خطوة على المضمار ويبين الأصيل = والسالفة ماهي دمٍ منثور والساري سرى
والفارس اللي تذكره زابن ومحـْسوبٍ دخيل=وإعــْرِف ترى ذبـْح الدخيل فجور والسارى سرى


تحياااااااتي

[عبدالعزيز بن جودان الرويس]

الله الله الله يابو مشهور
استلماستلم
انته كلامك زين وسلوبك يدل انك فضيل= مير ابعد النظره عن المنظور والساري سرا
جاكم بعام الفين رجالٍ غني ماله مثيل= وماصف معكم داخل الطابور والساري سرا

[عايض الحبابي]

والفارس اللي تذكره زابن ومحـْسوبٍ دخيل=وإعــْرِف ترى ذبـْح الدخيل فجور والسارى سرى

:confused::confused::confused::confused:

عبدالعزيز@@ وصل العطياني### عمالقه بصراحه ... يعطيكم العافيه ...

[وصل العطياني؟؟؟]

عايض ...

نوّرت بمرورك :)



تحيااااااتي

[وصل العطياني؟؟؟]

الله الله يا ابو سعود :)

أعتذر عن التأخير لظروفي الصحيّــة :(

إستلم :


إن لاح برّاق الحيا والسيل جاء يقفاه سيل= البدو يمــّه ساقوا المظهور والساري سرى
والرجل في دنياه هذي يعتبر عابر سبيل=رزقه يجيه ويأخذ الميسور والساري سرى


تحياااااااااتي

[ولد عوجان الجذع]

أبو سعود
وأبو مشهور
لاهنتوا
على المحاورة الجميلة

[عبدالعزيز بن جودان الرويس]

الله الله
الحمد لله على السلامه يابز مشهور
جعل الصخنه والله في غيرك
جعلها في شارون ولاهيب فيك

استلم ياعم وصل

يانعنبو شارون ضف القدس ثم جا للخليل= يفتن بجندٍ شيدوله سور والساري سرا
لكن قله مانبا غاره من العالم بديل= وقله ترا قبره بعد محفور والساري سرا

[عبدالعزيز بن جودان الرويس]

مرحبا ياعايض
مرورك اسعدني
شكرا لك


تسلم ياولد عوجان الجذع
شكرا لمرورك

[وصل العطياني؟؟؟]

ولد عوجان

يا هلا بك ...

منوّر وجودك ...



تحيااااااااتي

[وصل العطياني؟؟؟]

هلا يا ابو سعود ...

الله يسلمك ويعافيك ...

لا تقول جعل الصخنة في شارون ...

قول جعلها في مرزوق ههههههههه


إســـتلم يا بعدي :


شارون حاسي له سنان الرمح والسيف الصقيل = والله ليـُذبـَح ذبـْـحـَة العصفور والساري سرى
ريــّح ضميرك وإزهـله ياعنك لأجبيه قتيـــل=وأنته عليك إنـّك تـحفـْـر قبور والساري سرى


تحيااااااااتي.

[مرزوق حمدان العتيبي]

هلا يا ابو سعود ...

الله يسلمك ويعافيك ...

لا تقول جعل الصخنة في شارون ...

قول جعلها في مرزوق ههههههههه


إســـتلم يا بعدي :



تحيااااااااتي.


هههههههههههههه ابك كيف في مرزوق
هذا جزاه وهو قاعد البارح يدعي لك من كل قلبه و يقول
:

يارب تشفي العطياني


..
ولاّ

تاخذ رووووووووووووحه :)

[عبدالعزيز بن جودان الرويس]

الاخ وصل
صح لسانك
انشهد انك جزل وانك فعلا عملاق
استفدت منك الكثير ياستاذي العزيز
شكر لك ولجميع من مر على هذه المحاوره
سلمت ودمت ياعم وصل





ابك كيف في مرزوق
والله اني ودي ادعي عليه
بس مايطاوعني قلبي

[مشتــــاق]

فا تتني والله



عبدالعزيز


وصل العطياني


صحت السنتكم


وصراحة من اروع ما قرأت

[وصل العطياني؟؟؟]

لا هنت يا عبد العزيز ولا هنت يا مشتاق ...

خالص الود والتقدير ..



تحيااااااااتي

[أبو فيصل]

إســـتلم يا بعدي :


ريــّح ضميرك وإزهـله ياعنك لأجبيه قتيـــل=وأنته عليك إنـّك تـحفـْـر قبور والساري سرى


تحيااااااااتي.

أنا أشهد أنها المسرّية يابو مشهور

الله يعطيكم العافية ياوصل أنت والشاعر الكبير عبدالعزيز

فعلا امتعتونا

تحياتي

[عبدالعزيز بن جودان الرويس]

صح بدن كل من ساهم في انجاح هذه المحاوره
سلمتو وشكرا لكم جميعا على متابعتكم
تحياتي