تطرف يالفالح

[السيف الاملح]

وينك يالفالح ودنا نلعب معك طاروق
وترانا متعلمين وارجو ان تسعنا رحابة صدرك


خلـــــــــــــــوها

عقب ماسجلت فالمنتدى ضيفن جديد=ياسلام الله برده علا الربع الحشام

منتدى ربعي وانا جيت افيد اومستفيد= مستفيدن خوت الي لهم قدر اومقام

[مرزوق حمدان العتيبي]

...
السيف الاملح
هلا والله وغلا..
بدايه رائعه .. والله يقووويك
في انتظار محاوره منكم جميله انت مع شاعرنا المتميز الفالح..

[علي فلاح العضياني]

الله يحييك ياعتيبي في محلك لكنك تحمل ما يجيك هههههههه



نعتبر يوم(ن) جممعنا بمثلك يوم عيد=مرحبابك وادخل البيت مع باب السلام
مرحبا مليون مره كفى ولا نزيد=شد حيلك ثم قود المطيه بالخطام

[السيف الاملح]

مرزوق تسلم ولاهنت
الفالح استلم وعمرك يطول
الله الله

والله اني مثلك اليوم فرحان اوسعيد=يالعلك للبقا عند من صلى وصام

ابشر ابخوت رفيق(ن)علا احسن ماتريد=كان تبغانا نعس الدير شرق(ن)وشام

[الحر الأشقر]

اولا مرحبا بك يالسف الأملح وثانيا صح لسانك وتقول أتعلم وأنت معلم

واصل مع الفالح وبالتوفيق وحنا متابعينكم وتراي في صفك يالسيف الأملح

الفالح حياك ومنور المنتدى بوجودك واصلوا لا هنتوا أمتعونا وحنا معكم

[علي فلاح العضياني]

الحرالاشقر لاهنت على المرور والكلام الطيب اللذي لايستغرب منك

[علي فلاح العضياني]

انت سيف أملح ولاكن ترى مانت بوحيد=فيه قدامك سيوفن يقصن العظام
ويش رايك لو نحط الهدف عنا بعيد=السواري في يدي والفشق ملي الحزام

[عايض الحبابي]

السيف الأملح ... الفالح ... بدايه رائعه .. واصلوا لاهنتوا ..

[السيف الاملح]

الحر الاشقر الحبابي يشرفنا مروركم

الفالح استلم

ماعلاكم زود لاكن انا سيف(ن) حديد= تعتزيبه في نهار الملاقا والزحام

ماتبا موجود مامدتي مدة زهيد= والضوامي فوق هداج ماتصدر حيام

[علي فلاح العضياني]

ودنا لاكن ما باين الفعل الاكيد=شد حيلك وانطح القوم ما نبغا الكلام
انت وش سويت مع صاحبك عبدالمجيد=قالوا انه فالاداره منعك من الدوام

[دريد ابن الصمة]

انت وش سويت مع صاحبك عبدالمجيد=قالوا انه فالاداره منعك من الدوام
السيف الاملح ......... الفالح
محاورة جميلة ورائعة

واصلووووووو وحنا متابعين

[وصل العطياني؟؟؟]

لا هنتوا يالقروم ...

واصلوا وحنا متابعين ...

روعة الفتل والنقض ...


تحياااااااااتي

[السيف الاملح]

دريد بن الصمه وصل العطياتي لاهنتو ولا اوصيكم علا الصفوف

الله الله الله

ماذخرت الفعل عنكم ولا الراي السديد=ماراضنك محتلم يوم طاب الك المنام

تحسبني مثلك ارشيه وارسله بريد=والله اني مااعمل الا بدستور النظام

[علي فلاح العضياني]

وصل العطياني
مرورك شرف لنا وحياك الله


عايض الحبابي
اررررحب وشرفتنا




دريد ابن الصمه


حياك الله والله لا يهينك وشرفتنا

[علي فلاح العضياني]

الله الله الله




كان تبغى الحور وتموت يالمسلم شهيد=صل طول الليل كله تراويح وقيام



انت رجالٍ تعاند وأنا ماني عنيد=مع رجال المعرفه لي معزه وإحترام

[السيف الاملح]

الله الله الله

انت منت ابحارس الجنه ولنته بسيد = واما انا لاحان فرضك تقدمت الك امام

مانعاند غار من يخطي الدرب او يحيد= حظنا قايم ومن طيب راسي يوم قام

[علي فلاح العضياني]

الله الله الله
انت تحت التجربه( تو)ما جالك رصيد=واكتشفنا انك تخلط الحلال مع الحرام
راسك أصوك مار قلبك حضيت إنه بليد=قمت تبحث ثم جتك النتيجه فالختام

[السيف الاملح]

الله الله الله

والله اني مغتني من فضل رب العبيد= مار دل الدرب قدام نلحقك الملام

ماعليه من زبيده وهارون الرشيد= زادهم معروف دايم قفار بلا يدام

[علي فلاح العضياني]

خلووووووووووووها
مانذمك مغتني مار نوب تلف حيد=خايف انك يابن عمي تعرض لاصطدام
انت جبت العيد ياجعل والله ماتعيد=مار خذها بعد جاتك على أفضل مايرام

[الحطيم]

السيف الاملح
بدايه موفقه
الفالح
الله يعطيك العافيه
كل يوم يزيد اعجابى فيك
واصل والله يزيدك

[السيف الاملح]

الشاعر الفالح تشرفت بالمحاوره مع شاعر رائع

مستوى مشرف ااابداع بل اكثر من ذلك وسجل

اعجابي بهذا المستوى واعذرنا علا القصور

والسلام
الســـــــــــــــــــــــــــــيف الامـــــــــــــــــــــــــلح