مستور العصيمي مع سوار الذهب

[حمود بن خيشوم العصيمي]

محاوره قويه بين مستور العصيمي وعبدالله الميزاني سوار الذهب
في حفل اللغيصم تحتاج لوقفات من شعراء منتديات الهيلا لفك معانيها
ورموزها الدقيقه



سوار الذهب
سلام تسليمةٍ فيها سلام و 000)000يقولها عند شمر واحدٍ عبدلي
ياليت مستورلو ساعه يعود شباب000والله لحدك على ماقاله الحنبلي

مستورالعصيمي
يامرحبا ياهلا بك عن عزيز الجناب000العام وش قلت لك واليوم وش قلتلي
ان كان مانته بحاسب لليالي حساب000أقول ما يربط بالحبل غير الطلي

سوار الذهب
أنا أدري إنك توردها الخطر ماتهاب000لكن مئثر عليك البرطم الاسفلي
ماكل دعوه لمنهو قالها تستجاب000 لكن حي العليا غير حي السلي

مستورالعصيمي
أنا أشهد إنك وردت العد صاف الشراب000يمديك تقطع ظماك بعدًه الممتلي
ياصاحبي ياولد ميزان هرجك صواب000ترى شفاعة محمد غير قوة علي

سوار الذهب
لا تحسبنك ملك عندك حساب وعذاب000أنت لياليك بعض أوقات ماتنجلي
أنا ليا صدت لي حوته يطير العقاب000وألي على حظ غيري لاتقولون لي

مستور العصيمي
إبتل ما دام الاشده في ظهور الركاب000وأنا ترى محمل السلطان مع محملي
تعبت لمصافق الشعار والراس شاب000ياذيب مثلك ترى حاربت كل هذلي

سوار الذهب
أنا قتيل الهوىماني قتيل السراب000وأنا تراني على شأنك نحرت جملي
ياطالب الخيرباب الله على كل باب000 وشبك تود الجحادل يم ديرة بلي

مستور العصيمي
الحمد لله طاب البال والحظ طاب000جد العرب في العرب جد البقر في حلي
وراك حطيتها مابين ضرس وناب000خلك مع الناس باقي لا تلقى الخلي

[ابو فايح]

الله الله الله


مستور يتدفق شعرا في هذا الطاروق


عاش ابو تركي هو مستور سواء كان شباب أو شايب شعره تتعلم منه أجيال



الميزاني يقول ليت مستور يعود شعره كما كان في مرحلة الشباب ويبتعد عن الماده والمجاملات



أعجبني هذا البيت
أنا أشهد إنك وردت العد صاف الشراب000يمديك تقطع ظماك بعدًه الممتلي


صح لسان الميزاني ولسان مستور العصيمي

وبيض الله وجهك يا حمود على النقل الرائع والسريع

[محمد البرازي]

لا أجد تفسير سواء القول بأنها محاورة عمالقة ..

لم يكن يتوقع عبدالله الميـزاني بأن يأتي عريف الحفل ويقطع جمال المحاورة وبدأت المعالم جليه على محيا عبدالله .

مستور العصيمي : اكبر من أن اعلق عليه ..

الجميل بهذه المحاورة سرعة الرد بين الشاعرين .

تحية لرواد الهيلا .
؛

[العفريت]

من اجمل ماسمعت

ولا غرابه شعراء عمالقه

اتمنى ان اجد فديو للمحاورة

تحياتي

[حمود بن خيشوم العصيمي]

ابو فايح

شكرا لمرورك وتعليقك الوافي

ووجهك أبيض لاهنت

[حمود بن خيشوم العصيمي]

محمد البرازي


شكرا لمرورك وروعة الرد


لاهنت

[سبار المعاني]

إبتل ما دام الاشده في ظهور الركاب000وأنا ترى محمل السلطان مع محملي


الله يا مستور تطربنا والله


يقصد مستور مادام المعاني باقيه لها ناس تعرفها

نقاش حول الشعر وماضي الميزاني

[حمود بن خيشوم العصيمي]

العفريت


شكرا لمرورك


تحياتي

[الهزبري]

لازلت اقول عبدالله الميزاني شاعر مطير الأول ولو أن عليه بعض التصرفات الغريبه احيانا..

ومستور لايحتاج شهادة من احد


الف شكر على النقل

[سعود العصيمي]

إبتل ما دام الاشده في ظهور الركاب
وأنا ترى محمل السلطان مع محملي




محاورة عملاقة


لاهنت ياحموود

[علي الثبيتي]

سلام تسليمةٍ فيها سلام وعتاب )000يقولها عند شمر واحدٍ عبدلي

يامرحبا ياهلا بك عن عزيز الجناب000العام وش قلت لك واليوم وش قلتلي

محاورة عملاقة


لاهنت ياحموود العصيمي

[ابو عاتق]

يالربع انا متابع الطاروق بكل معانيه وهو افضل طاروق في حفل اللغيصم


مستور ابدع ابداع لايستغرب عليه وكان نقضه وردوده في قمة الابداع على ابيات الميزاني والغامه

ولكن فيه عدة اخطاء املائيه في النقل



هنا عندي تعديل في البدعه
سلام تسليمةٍ فيها سوال وجواب .. يقولها عند شمر واحدٍ عبدلي




وهنا ايضا في بيت مستور
أنا أشهد إنك وردت العد صاف الشراب000يمديك تقطع ظماك في حيضه الممتلي


لاهنت ياحمود العصيمي

عز الله انك خدمتنا في نقل هذا الطاروق الاكثر من رائع

الله يبيض وجهك

[خلف المطيري]

شرعراء كبار

الميزاني لالقا شاعر يبدع ويحترمه

مايخطي ابد

تسلم يالغصيمي

[حمود بن خيشوم العصيمي]

سبار المعاني شكرا لمرورك وتوضيحك حول المعنى

[حمود بن خيشوم العصيمي]

الهزبري

العفو ورأيك له ما يبرره أكيد
تحياتي

[حمود بن خيشوم العصيمي]

سعود العصيمي

حييت ياسعوووود

الله لا يهينك

[جبل]

طارووووووووووووووووق العمالقة
عملاق عتيبة وعملاق مطير

[حمود بن خيشوم العصيمي]

علي الثبيتي

الله لا يهينك

شكرا لك على التوضيح

[بدر الشلوي]

طاروق رائع بكل ما تعنيه الكلمه من معنى...

عبدالله الميزاني عنده بيت ما أرتحت له وهو:

أنا أدري أنك توردها الخطر ما تهاب...لكن مثر عليك البرطم الأسفلي

[لماح]

عبد الله الميزاني إذا ابتعد عن تصرفاته الغريبة لا محالة سوف ينثر الابداع



ومستور العصيمي إذا قابل الابداع يبادله بمثله


لذلك أتمنى ان يبتعد مستور عن محاورة الشعراء الذين يسيئون له حتى يظهر بمستواه الحقيقي



محاورة عالية المستوى

يعطيك العافية

[حمود بن خيشوم العصيمي]

ابو عاتق

ماقصرت في توضيحاتك حول المحاوره



يعطيك العافيه ووجهك أبيض

تحياتي

[حمود بن خيشوم العصيمي]

خلف المطيري

الله لايهينك والشكر لك على المرور

[حمود بن خيشوم العصيمي]

جبل

فعلا شاعرين يستفاد من ابداعهم

تحياتي

[حمود بن خيشوم العصيمي]

بدر الشلوي

لاهنت على المرور الطيب

تحياتي

[اسير الروح]

..


داهيه مستور


,,