قصيدة في الامير سلطان

[ابن العود]

بعد غيبه اقدم لكم هذه القصيدة للشاعر وذنان في سيدي سلطان بن عبدالعزيز حفظه الله بمناسبه شفاءه وقدومه الميمون الى المملكه اتمنى ان تنال على اعجابكم
سيدي سلطان عز المسلمين = في تكاتفهم وعزم رجالها
ودارنا تبني على مر السنين = صرح عزتنا وفعل ابطالها
ماسكين الطيب والرفقة تزين = مع هل العوجا نشد حبالها
يابو خالد لو وقفنا شارحين = في مواقفكم عجز موالها
وانت في التاريخ لك مبدا ودين = ماتزحزح لو تزول جبالها
من عرفتك وانت للعليا وزين = فوق هامتها وطيبك فالها
والشواهد لونعددها يمين = غطت المشرق بحسن امثالها
والالوف اللي تردد كل حين = في نبا سلطان زين اقوالها
والارامل والثكالا سائلين = ربـنـا الـمولى يـرد عـقالها
الابو سلطان لارض المسلمين = مثل غيثن يرتكز بجبالها
لاهطل يسقي قلوب الغانمين = ولازما سيله يهد خبالها
جعل ربي بالشفا يسقيه لين = يرتوي بالطيب قلبن عالها
ويتقهوا بالرياض وله حنين = من شيوخ الدار قبل عيالها
وان نشدتوني تحبه قلت بين = رمش عيني والنوا يبرا لها

[متذوق الشعر]

ابن العود

صح السان شاعرها

وتشكر على نقلها

[محمد العتيبي]

صح لسان الشاعر / وذينان



وياليت تذكر اسم صاحبها كامل لحفظ حقوقه ولكي


يتسنى للقارئ معرفة صاحبها


لاهنت على النقل

تحيتي
..

[ابن العود]

مشكور اخوي محمد العتيبي على المرور على مشاركتنا وبالنسبه لاسم الشاعر فهو
الشاعر/ سلمان بن عوض العماني الوذناني والذي يحب ان يلقب وب وذنان وايضا له قصيدة (ياعتيبه) والتي اضفتها من قبل وله الكثير من القصائد والتي سوف نتطرق لها فيما بعد ولك تحياتي