قصيده تاريخيه في قبيلة عتيبه

[شامان]

قصيده تاريخيه في تاريخ عتيبة والفخر بأمجاد عتيبه للشاعر / ذعار بن ثامر بن سعد الثعلي العضياني الروقي
قالها بمناسبة افتتاح الشيخ / سلطان بن جهجاه بن حميد لقصر الحجاز بعشيره ..




واجـب نـزاور شيخـنـا حـيـث مـاكـان=نـجـيـه يـــوم انــــه كــفــو لـلـزيــاره
اللـيـلـه المـسـيـار للـشـيـخ سـلـطــان=فـي قصـره اللـي فـي عـلاوي عشـاره
قـصـر بـنـاه وشـيـده فــوق سـيـسـان=ومـزيـنــه ربــعــه يـمـيــن ويــســاره
قصر الحجاز اللي كبـر قصـر دسمـان=مـن الـورد والزيـتـون نـقـى اشـجـاره
فــي عبـلـة يـفـرح بـهـا كــل حـزنـان=بجنـب العقـيـق وفــي رفـيـع الـزبـاره
ديـرة عتيـبـه مــن قديـمـات الازمــان=نـفـخـر بـهــا والـكــل يـفـخـر بـــداره
وسـط الجزيـره بيـن مـاجـد وسلـمـان=نــعــم الامــيــر ونـفـتـخـر بــالامــاره
فـي شيخـنـا يـازيـن تنظـيـم الالـحـان=اتــرك هـزيـل الـقـاف وآخــذ خـيــاره
شيختـك بانيهـا علـى سـاس واركــان=الـديــن فـيـكـم والــكــرم والـطـهــاره
فالـحـرب فـريـس مـغـاويـر شـجـعـان=ومـن طيبـكـم مـافـي انفسـكـم كـبـاره
شيخـتـك وارثـهــا عـــن ابٍ وجـــدان=مـاجـاتـكـم بـالـواسـطــه والـتــجــاره
وعـن نجـد نزحتـوا مطـيـر وقحـطـان=واخـذتـوا الشـيـخـه بـفـعـل وجـــداره
وابـن رشيـد اللـي بنـا قـصـر بــرزان=غـزا يـبـا مكـسـب وصــارت خـسـاره
مـن ضربكـم راحـت سـرايـاه قطـعـان=ومن ضرب اهل عمهوج راحوا دماره
وغـزا الحفـاه وشيخهـا بــن جعـيـلان=وتقسـمـوا كـــاس الـحــلا والـمــراره
وحنـا سندكـم لـو حصـل مثـل ماكـان=نـشـدكــم شــــد الـعـظــم بـالـجـبــاره
آلاد روق وشـيـخـنـا بــــن ربـيــعــان=ذخـــر مـحـصـن كـاسـبـيـن الـنـمــاره
فعـولـنـا يـشـهـد بـهــا كـــل مــيــدان=الخصـم نرصـد لــه ونحـكـم حـصـاره
علـى طـلال سلاحـنـا رمــح وحـصـان=يــوم الصـبـاح الـلـي مقـنـدي غـبـاره
جانـا سعـود ومعـه حـضـر وقصـمـان=والـوشــم مخـتـلـط عـبـيـد وحــــراره
فريـسـنـا ركـبــوا شـبــاب وشـيـبــان=والـحــظ قـــام وحــقــق الانـتـصــاره
شبعـت طيـور الجـو والذيـب سرحـان=مــن فعـلـنـا كـأنــه قـصـابـه جـــزاره
وعيـا علـى ظـلـة مـضـاوي صنيـتـان=فـــك الـجـمـل والعـطـفـه ام الـغـيــاره
وحنـا هـوازن جـدنـا الاصــل عـدنـان=حريـبـنـا لابـــد لـــه مـــن انـكـســاره
عــقــال احــيــان وجــهــال احــيـــان=نجهـل ليـا شفنـا مــن الخـصـم بــاره
روقـي وبرقـاوي بـنـي عــم واخــوان=زريــب مــع تـركـي نـهــار انـحــداره
ويوم الهواء ذعذع ونور السعـد بـان=وعبـد العـزيـز اعـلـن وصــدر قــراره
اعلن صلاة الصبـح عـن قتـل عجـلان=وبشـيـرهـم جـانــا يــــزف الـبـشــاره
طـعـنـا وبايـعـنـا ذريـفـيــن الايــمــان=آل السـعـود اهــل الـشـرف والـوقـاره
ميزانـهـم يـرجـح عـلـى كــل مـيــزان=حـكـامـنــا فـالـبــاديــه والــحــضــاره
حنـا لـهـم دايــم عـلـى الـحـق عــوان=قــاده لـيـا شـبـوا هــل الـحـرب نــاره
وتـم الـكـلام وزايــد الـهـرج نقـصـان=والهـرج يكفـي عــن طـوالـه قـصـاره
واجـب نـزاور شيخـنـا حـيـث مـاكـان=زرنـــاه يـــوم انـــه كــفــو لـلـزيــاره




دمتم ..

[عبدالمجيد النفيعي]

في الحقيقه هناك أبيات أحب أن أوقف عندها


ديــرة عتيـبـه مـــن قـديـمـات الازمـــان=نـفـخــر بــهـــا والــكـــل يـفــخــر بـــــداره

ماشالله يتكلم عن عشيره وكأنها مسقط رأسه وهي حسب مانعرف لـ جزء من عتيبه ولكن عدها ديره له لأنها لنفس قبيلته الله يديم الوحده بين أبناء العمومه


شيختـك بانيهـا علـى ســاس واركــان=الـــديـــن فــيــكــم والـــكـــرم والــطــهـــاره
فـالـحـرب فـريــس مـغـاويــر شـجـعــان=ومــن طيبـكـم مـافــي انفـسـكـم كـبــاره

ونعم الحمده شيوخ غنيين عن التعريف ولاحظ من المدح والدلاله على الطيب عدم الكبر


آلاد روق وشـيـخــنــا بــــــن ربــيــعــان=ذخـــــر مـحــصــن كـاسـبـيــن الـنــمــاره

عزوه وشيخ غنيين عن التعريف ونعم والله


طـعــنــا وبـايـعـنــا ذريـفــيــن الايــمـــان=آل الـسـعـود اهـــل الــشــرف والــوقــاره

مبايعة آل سعود تعتبر من مفاخر القبيله فعلاً أين الشباب الذي غرر بهم بالإنقلاب على وطنهم عن مثل هذا القول من قدمائنا الذي نقتدي بطيبهم

،،

صح الله لسان الشاعر والله يرحمه حي أو ميت والله لايهينك ياطيّب جبت العلم الطيّب

[مشاري الحبردي]

صح لسان الثعلي
وسلمت يمناك

[شامان]

يامرحبا يالنفيعي


شرفني تعقيبك الجميل ومرورك الكريم



شكرا لك

[شامان]

مشاري الحبردي


الله يسلمك وشرفني تواجدك يالغالي

[الجزل]

صح لسان الشاعر

والله يرحم الشيخ : سلطان بن جهجاه بن حميد

ويسكنه فسيح جناته

ولآهنت (ع) النقل

[محمد العتيبي]

الله الله


قصيده رائعه جدا


لشاعرها / ذعار بن ثعلي العضياني ..


استمتعنا بقرائتها ..


لاهنت يالغالي على النقل الجزل


تحيتي
..

[الصويت الثبيتي العتيبي]

صح السان الشاعر








وشكرا على النقل الرائع

[شامان]

الجزل ، محمد العتيبي ، الثبيتي



تواجدكم يشرفني .. شكراً لكم

[ولدعساف]

روقـــي وبـرقــاوي بـنــي عـــم واخـــوان=زريــــب مــــع تــركــي نــهــار انــحــداره

الله لايفرق بينا ولله الحمد تلاحم مضرب مثل فالاخوه فلا فرق بين روقي ولا برقاوي .. الروقي برقاوي والبرقاوي روقي


صح لسان العضياني وسلمت يمناك :)

[نايف المغيبي]

صح السان ابن ثعلي ويستاهل المدح الشيخ سلطان جعل مثواه الجنه واشكرك على النقل

[جابر صامل]

صح لسان العضياني ولاهنت

ونعم في عتيبة كلها

[شامان]

ولد عساف
نايف المغيبي
جابر صامل




شكراً لتشريفكم

[المـرشدي]

صح لسان الشاعر

والله يرحم الشيخ : سلطان بن جهجاه بن حميد

ويسكنه فسيح جناته

ولآهنت (ع) النقل

[شامان]

المرشدي

حياك الله شرفتني بتواجدك ومرورك