خــلـــوووووهـــا .... أقـــرب شــاعــــر

[محمد عوض الشاطري المطيري]

سلام تسليمة ٍ وفاء يقودها سلك الحرير=نسوقها سوق الهبوب اللي تسوق غيومها
يالشاعر اللي ماتوردها على جال الغدير=بعطيك سلعة وافيه فالسوق وانته سومها

[نواف الشيباني]

يامرحبا ترحيبةٍ يوجد بها شرٍ وخير=ثم بعدها ماعاد تنساها بعرض علومها

يالشاطري جابك ولي الكون من ديرة مطير=والسلعه اللي مالها قيمه قليلٍ رومها

[علي الثبيتي]

الله الله

صح لساااانك يالشاطري وصح لسااااانك يالشيباني

متابع

[نواف الشيباني]

هلا يالنشمي
صح بدنك
متابعتك شرف

[عناد الشيباني]

صحت الالسن..

[نواف الشيباني]

صح بدنك ياعناد

[محمد عوض الشاطري المطيري]

ابك البقاء ياللي ترحب من هواجيس الظمير=اعداد من عينه تساهر للسماء ونجومها
الذيب مايركض عبث وان شاف له صيده يغير=وانت الذيابه يالعتيبي عارف ٍ مقسومها

[محمد عوض الشاطري المطيري]

صحت ابدان الجميع واشكركم على المتااابعه

[خلف المطيري]

صحت الالسن والقلوب جميع

والصف صف الشاطري

[محمد عوض الشاطري المطيري]

صح بدنك ياخلف وبيض الله وجهك ومشكور على مرورك

[ماجد العوني]

صح لسسسسسسانك يالشاطري والصف صفك يالقرررررررم ولايهون نايف الشيباني

[نواف الشيباني]

صح لسااااانك يالشاطري
والطاروف قد أخذ كفايته

[محمد عوض الشاطري المطيري]

صحت ابدان الجميع ولاهنتم ..



نواف الشيباني صح بدنك ولاهنت .. لكن بدري ؟!