كل يوم من الرجال الموت ياخذ جرعه :://:: كم وكم مره حذفت الرقم من جوالي

[آلاد غنـــام]

يـازمــان العـولـمـه مـــدري زمـــان الـسـرعـه=يـالـزمـان الـمّــر مـــدري يـالـزمــان الـحـالــي
الـصـنـاعـه طــوروهـــا الـعــالــم الـمـخـتـرعـه=والحسـد والبغـض بـدره فــي سـمـاك يـلالـي
اسـتـوت فـيـك الايـديـن الممسـكـه والـبـرعـه=ولو يحط سباق جاء الرجلـي مـع الخيالـي
وراعي الذرع الطويل اصبح قصير ً ذرعه=والامــانــه عـاقــهــا الـنــصــاب والـمـحـتـالـي
والصـديـق الــي عـلـى ساقـيـك قــوم زرعـــه=مـع حصـاد الـزرع يبتـاعـك بنـصـف ريـالـي
والسـهـم لــو تضـربـه تـاقـع علـيـه الـقـرعـه=خـادمـه حـظـه عـســا حـــظ الـسـعـد يـبـرالـي
مـادرا ان العـرق يطلـع مثـل جـذعـه فـرعـه=وكـــل شـــي ً مـالــه اول مايجـيـلـه تــالــي
ولا درا ان المصطفى فـي ديـن راهـن درعـه=ولـو بغـالـه مــال مــن ربــه عـطـاه المـالـي
والسعـيـد الــي عـمـود الـديــن قـــوم شـرعــه=بـايــع الـدنـيـا وشــــاري صــالــح الاعـمـالــي
كـل يـوم مـن الـرجـال الـمـوت يـاخـذ جـرعـه=كــم وكــم مــره حـذفـت الـرقــم مـــن جـوالــي
والمطـر مـاكـل ضـامـي كـبـد يـشـرب كـرعـه=مـاعـلــيــك الا تـــقـــول يـحـلــهــا الــحــلالـــي




للشاعر / مقحم بن دحيم الغنــامي




********

[حاكم الغنامي]

والـصـديــق الــــي عــلــى سـاقـيــك قــــوم زرعـــــه
مــع حـصـاد الــزرع يبـتـاعـك بـنـصـف ريـالــي



الله الله



صح لساااان ابو سند


وصح نقلك يابو عايض


لاهنت

[علي الثبيتي]

آلاد غنـــام

صح لساااان شاعرها وبيض الله وجهك على النقل

ودي وتقديري

[ناصر الحافي]

صح لسان القائل والناقل
وبيض الله وجهك على طرح مثل هالقصايد..

[محمد العتيبي]

الله الله


صح الله لسااان الشاعر المبدع / مقحم الغنامي



قصيده جدا رائعه


تحيتي لك
..