مرثية في الشيخ سلطان بن جهجاه ابن حميد رحمة الله عليه

[أبوثنتين]

الله اكبـر مـا عظـم الامـر واقـواه ++++ انهـد ركـن للقبيلـه والاصـحـاب

سلطان سلطان السعـد يابـن جهجـاه ++++ فقيدة الهيلا مـع اصحـاب واقـراب

ابـن حميـد اللـي حميـده سجايـاه ++++ دين وكرم واخلاق ماصك لـه بـاب

مرحوم ياللـي تفعـل الطيـب يمنـاه ++++ قفت به الايـام والحـق قـد صـاب

من يحصي اللي صار ياعالـي الجـاه +++++ ما يحصي افعالـك قلـم كـل كتـاب

فريد في عصره مـن ادنـاه لاقصـاه ++++ من هيبته كلـن يحسـب لـه حسـاب

افعالكـم ترهـب قبايـل لهـا جــاه ++++ من هولها ياناس منهـا الولـد شـاب

سـلالـة يـــاوي والله مـسـمـاه ++++ شجرتهم العظمـى لهـا دور وانجـاب

تنتـج حـرار مـن حربهـا تعـشـاه ++++ سقم المعـادي عـز للربـع الاحبـاب

شجرة فخـر تنتـج صناديـد ودهـاه ++++ من عصرها الاول لها دور واعجـاب

رجالكـم مـاكـل رجــلٍ تـحـداه ++++ يارد حياظ الموت مـا هـوب هيـاب

واليا أعتزى كلٍ هـرب عـن ملاقـاه ++++ من خوف ضرب السيف قطاع الارقاب

وشهرتكم اللـي كافـة الكـون تمـلاه ++++ اليا جاء نهاراً فيه يرمـون الاسـلاب

سلطان ابـو فيصـل قليلـه حلايـاه ++++ بأفعالـه الجـزلات يرجـى وينهـاب

من حكمته واثـق ولا تنقـض اريـاه ++++ مرجع لطـلاب المعرفـه والانسـاب

قاموس علم وحلـم يفيـد مـن جـاه ++++ راوي صحيح بعلـم ماهـوب كـذاب

يشفـع ويفـزع مـا تعـدد مـزايـاه ++++ وكم من سجين طلعه من ورى البـاب

وكم محرجن قد خلصه مـن قضايـاه ++++ لا اشتدت الازمه وجـات ام غصـاب

ولا غره المغرور في طـول مسعـاه ++++ قليل شكلـه بيـن ربعـه والاجنـاب

كم مـن سنيـن عشتهـا كنـت ويـاه ++++ وعند اللزوم اجيه حـلال الأصعـاب

لـو طالـت المـده عنـه مانسيـنـاه ++++ حقه علينـا كبـر قـارات وهضـاب

صرت اتصـور صورتـه واتوحـاه ++++ بالذاكـره محفـوظ ماهـوب بكتـاب

حبـه بقلبـي دوم موجـود منـسـاه ++++ لو هو بوسط القبـر مدفـون بتـراب

لعـل فيصـل يتبـع كـل ممـشـاه ++++ مادام راس الشيخ عن مركـزه غـاب

ويعوضنـا يانـاس فيـمـن فقـدنـاه ++++ ويجي لنا مثلـه علـى كـل هنـداب

مامات مـن خلـف مثيلـه وشـرواه ++++ الحر خلف حـر فـي راس مرقـاب

يالله عسـى الرحمـه بقبـره تغشـاه ++++ وفي جنة الفردوس يفتـح لـه ابـواب

ويمـد فـي عمـر الخليفـه ويرعـاه ++++ فيصل ولد سلطان من جـاه ماخـاب



الشاعر : مطلق بن هادي الحبردي

[أبوثنتين]

هذه الأبيات في الأمير الداهية فقيد قبيلة عتيبة

سلطان بن جهجاه بن حميد

الله يرحمة رحمة واسعة ويسكنه فسيح جناته


----------000000---------


فقد كنت في مجلس الأمير / فيصل بن سلطان بن حميد في قصره العامر بالرياض

وذلك في يوم الاربعاء الماضي ( 25/12/1431هـ )

وقد دخل علينا بالمجلس الشيخ الشاعر/ مطلق بن هادي الحبردي ( ابو فهد ) ومعه رجلين واحد أبنه وواحد من بني عمه

وأهدى على الأمير فيصل هذه الأبيات في برواز لوحة كبيرة

محتمل إرتفاعها أكثر من ( مترين ) وعرض ( 80 ) سم

-------------


الله اكبـر مـا عظـم الامـر واقـواه
.................................................. ................. انهـد ركـن للقبيلـه والاصـحـاب


سلطان سلطان السعـد يابـن جهجـاه
.................................................. ............. فقيدة الهيلا مـع اصحـاب واقـراب


ابـن حميـد اللـي حميـده سجايـاه
.................................................. ............. دين وكرم واخلاق ماصك لـه بـاب


مرحوم ياللـي تفعـل الطيـب يمنـاه
.................................................. .............. قفت به الايـام والحـق قـد صـاب


من يحصي اللي صار ياعالـي الجـاه
.................................................. ............. ما يحصي افعالـك قلـم كـل كتـاب


فريد في عصره مـن ادنـاه لاقصـاه
.................................................. .......... من هيبته كلـن يحسـب لـه حسـاب


افعالكـم ترهـب قبايـل لهـا جــاه
.................................................. ......... من هولها ياناس منهـا الولـد شـاب


سـلالـة يـــاوي والله مـسـمـاه
.................................................. ......... شجرتهم العظمـى لهـا دور وانجـاب


تنتـج حـرار مـن حربهـا تعـشـاه
.................................................. ........... سقم المعـادي عـز للربـع الاحبـاب


شجرة فخـر تنتـج صناديـد ودهـاه
.................................................. .......... من عصرها الاول لها دور واعجـاب


رجالكـم مـاكـل رجــلٍ تـحـداه
.................................................. ............. يارد حياظ الموت مـا هـوب هيـاب


واليا أعتزى كلٍ هـرب عـن ملاقـاه
.................................................. ...... من خوف ضرب السيف قطاع الارقاب


وشهرتكم اللـي كافـة الكـون تمـلاه
.................................................. .......... اليا جاء نهاراً فيه يرمـون الاسـلاب


سلطان ابـو فيصـل قليلـه حلايـاه
.................................................. .............. بأفعالـه الجـزلات يرجـى وينهـاب


من حكمته واثـق ولا تنقـض اريـاه
.................................................. ........... مرجع لطـلاب المعرفـه والانسـاب


قاموس علم وحلـم يفيـد مـن جـاه
.................................................. ........... راوي صحيح بعلـم ماهـوب كـذاب


يشفـع ويفـزع مـا تعـدد مـزايـاه
.................................................. ..... وكم من سجين طلعه من ورى البـاب


وكم محرجن قد خلصه مـن قضايـاه
.................................................. .......... لا اشتدت الازمه وجـات ام غصـاب


ولا غره المغرور في طـول مسعـاه
.................................................. ........... قليل شكلـه بيـن ربعـه والاجنـاب


كم مـن سنيـن عشتهـا كنـت ويـاه
.................................................. .......... وعند اللزوم اجيه حـلال الأصعـاب


لـو طالـت المـده عنـه مانسيـنـاه
.................................................. .............. حقه علينـا كبـر قـارات وهضـاب


صرت اتصـور صورتـه واتوحـاه
.................................................. .......... بالذاكـره محفـوظ ماهـوب بكتـاب


حبـه بقلبـي دوم موجـود منـسـاه
.................................................. ........ لو هو بوسط القبـر مدفـون بتـراب


لعـل فيصـل يتبـع كـل ممـشـاه
.................................................. ..... مادام راس الشيخ عن مركـزه غـاب


ويعوضنـا يانـاس فيـمـن فقـدنـاه
.................................................. ......... ويجي لنا مثلـه علـى كـل هنـداب


مامات مـن خلـف مثيلـه وشـرواه
.................................................. .......... الحر خلف حـر فـي راس مرقـاب


يالله عسـى الرحمـه بقبـره تغشـاه
.................................................. ..... وفي جنة الفردوس يفتـح لـه ابـواب


ويمـد فـي عمـر الخليفـه ويرعـاه
.................................................. ...... فيصل ولد سلطان من جـاه ماخـاب


الشاعر : مطلق بن هادي الحبردي

[حمود بن خيشوم العصيمي]

الله يرحمه ويسكنه الجنه
وصح لسان شاعرها


مشكور ابو ثنتين

[خالد مطلق الحبردي]

بيض الله وجهك يابو ثنتين


والشاعر هو والدي ,,


واللي كان معه هم أخوي الأصغر / هادي بن مطلق الحبردي ( أبو ماجد )

اما الشخص الآخر هو / محسن بن عايض المقاطي ( أبو ثامر )

المشكلة أنه كان عندي وقتها شغل ولم أتمكن من مرافقة الوالد لزيارة الشيخ / فيصل بن حميد

وكنت ناوي أصور الحدث وأنقله لكم ,,,,,,,,,, لكن خيرها في غيرها

أخوك / خالد مطلق بن هادي الحبردي

[أبوثنتين]

سلمت اخوي

حمود على الرد


على المشاركة

[أبوثنتين]

ووجهك أبيض

أخوي خالد ونعم بوالدك

الشيخ / مطلق بن هادي الحبردي

وطول الله في عمره


وفي عمر الامير / فيصل بن سلطان بن حميد


وعلى ضوء كلام والدك والقصص التي ذكرها

وما ذكره الاخ/ محسن المقاطي

أنه كان رفيق خاص للأمير / سلطان بن جهجهاه بن حميد رحمة الله عليه

--------------

وبدون مجاملة يتميز شعر والدك بالجزالة والمعاني المعبرة

وشاعر له ديوان معروف

-------------

أخوي خالد

هل الاخ / محسن بن عايض المقاطي

ضابط أو ماهو عمله ؟


-----------------


وبيض الله وجهك على خدمة ربعك

بأنشاء منتدى خاص لهم



اخوك أبوثنتين

[خالد مطلق الحبردي]

يا هلا وغلا فيك طال عمرك ,,

نعم الوالد أطال الله في عمره كان له علاقة طيبة جداً مع الأمير / سلطان بن جهجاه بن حميد رحمه الله


ويوجد لدي الكثير من الخطابات بخط يد الأمير / سلطان بن جهجهاه بن حميد موجهة للوالد ,,,

=========

بالنسبة لديوان الوالد هو بأسم الحبردي

http://www.alwaadi.net/upload/uploads/images/alwaadi-2b96b96aac.jpg


http://www.alwaadi.net/upload/uploads/images/alwaadi-e511b1fd21.jpg


==========

أما بخصوص محسن المقاطي فهو عسكري في الشرطة العسكرية بالجيش برتبة رئيس رقباء ,,

[أبوثنتين]

الله يسميك بالخير

اخوي الاستاذ خالد بن مطلق الحبردي

شكراً جزيلاً على الايضاح والاجابة على سؤالي

وفي ومن أهل الوفاء والطيب

تحياتي لاهنت

[محمد العتيبي]

الله الله الله


قصيده رثائيه مؤثره جدا ..


صح لسااان الشاعر الكبير / مطلق بن هادي الدلبحي


ورحم الله الشيخ / سلطان بن جهجاه بن حميد


وبيض الله وجهك ياابو ثنتين ما قصرت


تحيتي لك
..

[مشاري الحبردي]

لاهنت يابوثنتين على المرثية

وصح لسان ابوفهد