عناد الشيباني
04-Dec-2010, 07:35 PM
السلام عليكم ورحمة الله وبركاته..
اعضاء وزوار هذا الصرح الشامخ
اقدم لكم هذه القصيدة تعبر عن مافيها
عسا ان تنال على استحسانكم ورضاكم..
لاعاده الله يوم جيت الفناتير=يوم الربوع ايام عيد الضحيه
شفت البنات الكاشفات الغنادير=ايطوعن اللي عزومه قويه
واقفيت مال الضيق فالقلب تفسير=ولولا الحياء دنيتها هاشميه
لكن صبرت وقلت يالله عسا خير=وصبيت للهاجس من الشاذليه
وجتني بيوت الشعر مثل الاباكير=اللي لها زينن قليلٍ حليه
فيها على صوت الموده صعاطير=لاصاح راعيها تجي بالسويه
وحطيت وسمٍ ماوسمه الشواعير=وسمي عناد وفارق اعن البقيه
ولحنتها موال دنيا مقادير=وين السلوم اللي لها قابليه
ليش العوايد روحت دون تبرير=وصار التكشف عادةٍ عايديه
الستر ثوبه صايرٍ فيه تقصير=ولاعاد به غيره ولابه حميه
والعولمه منها على الناس تاثير=اللي عزايمهم ضعاف اورديه
ايصنفون العولمه شكلها غير=ناسٍ على فعل المعاصي جريه
عدم مخاف الله عليم التدابير=بالانحراف وترك سنة نبيه
ومن لا مشى معها وجنب عن السير=سموه عايش عيشةٍ جاهليه
والجاهل اللي يتبع اعوير وصوير=اهل العقول الضايعه والغبيه
والعولمه تعريفها يالمناعير=بوضحه من كف شعرٍ نديه
يعني ليا من صار فالوقت تطوير=نطلق عليه الكلمه(العولميه)
مثل العرب مبطي تسافر على بعير=وتقطع جراهيد الديار الخليه
واليوم فوق مقربات المشاوير=اجيوب وجموس اومواتر بقيه
هذا هو المفهوم حسب التصاوير=ركبتها تركيب مافيه زيه!!
وانا عن اللي شفت سجلت تعبير=سويت ماعندي ونفسي بريه
قلت الصحيح ولاحصل زود تزوير=والله على مااقول شاهد عليه
اعضاء وزوار هذا الصرح الشامخ
اقدم لكم هذه القصيدة تعبر عن مافيها
عسا ان تنال على استحسانكم ورضاكم..
لاعاده الله يوم جيت الفناتير=يوم الربوع ايام عيد الضحيه
شفت البنات الكاشفات الغنادير=ايطوعن اللي عزومه قويه
واقفيت مال الضيق فالقلب تفسير=ولولا الحياء دنيتها هاشميه
لكن صبرت وقلت يالله عسا خير=وصبيت للهاجس من الشاذليه
وجتني بيوت الشعر مثل الاباكير=اللي لها زينن قليلٍ حليه
فيها على صوت الموده صعاطير=لاصاح راعيها تجي بالسويه
وحطيت وسمٍ ماوسمه الشواعير=وسمي عناد وفارق اعن البقيه
ولحنتها موال دنيا مقادير=وين السلوم اللي لها قابليه
ليش العوايد روحت دون تبرير=وصار التكشف عادةٍ عايديه
الستر ثوبه صايرٍ فيه تقصير=ولاعاد به غيره ولابه حميه
والعولمه منها على الناس تاثير=اللي عزايمهم ضعاف اورديه
ايصنفون العولمه شكلها غير=ناسٍ على فعل المعاصي جريه
عدم مخاف الله عليم التدابير=بالانحراف وترك سنة نبيه
ومن لا مشى معها وجنب عن السير=سموه عايش عيشةٍ جاهليه
والجاهل اللي يتبع اعوير وصوير=اهل العقول الضايعه والغبيه
والعولمه تعريفها يالمناعير=بوضحه من كف شعرٍ نديه
يعني ليا من صار فالوقت تطوير=نطلق عليه الكلمه(العولميه)
مثل العرب مبطي تسافر على بعير=وتقطع جراهيد الديار الخليه
واليوم فوق مقربات المشاوير=اجيوب وجموس اومواتر بقيه
هذا هو المفهوم حسب التصاوير=ركبتها تركيب مافيه زيه!!
وانا عن اللي شفت سجلت تعبير=سويت ماعندي ونفسي بريه
قلت الصحيح ولاحصل زود تزوير=والله على مااقول شاهد عليه