حمدان العصيمي وعلي الحصني-رائعة-

[عبدالملك القاضي]

طاروق ولحن رائع بين الشاعرين حمدان العصيمي وعلي الحصني والمعنى اسألو عنه ابو فايح
علي الحصني
مرحبا عند اخوي الي مالي عذر دونه
وان تعذرت من دونه علي الملامي
كل شاعر يقّيم حسب جرة لحونه
والمهم الكلام الي عليه الكلامي
حمدان العصيمي
البقا وانت راسٍ ماتخجل متونه
انطح الضيف بالترحيب قبل السلامي
الزمان اختلف ياعلي شكله ولونه
وانته اسمٍ نعرفه من خيار الاسامي
علي الحصني
كل ما جالكم من طيب تستاهلونه
مايسمى عزيز إلا عزيز المقامي
يسعفون المريض وقصدهم يقتلونه
مثل ناسٍ تيدم من محل اليدامي
حمدان العصيمي
كل ماتفعلونه عندنا تاجدونه
في سلوم الرجال وفي شروط النظامي
شفت برقٍ من البارح تردم مزونه
واثر وبله رشاشٍ مايسق النوامي
علي الحصني
سلمو لي على الي كل علمٍ يصونه
وان كسبت احترامه مايضيع احترامي
كان ماسيل الوديان لاتذكرونه
ودي اصوم والمقرود يجرح صيامي
حمدان العصيمي
ماطلبنا من يدين الفقارى معونه
الثقه عندنا ابدا من شراب وطعامي
اكثر الناس جاهل مايصدق عيونه
يحسبن الهواء يحيي عروق النوامي
علي الحصني
الثقه عندكم والنور لاتجحدونه
ثم اعود على البندق وافتش حزامي
ودي انشدك يلي لك على الربع مونه
اكبر العازمي وإلا رشيد الزلامي
حمدان العصيمي
الخطر ياقبيلة حرب لاتقربونه
السهر مايعوض في لذيذ المنامي
الزلامي جبل والعازمي تعرفونه
من كبار الجبال الشامخات الزوامي
علي الحصني
الخطر ويش شكله والخطر ويش لونه
كان حمدان علمني عطيته وسامي
نعم بلي ذكرت وكل شي بحتونه
وانت ماشفت ابو عرام بعد العرامي
حمدان العصيمي
انت حربي وانا ماارضى لحرب المهونه
لاتروح الحراميه وتصبح حرامي

[أحمد المويعزي]

يمكن يقصدون عبدالعزيز العازمي لانه متواجد بالحفل

[عبدالملك القاضي]

هلا يااحمد

وليش مايكون قصدهم العياضي خصوصا انه متواجد ايظا..

والمعنى بدأ فيه الحصني عندما قال
كل شاعر يقيم حسب جرت لحونه.

وبالذات العياضي يدور حوله الكثير من المعاني الملغومه تطرق اليها الكثير من شعراء المحاوره اللذين لعب معهم العياضي.

والشي الأخر عبدالعزيز العازمي شاعر قديم ولايقارن بالعياضي.

[أحمد المويعزي]

ياولد عمي خلها بيننا وياليت تكتب منقووووول حفظا للحقوق

المعنى ماهو لا معتق ولا عبدالعزيز العازمي ولا المصري اللي يصور علشان اريحك

[ابو فايح]

هدوء اللعب يا إخوان


لاهنت يا عبدالملك


والمحاوره الجزء الأكبر منها

أرى أنه عن شاعر المعنى وشعرائه ومدى شاعريتهم والله أعلم ربما أكون مخطئ .

[عبدالملك القاضي]

ابوفايح
مشكور على مرورك العطر.

احمد
انت اي واحد ابن عمك؟!

ولم انقل المحاوره من أي منتدى حتى اكتب منقول.

[برق شمالي]

واضح المعنى من يوم قال الحصني

ودي أصوم والمقرود يجرح صيامي


يعني بترك المحاورة لكن في ظل هذه الظروف ما أقدر هههههههه


كلنا ما نرضى لحرب المهونة




اصلا راشد السحيمي يكفي عن شعراء المملكة كلهم


طاروق واحد لراشد السحيمي تجد فيه ما لاتجده عند الفين شاعر لو لعبوا ليل ونهار .

[عبدالملك القاضي]

اصلا راشد السحيمي يكفي عن شعراء المملكة كلهم


طاروق واحد لراشد السحيمي تجد فيه ما لاتجده عند الفين شاعر لو لعبوا ليل ونهار .[/quote]


يكفي عن شعراء المملكه كلهم؟؟؟!!!

أخطأت وتعصب في غير محله.

راشد شاعر مانقول فيه شي ولكن لايعرفه إلا ربعه فقط لكن الله يرحم صياف.

الغيت جميع شعراء المملكه...؟

[ابو فايح]

برق شمالي يعني المعنى في راشد السحيمي !!؟؟

من البدايه إن كانت إجابتك نعم


أقول مستحييييييييييل

[الرحاال]

لاهنت ياعبدالملك طاروق قوي وشعار كبار والمعنى بدابه علي عن شاعر المعنى ومن ثم رده

حمدان على احد الشعراء



شفت برقٍ من البارح تردم مزونه
واثر وبله رشاشٍ مايسق النوامي

[برق شمالي]

برق شمالي يعني المعنى في راشد السحيمي !!؟؟

من البدايه إن كانت إجابتك نعم


أقول مستحييييييييييل


يابو فايح عسى الله يسلمك إذا تبي المختصر المفيد هذي بيوت المحاورة كلها :

سلمو لي على الي كل علمٍ يصونه
وان كسبت احترامه مايضيع احترامي
كان ماسيل الوديان لاتذكرونه
ودي اصوم والمقرود يجرح صيامي


وبعض التفاصيل ما تهم كثير ،، ذكر راشد في مثل هذي الأمور تحصيل حاصل وانت عارف لابد من المقارنة

[الهزبري]

محاورة جزله من شعار مبدعين.

والمعنى اتوقع جابه ابوفايح

واستغرب من ردود بعض الاخوان الي يحورون المعنى على هواهم.

ودي اسأل مادخل راشد بالموضوع

وايظا كلام الاخ أنه افضل من شعراء المملكه كلهم؟؟؟ ماهذا الهراء والتعصب الاعمى

وللمعلوميه

الحصني والسحيمي اصدقاء وليس بينهم عدواه كما يعتقد بعض الاخوان

حتى اللقاء الذي أجري مع راشد السحيمي وسألوه عن علي الحصني وقال انه (زلامي حرب)

ومشكور على النقل ياعبدالملك

[أحمد المويعزي]

ومعتق العياضي وعلي الحصني أصدقاااء وليس بينهم عداوه كما يعتقد بعض الاخوان

[خلف المطيري]

كل ما جالكم من طيب تستاهلونه
مايسمى عزيز إلا عزيز المقامي
يسعفون المريض وقصدهم يقتلونه
مثل ناسٍ تيدم من محل اليدامي

الله والعالم برنامج شاعر المعني

والحصني ماهو حصني اشهد بالله انه ذيب

مار حرب ماعندهم اعلام قوي

ولاّ شاعر مثل الحصني ماهذا حقه حقه اكبر هو شباب ولاّ شايب ماعمري شفته

[الشخص العاقل]

الحصني ليس لقب على علي الحصني يوم ماهو حصني انشهدن ذيب


الحصنان من مزينه من قبيلة حرب


اعطيك معلومه ياخلف وانت رجال تعرف ترا الحصني ليس لقبا على علي


شكرا