مطروحه للرد

[مسعود بن جحيش الغبيوي]

يامرحبا وإن بغيت الي عليه الكلام=ياسامعي كلمتن تاتيك في حينها

الله يجيب العميل الي يعرف النظام= الي معانيه ماخفت موازينها

[نواف الشيباني]

الك البقاء يالمرحب عد برق الغمام=يانسل قومٍ دروب العز ماشينها

جاك العميل المعرب حازمله حزام= حزامه الشجره الخظراء وسيفينها

[مسعود بن جحيش الغبيوي]

صح لسانك


الله يبارك بكم ياموردين السهام=ياربعت تكسب النوماس بيدينها

ياصاحبي لاتجي في حومة الاتهام=ترى هل العرف ماتجهل قوانينها

[نواف الشيباني]

والله يبارك بكم والنور يجلى الظلام=ويانعم باللي علوم الحق حاكينها

وشهي قضيتك عندي حلها بالتمام=عجل وعطنا القضيه ياولد وينها

[مسعود بن جحيش الغبيوي]

ارجع لموضوعي الي مبتديبه شمام=اسمع لها ياولد مشيب ويازينها

اليوم كلن بخشمه مونس له عرام=وارض الكنانه نست سيرت فراعينها

[نواف الشيباني]

ياصاحبي وين رايح شرق ولا لشام=عطنا علومٍ موثقتٍ براهينها

قرب نبا نفرك اعرامك هنا ياغلام=والدار ياصاحبي نعرف سلاطينها

[مسعود بن جحيش الغبيوي]

يامن يعلم ولد تركي وراعي جهام=مهيضه فالزمن كثروا محبينها

يالعبد مالك عن المقسوم في كل عام=ياراعي الخاصره حجتك قارينها

[نواف الشيباني]

منزالنا ياوسيع العرف فوق السنام=فالحاضر وياولد في ماضي سنينها

ياللي تبا للسلام الليل مابه سلام=ديرتك ديرتك يامسعود واطينها

[مسعود بن جحيش الغبيوي]

مادام مشيك كذا يصعب علينا المرام=ذكرتني هوشت الي في دكاكينها

ديارنا نحتميها بالفشق والحسام=لاتاكلك في ضواحيها سراحينها

[نواف الشيباني]

ابنصحك لاتحدا يارفيع المقام=طعني وريح مع اللي في مراحينها

يابن جحيش الغبيوي مايجيك الملام=اذكر من اجلك جموع القوم غازينها

[مسعود بن جحيش الغبيوي]

جير نصيحتك الك وإرقد وصلنا الختام=ياليتنا عنك رحنا في ميامينها

ياربعنا ياعتيبه يالعزاز الحشام= لاتضحك القوم منا في صواوينها
الختام من عندك ومشكور اخوي وتحياتي للجميع

[نواف الشيباني]

ختامك يكفي وصح بدنك
وتمسي على خير

[مطني الحافي]

الله الله

واصلو ومتابعين