فـطـنـة الشاعر محمد السناني

[متابع هنا وهناك]

الشاعر محمد السناني شاعر ذكي جدا جدا ومحاوراته هي خير دليل

احب اليوم اسلط الضوء على احد محاوراته وسأقف على بعض النقاط التي تبرز شدة تركيز السناني لما بين السطور


((الموضوع اجتهادي قابل للنقد ))

(( الموضوع مجرد تسليط الضوء على التمريرات وليس تحليل لمعنى المحاوره ))


بدايتها بحسب رايي من الردعان:

وكلوني وانا في ماقفي مجبــور *** ارسم اللي على بالي واصورهـــا

بيت في ظاهره انهم وكلوا الردعان في اللجنه ولكن باطن البيت انهم وكلوه على السناني ليواجهه

وكان رد السناني جميل وند قوي :

بعدمــا وكلـــوك الناس يا دكتـــور *** اجهــزتك الحديثــه قـوم حضرهـــا

يرد السناني بنوع من السخريه بعدما وكلوك علي يا "دكتور" اجهزتك الحديثه ويقصد اني اعرفك جيدا ولكن ان كان هناك جديد فحضره


يرد الردعان :

انت شاعر علم ما اقول فيك قصور *** تشهد الناس غايبها وحاضرها

يجيب الردعان أنك شاعر علم ويقصد به على ما اظن انك مجرد شكل


ويجيب السناني :

وانته افنيت من عمرك ثلاث عصور *** بعض الاجيال راحت في مقابرهـــا

اعتقد مقصد السناني انك افنيت عمرك ولم تعرف كشاعر مع اعتبار عمرك الطويل


محمد الردعان :

وانت ناصر واخوك اللي معك منصــور *** واليتيمه نــدور جبــر خاطــرهــا

محاولة تمرير رائعه من الردعان حيث اراد دفن التمريره داخل موضوعهم عن القلطه

واخوك اللي معك منصور .. هنا بيت يمكن ان يحسب على السناني لو انه لم ينتبه له .. ويقصد اني انا منصور عليك

ولكن السناني كان متيقظ :

قيل عنــــا حـــديث وقولنـــــا ماثور *** ما هزم قـــوم وجهينـــه تناصرهـــا



اليكم المحاوره




محمد الردعان :


مرحبا مرحبا بيين شعـــاع النــــور *** اسفرت وانورت والله منورهــــا

انتهت يالسناني في فرح وسرور *** طرقتن ربحها غطا خسايرهـــــا





محمد السناني :



البقا يا رجالن طيبهم مخبــــــــور *** انكتب في اول الهجرة واخرهــــــا

انتهت وانتهى الليله عليك الـدور *** العــرب لا تلاعب في مشاعرهــــا




محمد الردعان :



وكلوني وانا في ماقفي مجبــور *** ارسم اللي على بالي واصورهـــا

لو توقع طيور ولو تطير اطيــــــور *** ما التفت في موقعهـــــا وطايرهــا





محمد السناني :



بعدمــا وكلـــوك الناس يا دكتـــور *** اجهــزتك الحديثــه قـوم حضرهـــا

يلتزم بالصلاة المؤمن الماجـــــور *** لين يحصل على حاجه يدورهــــــا




محمد الردعان :



انت شاعر علم ما اقول فيك قصور *** تشهد الناس غايبها وحاضرها

وانت ناصر واخوك اللي معك منصــور *** واليتيمه نــدور جبــر خاطــرهــا




محمدالسناني :



وانته افنيت من عمرك ثلاث عصور *** بعض الاجيال راحت في مقابرهـــا

قيل عنــــا حـــديث وقولنـــــا ماثور *** ما هزم قـــوم وجهينـــه تناصرهـــا




محمد الردعان :



ويش اسوي بناس (ن) يشهدون الزور *** ناس من قشرها ماتت ضمايرها

قول لي مرحبـــا واقـــول لك مشكـــور *** لا تـــورد علــــــوم ولا تصدرهــــا



محمد السناني :



شهد شعيل ومبارك وشف مستـور *** يمكــن القــدس لك قـــدرة تحررهـا

الحق الخط قبل يحـــرك البـــابـــور *** القلــــــوب اصبحت زايد تنافــرهــــا




محمد الردعان :



مـا ابلش العاقل الا جاهلن مغرور *** مــا يعــــرف الرجــال ولا يقــدرهــــا

طامع في البحر مير البحر مخطور *** وش يبا في البحــور وفي مخاطرها




محمد السناني :



كل ما عندكــم يا اصحابنـا مخبــور *** كــل مـابيـن بــاطنهــا وظاهــرهـــــا




وسلامتكم

::::
:::
::
:

[الرحاال]

سلمت وصح السانك والسنت الشعار وابوتركي علم من اعلام الشعر تقبل مروري ولاهنت

[فهد علي العازمي]

سلمت يدااااااااااااك

[ذيب الطائف]

أنا أشوف أن المحاورة ليست قوية بمعنى الكلمة يوجد محاورات للسناني أقوى من هذه المحاورة

على العموم شكراً على الشرح

[ابو فايح]

شكرا على الطرح يا متابع


السناني فطين وله شواهد كثيره


وفي هذا الطاروق أرآه لايرى خصمه شيئا رغم أن خصمه لم يضيع له شيئا من وجهة نظري

وطاروق جيد رأيت السناني ردف كلمة ( مخبور ) ولا تقلل من شاعريته أو فطنته وقوته

[برق شمالي]

يعطيك العافية ويجمل حالك يامتابع

السناني مدرسة شعرية وجميع محاوراته نموذجية ولايهون الردعان


يلتزم بالصلاة المؤمن الماجـــــور *** لين يحصل على حاجه يدورهــــــا

[صنيتان قرداحي]

:o



السناني مدرسة شعرية وجميع محاوراته نموذجية ولايهون الردعان

[برق شمالي]

:o



السناني مدرسة شعرية وجميع محاوراته نموذجية ولايهون الردعان

انت شاعر يعني في غنى إنك تقتبس كلامي إلا إذا كنت تأيدني وإذا كنت تعترض

فأكيد خانك التعبير :p

[صنيتان قرداحي]

من قالك اقتبس انا سارقك سارقك عيني عينك:d

مش ياخي لاتنشب لي ترى توي صاحي وكسلان اكتب :(

[سبار المعاني]

طيب عطونا الجديد في هالطاروق ؟ ماشوف شي محمل هالمدح


لاكن هنا

وكلوني وانا في ماقفي مجبــور *** ارسم اللي على بالي واصورهـــا


مقلب خفي وقوي


والرد

بعدمــا وكلـــوك الناس يا دكتـــور *** اجهــزتك الحديثــه قـوم حضرهـــا

رد على نفس الجره ومستهلك

السناني مثل الي يقول عطنا غيره جديد


الردعان هنا اقوى بكثير من السناني رايي وحدي

[اسير الروح]

لاهنت للنقل

صح لسان شاعر خنذف محمد السناني


وصح لسان الشاعر محمد الردعان

[فيصل بن فهد الجهني]

السناني .. يمتاز بإسلوب خاص ولا يقلد احد .. و هو احد عمالقة فن المحاوره .. .!!

و يعجبني فيه انه يبتكر المعنى .. و دائما معانيه حديثه و حصلت في نفس المحاوره ..!!


لا هنت اخوي على المحاوره



,,,تحيتي

[الصويت الثبيتي العتيبي]

سلمت وصح السانك

[ثقيف دام عزها]

ابن متروووووووووووك في نظري شاعر كبير جدااااااااا ولله دره

[غالب الذيابي]

:
:
:



الله عليك وعلى النقل المميز

حقيقة محمد السناني شاعر مايقتفي اثر غيره ، له دربه الخاص

وعنده ثقافه واسعة .
:
:
:
:

[خلف المطيري]

صحت الالسن والقلوب جميع

ويجيب السناني :

وانته افنيت من عمرك ثلاث عصور *** بعض الاجيال راحت في مقابرهـــا

اعتقد مقصد السناني انك افنيت عمرك ولم تعرف كشاعر مع اعتبار عمرك الطويل

------------------------------------------------------------------------------------------------------

لابالله معروف وشاعر غني عن التعريف وعلم من جيل العمالقه

لكن الرجال مايلعب غير فالكويت تاجر ورجل اعمال

ونعم فيه محمد الردعان رجل لكن علي وقته مافي اعلام

[متابع هنا وهناك]

:
:
:



الله عليك وعلى النقل المميز

حقيقة محمد السناني شاعر مايقتفي اثر غيره ، له دربه الخاص

وعنده ثقافه واسعة .
:
:
:
:



الله يعافيك ولكن للمعلوميه الموضوع من اجتهادي .. مهو منقول :p

[الكاايد]

سبار المعاني :)

نعم صدقت واعتقد بإن الردعان رسم اللي على باله وصورها اجمل تصوير

وبإجهزه حديثه وتقنيه عاليه

مشكور على الاجتهاد والله لايهينك يامتابع

[جمال العضياني]

السناني شاعر مثل غيره ماشوف فيه زود عن الشعار ومحاوراته عايديه جدا وانا مايعجبني! وجهة نظر

[فيصل بن فهد الجهني]

السناني شاعر مثل غيره ماشوف فيه زود عن الشعار ومحاوراته عايديه جدا وانا مايعجبني! وجهة نظر


جمال العضياني .. وجهة نظرك محل احترام الجميع

و لكن عندي تعليق بسيط على ما ذكرته .. و هو ان السناني .. شاعر لم يقلد احد .. سار على منهجه الخاص .. شاعر جزل .. و اكثر محاوراته .. قويه جدا و فيها معاني .. و يستحيل ان يلعب السناني بلا معنى .. و اعتبره الوحيد.. الذي لا يلتفت لصيحات الجماهير .. و اللعب من اجلهم


يبتكر المعنى .. اينما كان .. و شاعر مقالب .. و اعتبر اي شاعر يقابل السناني و يخرج سالم منه .. اعتبره شاعر قوي


و اتمنى ان تتقبل كلامي بصدر رحب .. و تبقى وجهات نظر متبادله


دمت بحفظ الله

[مرزوق الجعيد]

السناني شاااااعر ما يختلف عليه اثنين واي شخص يحاول يقلل من مكانته الشعريه حتى ولو راي شخصي اعتقد انه بيظلم حظه

لان الحق يقال 0السناني لو رجعنا له في الاساس يعتبر مولود حفلة واحده والكل يعرف تلك الحفله

ومن بعدها استطاع بكل جداره ان يفرض نفسه وشعره على الجمهور

استطاع ان يفرض نفسه باخلاقه العاليه وتواضعه للجميع
استطاع ان يفرض شعره بقوة الابيات والفتل والنقض والتمريرات المميزه في عالم القلطه

من جهة الردعان شاعر لا يعرفه اغلب جمهور المحاوره وقد يكون باسباب الاعلام وباسباب الموقع الذي يمارس فيه هذا الفن ولكن رجل كبير سن ولا يحق لنا الا احترامه ولو كانت شاعريته لاتعجب الكثير فيكفي انه انسان محترم من خلال متابعتي له من خلال برنامج قلطة الوطن

هذا والله ولي التوفيق