من يستحق لقب شاعر الوطن؟؟؟؟؟؟؟؟؟؟؟؟؟

[ناصر الرويثي]

السلااااااااام عليكم ,,,,,

اخواني لا يخفى على الساحه الشعبيه ما تتناقله بعض الجماهير منذ فتره عن لقب( شاعر الوطن )

وتنسبها الى شعراء اخرين وهو ما اراه اجحاف بحق وتاريخ الشاعر الكبير خلف بن هذال العتيبي,,,

فنظمت هذه القصيده واتمنى من الشعراء المجاراه لها ,,,,,وسلامتكم ,,,






يا اهل الادب والشعر والعلم والقول = واهل الذمم واهل النفوس العفيفه

سلام من عندي به الشكر موصول = لاهل الشهامه و العلوم الطريفه

سمعت لي يا ناس تحريف منقول = تحريفة القاب (ن) بلعبه ضعيفه

الله يكافينا من الجــور والهول = والله يكافينا بلاوي مخيفه

رحت انتخي بالشعروالفكر مشغول = وانشد وانادي بالسلوم الشريفه

يا اللي لكم بالشعر سلطان وحلول = نبغي نرقيها الجبال المنيفه

ومن كل من يبدع نبي علم مدلول = اظهار حق ضاع ماهي كليفه

لو زالت الدنيا ترى الحق مايزول = ولامات حق لو تزايد نزيفه

تريحوا وخذوا من الهرج مفصول = تريحوا يا اهل الوجيه الكسيفه

من يدعي (شاعر وطن) قلت مهبول = عيوننا للحق ماهي كفيفه

خلف ولا غيره له الاسم معزول = شعر الوطن في كل عام يضيفه

لادندنة للمعركه ودقة طبول = شعره يحمسنا لرمي القذيفه

تهتز له كل المنابر على طول = بالشعر يشهد له بلاط الخليفه

قصايده بالمملكه كلها تجول = شعر الحماسه والبيوت النظيفه

خلف ولاغيره من الناس مقبول = الشاعر اللي يرهب الخصم طيفه

على المنابر دايم يجول و يصول = مثل الحصان اللي قوي رجيفه

ماله مثيل ولا معه فعل مفعول = الا شعر حسان عند السقيفه

خمسين عام وكنه السيف مسلول = هو للوطن بالشعر درعه وسيفه

ماهي تخاريف من الهرج معسول = سيل يتحدر مثل وادي حنيفه

وان كان بعده للوطن شاعر اقول = الحارثي مشعل لحاله وصيفه

شاعر توسط بالبحر مثل الاسطول = باول شبابه بان لمعة رفيفه

قدم الملوك يقدم الشعر ويقول = شعر الوطن ماهي سوالف خفيفه

وحنا ترانا للوطن درع وخيول = دون الوطن مثل السيوف الرهيفه

ولا قلت قولي باغي فيه محصول = لله اقول الحق ما اقول زيفه

لاني بماجور ولاني بمرسول = ولانلت عنها ربع والا نصيفه

ماهي بدعوى عنصريه و لاميول = امور دنيا عاقبتها عنيفه

شهادة (ن)عنها انا بيوم مسؤل = يوم القيامه عند نشر الصحيفه




اخوكم / ناصر بن راشد الحربي ,,,,,/ حفر الباطن ,,,,,,,,,,,,,,,,,,

[عيد بن مرضي]

بيض الله وجهك يا ابن راشد

وصح لسانك

وصحيح ما قلت

[وصل الشهيب]

الأخ الشاعر

ناصر بن راشد الحربي

أنت ماأنت القاضي رقم 114

أنت القاضي رقم 1

ههههههههههه

أخوي ناصر

شاعر الوطن هو من مثل الوطن بالقول والفعل والعمل

شاعر الوطن هو من إرتجل القصايد الوطنيه أمام الملك فيصل بن عبدالعزيز آل سعود طيب الله ثراه

شاعر الوطن هو من إرتجل القصايد الوطنيه أمام الملك خالد بن عبدالعزيز آل سعود طيب الله ثراه

شاعر الوطن هو من إرتجل القصايد الوطنيه أمام الملك فهد بن عبدالعزيز آل سعود طيب الله ثراه

شاعر الوطن هو من إرتجل القصايد الوطنيه أمام الملك عبدالله بن عبدالعزيز آل سعود حفظه الله

شاعر الوطن هو من إرتجل القصايد الوطنيه أمام جميع ملوك وأمراء دول مجلس التعاون الخليجي

في أبو ظبي

سلام ياسته على ست الأقطار=درع الخليج عن العبث والهزيعه

أخوي ناصر

جميع أبناء المملكه العربيه السعوديه وعلى رأسهم خادم الحرمين الشريفين حفظه الله ورعاه

يعرفون من هو شاعر الوطن

إنه هو الشاعر اللوا / خلف بن هذال العتيبي . أمده الله بالصحه والعافيه وطول العمر

شاعر الوطن . لم يمنح للوا / خلف بن هذال العتيبي عن طريق البرامج الربحيه والمسابقات المطروحه للتصويت اللتي منحت كثير من الألقاب لعدد من الشعراء الذين هم بعمر أحفاد خلف بن هذال وليس أبنائه

شاعر الوطن بلا منازع

اللوا / خلف بن هذال العتيبي

أما الخلافه

فهي للأنبياء وليست للشعراء

لكل زمان دوله ورجال . وكلنا من أبناء الوطن .وكلنا فداءاً للوطن بقصايدنا وأبنائنا وأرواحنا

أخوي ناصر

هذه مجاراة نثريه لما تفضلت به .ومعذرةً فالوقت لايسمح لي بمجاراة شعريه

أشكرك على مشاعرك الصادقه

ولك تحياتي

أخوك / وصل بن وصل الله الشهيب الثبيتي

[خلف الروقي]

وافي يالحربي وصح لسانك واعتلى شانك


لو زالت الدنيا تـرى الحـق مايـزول=الهرج يفـرق بيـن صدقـه وزيفـه


انا اشهد انك الحق حق ولا يزول ولا تغيره الهرطقة والدندنه

ووانت ما قلت الا الحق وبيض الله وجهك وهذا من طيب اصلك وفصلك

[عبدالمجيد النفيعي]

ولا قـلــت قـولــي بــاغــي فــيــه مـحـصــول=لله اقــــــول الـــحـــق مــــــا اقــــــول زيـــفــــه
مــاهــي بــدعـــوى عـنـصـريــه و لامــيـــول=الـــحـــق اقـــولـــه مــــــا اقــــــول الـحـتـيـفــه

كفو والله ولاهنت وصح الله لسانك

،،

شاعر الوطن هو

_ من يمتلك الجرئه خصوصاً بالتكلم عن المشاكل أمام ولاة الأمور

_ من يجيد الإلقاء المنبري والحماسه مع صم الأبيات

_ من يتقن الإسهاب في القصيده مع جزالة مايقول

،،

أمثله على جرائة خلف بن هذال

قال وهو مخاطب الملك فهد يرحمه الله


معك أمة الاسلام تصهل تصاهيل = قدها ياأبوفيصل إلى القدس قدها

قال وهو يتكلم عن أحداث غزه أمام الملك عبدالله حفظه الله


مايكسر خشوم القوم غير المدفع المكيول = وقومٍ ماتهاب عقابنا خسرا ومخذوله

وقال أيضاً وهو يتكلم عن العروبه


مصيبتنا عروبتنا تراوح في وحل وغيول=تخلت عن مباديها ونار الحرب مشعوله

[ناصر الرويثي]

بيض الله وجهك يا ابن راشد

وصح لسانك

وصحيح ما قلت




الاخ عيد ,,,صح بدنك >>> واشكر مرورك ,,,,,

[شاعر برقا]

بيض الله وجهك يالحربي على قول الحق

[تركي الصفياني]

الله الله

صح السانك يالحربي

[جريح الصمت]

شـــاعر الوطن خلف ابن هذال


ابا من ابا ورضا من رضا

دخلت احد المنتديات وجدت قدامي لقب مزيف بماتعنيه الكلمه لشاعر ينتسب له شاعر الوطن

هل الكلام يعقل اين العقول الواعيه

اكتفي بقول سلطان الهاجري لا شاعر وطن غير خلف ابن هذال


الحربي شهادتك في محلها وصح السانك وبيض الله وجهك

[مسواط الدلبحي]

بيض الله وجهك وصح لسانك

أنا ما أبي أزيد على كلام الشاعر الكبير سلطان بن وسام الهاجري

يقول (مافيه شاعر وطن غير واحد خلف بن هذال أما الباقين يريحون أنفسهم )

هذا آخر تصريح له

[اسير الروح]

قصيده راااااااااااائعه وفي محلها

وانا ماعرف اكتب شعر

لكن صنفرة الشعراء يقول

كلن وده يجي شاعر وطن والمصيبه خلف هذال عيا يموت <<<<< الله يطول عمره



وشاعر العرب يقول


شاعر الوطن خلف هذال واللي يقول غير هالكلام ناقص عقل


وانا اقول مافيه شاعر وطن غير ابو هذال وماراح يجي له خليفه لانه معجزه في الشعر

وسبب رئيسي في تحرير دوله كــــــــامله واللي يقول انه شاعر وطن عنده نقص في نفسه ويبي يكمله باي شي

حتى لو هالشي مستحيل ويخالف الواقع . الله يرحم حالهم بس

واخيرا يقول سلطان الهاجري شاعر الوطن كلن يعرفه حتى حمودي واسالو حمود...

[الفارق]

شاعر الوطن خلف هذال بلا منازع هذا ما يقوله ولاه الامر

[ناصر الرويثي]

الأخ الشاعر

ناصر بن راشد الحربي

أنت ماأنت القاضي رقم 114

أنت القاضي رقم 1

ههههههههههه

أخوي ناصر

شاعر الوطن هو من مثل الوطن بالقول والفعل والعمل

شاعر الوطن هو من إرتجل القصايد الوطنيه أمام الملك فيصل بن عبدالعزيز آل سعود طيب الله ثراه

شاعر الوطن هو من إرتجل القصايد الوطنيه أمام الملك خالد بن عبدالعزيز آل سعود طيب الله ثراه

شاعر الوطن هو من إرتجل القصايد الوطنيه أمام الملك فهد بن عبدالعزيز آل سعود طيب الله ثراه

شاعر الوطن هو من إرتجل القصايد الوطنيه أمام الملك عبدالله بن عبدالعزيز آل سعود حفظه الله

شاعر الوطن هو من إرتجل القصايد الوطنيه أمام جميع ملوك وأمراء دول مجلس التعاون الخليجي

في أبو ظبي

سلام ياسته على ست الأقطار=درع الخليج عن العبث والهزيعه

أخوي ناصر

جميع أبناء المملكه العربيه السعوديه وعلى رأسهم خادم الحرمين الشريفين حفظه الله ورعاه

يعرفون من هو شاعر الوطن

إنه هو الشاعر اللوا / خلف بن هذال العتيبي . أمده الله بالصحه والعافيه وطول العمر

شاعر الوطن . لم يمنح للوا / خلف بن هذال العتيبي عن طريق البرامج الربحيه والمسابقات المطروحه للتصويت اللتي منحت كثير من الألقاب لعدد من الشعراء الذين هم بعمر أحفاد خلف بن هذال وليس أبنائه

شاعر الوطن بلا منازع

اللوا / خلف بن هذال العتيبي

أما الخلافه

فهي للأنبياء وليست للشعراء

لكل زمان دوله ورجال . وكلنا من أبناء الوطن .وكلنا فداءاً للوطن بقصايدنا وأبنائنا وأرواحنا

أخوي ناصر

هذه مجاراة نثريه لما تفضلت به .ومعذرةً فالوقت لايسمح لي بمجاراة شعريه

أشكرك على مشاعرك الصادقه

ولك تحياتي

أخوك / وصل بن وصل الله الشهيب الثبيتي



(((ونعم فيك يا وصل ))) نورت الموضوع ,,,,,ومشكوووووووووووووووووور على مرورك الجميل وكلماتك الاجمل ,,,,,تقبل تحيااااااااتي 0

[عادل العتيبي 511]

صح الله لسانك وانا اشهد انك ماقلت الى كلمت الحق وبيض الله وجهك ياسنافي

[ناصر الرويثي]

اخواني ( خلف الروقي + عبدالمجيد النفيعي + شاعر برقا + تركي الصفياني + جريح الصمت+

مسواط الدلبحي + اسير الرووووح +الفارق +عادل العتيبي ) اشكر مرووركم ,,,نورتوناااااااااااااا

[عيضه الثبيتي]

من يركب العرجا بـلا شـك مسطـول
كنـه يناطـح سيـل وادي حنيـفـه


صح لسانك


شاعر الوطن الأول هو خلف بن هذال العتيبي



والوطن يتسع للشعراء جميع


كلنا رجال الوطن وشعراءه


فلو قال شاعر قصيده في وطنه الا يستحق انت تقول أنت شاعر وطن!!




ولكن شاعر الوطن ب(أل) التعريف


إذا قيل هكذا بدون ذكر أسم شاعر بعدها



فأجزم ان المقصود هو ابن هذال


تقديري

[خلف المطيري]

كل واحد يقصد فالوطن شاعر وطن ماهو حكر لحد

وخلف ابن هذال شاعر الوطن بدون منافس

[نايف المغيبي]

بيض الله وجهك على قول الحقيقه التي يتخفى عن اضهارها بعض الناس وهذا يدل على قوة ابداء الراي لذا انا اشكرك

[ناصر الرويثي]

من يركب العرجا بـلا شـك مسطـول
كنـه يناطـح سيـل وادي حنيـفـه


صح لسانك


شاعر الوطن الأول هو خلف بن هذال العتيبي



والوطن يتسع للشعراء جميع


كلنا رجال الوطن وشعراءه


فلو قال شاعر قصيده في وطنه الا يستحق انت تقول أنت شاعر وطن!!




ولكن شاعر الوطن ب(أل) التعريف


إذا قيل هكذا بدون ذكر أسم شاعر بعدها



فأجزم ان المقصود هو ابن هذال


تقديري



اخوي عيضه نورت الصفحه وصح بدنك ,,,,,


شاعر الوطن عبرت عنه بالقصيده وذكرت الاسباب اللتي تؤهله لهذا اللقب ,,,,,


اما من للوطن جميعناااا للوطن شعراء وجنود وموضفين ووووووووو,,,, الخ ,,,,,

[ناصر الرويثي]

كل واحد يقصد فالوطن شاعر وطن ماهو حكر لحد

وخلف ابن هذال شاعر الوطن بدون منافس



اخوي خلف ,,,, حياااااااااك الله ,,,, نورت الصفحه ,,,,,

[ناصر الرويثي]

بيض الله وجهك على قول الحقيقه التي يتخفى عن اضهارها بعض الناس وهذا يدل على قوة ابداء الراي لذا انا اشكرك



اخوي نايف نورت الصفحه ,,,,,,,,

[عبدالعزيز الدلبحي]

يالربع عينوا خير


كل من كتب شعر عن الوطن هو شاعر وطن


وكل من لعب كورة قدم باسم الوطن هو (لاعب كورة قدم الوطن)


وكل من لعب سنوكر باسم الوطن هو (لاعب سنوكر الوطن)


وكل من غنى باسم الوطن (هو فنان الوطن)


وكل من سجل في برنامج الخلاعة ستار اكاديمي (هو ستاراكاديمي الوطن)


وكل من سجل في فريق كشافة باسم الوطن (هو عضو فريق كشافة الوطن)


وحط رجلك



امحق من زمن ...

[ناصر الرويثي]

يالربع عينوا خير


كل من كتب شعر عن الوطن هو شاعر وطن


وكل من لعب كورة قدم باسم الوطن هو (لاعب كورة قدم الوطن)


وكل من لعب سنوكر باسم الوطن هو (لاعب سنوكر الوطن)


وكل من غنى باسم الوطن (هو فنان الوطن)


وكل من سجل في برنامج الخلاعة ستار اكاديمي (هو ستاراكاديمي الوطن)


وكل من سجل في فريق كشافة باسم الوطن (هو عضو فريق كشافة الوطن)


وحط رجلك



امحق من زمن ...





اخوي عبدالعزيز ,,,,منور الصفحه ,,,,,بعدين فيه فرق بين (شاعر الوطن ) , و( شاعر وطن ) ,,,,,

[ناصر الرويثي]

كأن القصيده نامت ,,,,