ياليت سلطان الجذع حاضر //// تعال يا ابراهيم

[ماجد العصيمي]

السلام عليكم ورحمة الله وبركاته ,,,,,




ياليت سلطان حاضر فالنهار الكبير=ماكان نص الجماعه تمرح بغلها
لايابراهيم سيفك كان وانه شطير=مارد عنك العدا وسيوفن تسلها

[مطني الحافي]

الله الله

كلام جميل يالعصيمي

صح لسانك والله لايهينك

[ماجد العصيمي]

صح بدنك يامطني


لاهنت على المرور

[ابراهيم الجـــــذع]

البحر لا تحسب أنه يا العصيمي غدير=اعلوم نحفر لها واعلوم ندفن لها

سوق المعاني يبا له يا العصيمي خبير=ومن لا تعرف المعاني تمرح احسن لها

[ماجد العصيمي]

اثرك تدرق لياشفت الرحا تستدير=وانا احسبن العدا قدمك ماتمهلها
تراك مانته بمحتاج لشهادة مطير=الا انك مشكك بعمرك تعين لها

[ابراهيم الجـــــذع]

اعلومٍ اكبها للي سواتك صغير=العاقل يصد والجهال تقبلها

ماني بحاجة شهاده يا نظيف الضمير=سوالفٍ ما تخصك خلها خلها

[ماجد العصيمي]

هههههههههههههههههههههههههه




لاتحسبني جذع وتقول توك غرير=دايم ماتمسي يالين انك تحصلها
ازريت تكتب جوابن للسوال المثير=استغفر الله رحت ادموعك تهلها

[ابراهيم الجـــــذع]

على علومك يقود القوم سلك الحرير=يا مل عينك على ما صار يا ملها

ازريت اعدلك وامثال العوارف كثير=احيان يطلع لها واحيان ينزلها

[ماجد العصيمي]

يمكن براهيم من زود الحماسه ضرير=ولا جبال البسيطه يقدر يشلها
اشوف خرجن تدلى فوق جنب البعير=لكن بعير البدو مزري يتحملها

[فهد الشيباني]

صحت الالسن والقلوووب

متاابع

[ماجد العصيمي]

صح بدنك يابن مشيب


لاهنت على المتابعه

[ابراهيم الجـــــذع]

يا اللي تشيل السلاح ولا تضد المغير=منته وكيل الآودم لا توكلها

تقولها من عصر لو أنها ما تصير=وراك علة نحر لـــ الناس ويعلها

[ماجد العصيمي]

انت اجودين معيي لانجيك بشوير=كن الثريا ما قبلك واحدن حلها
من عقب هذي تسلم عهدتك للمدير=للحرب لادندنت دندون ايدندلها

[ابراهيم الجـــــذع]

الضرب فالميته ما فيه خيره وخير=حرام ما جازها ديني ولا حلها

لو ما اعرفك يا العصمي قلت وش هالأمير=وأنته عشا لـــ الذيابه لو توسلها

[ماجد العصيمي]

صح لسانك والختام عندك




قامت تهبد عساها والله بزمهرير=والعود يومي شليله ثم طبلها
والله يالولا رجالن ما نظرهم قصير=ان كان تسري ما روق موافقن دلها

[ابراهيم الجـــــذع]

صح بدنك أخوي ماجد

يكفي ختامك يا الغالي