السلام عليكم ابيات مطروحة للرد

[مسعود بن جحيش الغبيوي]

سلام الله بقاف مابدعته غير من هوجاس
عدد ماهل همال المزون بوقت وسميه
والا ياسوق يالي فيك يطرون الذهب والماس
دخلتك يالله التوفيق منك وتصلح النية

[سلطان الجـذع]

..

الله الله .. صح لسانك وفي انتظار من يجاريك

[ضاوي الشيباني]

هلا يامرحبا ترحيبةٍ يارجل ماتنقاس=عدد ماهل وبل خيالها في وقت عصريه

بعد ماجيت بالميدان من اللي يشيل الكاس= اكيد اللي يشيله صاحبك ميه على ميه

[غالب الذيابي]

سلام الله بقاف مابدعته غير من هوجاس
عدد ماهل همال المزون بوقت وسميه
والا ياسوق يالي فيك يطرون الذهب والماس
دخلتك يالله التوفيق منك وتصلح النية




هلا يا مرحبا ترحيب من واجب ومن نوماس=بعد جانا الغبيوي والكلام الجزل ياحيّة
دخلت السوق واصرف من ذهبك وقس عليه قياس=ترى اهل السوق قومٍ للثمينة نارهم حيّة

[غالب الذيابي]

.
.
.

آسف يا ضاوي تصادمنا بالرد

وانت قبلي ، واصل مع الشاعر الغبيوي

متابع.
.
.

[راشد العضياني]

مسعود

ضاوي


غالب



صحت السنتكم بس لاتصادمون مره ثانيه ههههههه

[ضاوي الشيباني]

غالب صح بدنك
ومتابعتك شرف

[عناد الشيباني]

صحت الالسن

كل هذا ادمان على المحاورة ههههههههه

لاهنتو

متابع

[ضاوي الشيباني]

راشد صح بدنك
للايشوفنا المرور يعطينا قسيمه ههههههه

[مسعود بن جحيش الغبيوي]

يدوم لك البقا والشعر ياضاوي تراه احساس=ولا منك جهلت العلم جا للعلم راعيه
بعد ماجيت في الميدان انا السابح وانا الغطاس=الا ياولد مشيب صاحبي ياكبر هاذيه

[ضاوي الشيباني]

عناد صح بدنك
متابعتك شرف

[مسعود بن جحيش الغبيوي]

صح لسانك يالذيابي
وبيض الله وجهك
وسبقك الشيباني
متابعتك تسعدنا جميعا

[ضاوي الشيباني]

انا مجهل علوم الشعر ياللي تطبخون الفاس=اميز ياوسيع العرف في هاذي وفي ذيه

نبا نمشي قدم ياصاحبي والشاهدين الناس=ولن قاله ولي الكون شفت الكاس بيديه

[مسعود بن جحيش الغبيوي]

ترى بعض الثقة بالنفس مذمومة ياابو نواس = وحنا من عتيبة وانتبه و علوم مقفية
انا لي مع رجال المعرفة ياصاحبي مجلاس =وترى كاس البطولة بينا كاس الخليجية

[ضاوي الشيباني]

عتيبه يوم لبس الجوخ يامسعود ويا الطاس=لهم في معظم العدوان سطواتٍ وماريه

تزا منته حكم ولا كليب وصاحبه جساس=ولنت حبيب الشاعر ولنت بفيصل العيه
الله يرحمه

[مسعود بن جحيش الغبيوي]

تحاول في البحر وازريت تاخذ منه بالملاس= لكن ارتاح يافلاح بين الشمس والفيه
انا ماني حبيب مير بيتي مسسه بالساس=وابدرسك ساعة بالصفوف الابتدائية

[ضاوي الشيباني]

ترا من لايدوس الراي يامسعود يبينداس=لكن مالك من ازروعك مكاسيبٍ ولاشيه

الا يابن جحيش اقول كيف انته غشاك الباس=ترا مالك شهاده كيف بدرس هل الهيهالختام عندك وانا عندي شغل وصح لسانك تشرفت بالعب

[مسعود بن جحيش الغبيوي]

صح لسانك ياأخ ضاوي

بالنسبه للختام عندي أنا البادي والنهايه عندك
وطالما عندك شغل اشكرك جزيل الشكر
وكما تشرفت أنت نحن تشرفنا

وشكراً لك ولمن تابعنا ..

وإلى اللقاء

والسلام .