خيمة ستار او خيمه اون لاين فكره حلوه

[ابن مدهوس العازمي]

ياشباب عندي فكره جميله وحلوه

وهي ان الاعضاء الي يكونون اون لاين فيه قسم بالمنتدى نسميه مثلا خيمه ستار او خيمه اون لاين

يكون سوالف اون لاين الي بيتكلم بالكوره او الاخبار او حتى اخبار المطر والدير والربيع وكذا سوالف وعلوم رجال طبعاا

وانا اعرف موقع مسوي الفكره ولا ودي اذكر اسمه هنا

اعضاءه الي اون لاين يوصلون 15 الف او عشرين بعد ومستعد اعطي الداره الموقع تشوفه

يعني منها ننزل مواضيع ونشوف مواضيع ومنها نسولف اون لاين صدقوني فكره حلوه

لايصير نفس الروتين يوميا صراحه احس المنتدى يبيله نفض بكهرب ههههههه يسويلنا افكار جديده مسابقات وكذا مانبي نطفش


وسلامتكم يالربع

[محمد ابن رووق]

فكره ممتازه جدا



ومنها متنفس للاعضاء

[ابو فايح]

طيب عندك القسم العام فضفض على كيفك كوره /أمطار /رحلات

[علاي الحافي]

اون لاين وش


ستااااار وش


على العمووووووم يعطيك العافيه


والربع ادرى

[ابن مدهوس العازمي]

طيب عندك القسم العام فضفض على كيفك كوره /أمطار /رحلات



مافهمتني مانبي رسميات موضوع ورد

نبي سوالف اون لاين والاعضاء يقربون من بعض ونتعرف على بعض اكثر سوالف وكذا

انت لو تشوف الموقع الي مسوي الفكره متاكد او ل واحد يتكي هناك انت ههههههههه

تخيل انك بمنتدى كتبت موضوع ورديت على موضوع طيب طفشت

تروح الى الخيمه وتحصل الاعضاء اون لاين وسوالف وكذا

[فهد رشيد الزلامي]

فكرتن منتازه جدا

اضم صوتي لصوتك يالعازمي واذا تبون فزعه ماديه والا معنويه حاضرين

[عبدالمجيد النفيعي]

هاذي تصلح لهواة المحاوره المباشره :)

أنا أقول حتى لو مايسوى الا للمحاوره المباشره راح يكون هناك أقبال للحضور إلى المحاوره أكثر

[مرزوق الجعيد]

فعلا موقع الهيلا اصبح في الصداره بعدد الاعضاء والزوار ولا يمنع التجديد ووضع مقترحات جديده تخدم الجميع

وياليت نجد تواصل مباشر بين الاعضاء ويكون تحت اشراف ومتابعه واعتقد ان الكفائات والكوادر كثيره ولن يكون هناك عجز في مراقبته والاشراف عليه

اتمنا يكون في اوقات محدده مثلا من الساعه 2 مساء الى الساعه 12 ليلا

وليلة الخميس والجمعه يكون على مدار 24 ساعه

ولو يعمل بشكل تجريبي لتيجرب على ارض الواقع

اشكرك على الفكرة

[الصويت الثبيتي العتيبي]

صـــــح100%100

[ابن مدهوس العازمي]

الحين الاداره

وينها

يارفض ياقبول ماهي حولنا ابد !!!!!!!!!!!!!

واتمنى تجربتها بث تجريبي خخخخخخخخ

[سرور السريح العتيبي]

فكرة ممتازة وايدها100%100

ويليت مدير ودارة واعضاء ياوفقو على ذالك

يعطيك العافية على الفكرة الممتازة

تحياتي لك ابن مدهوس