الطارف حياه الله

[ضاوي الشيباني]

سلام الله سلامٍ لاهجم يهجم على الشعار=يقوله ضاوي اللي تعرفون اسمه وعنوانه

انا مالي تخير دامني موجود بين أخيار=لكن اللي يجي يفهم قبل لاينطق لسانه

[فارس المورقي]

هلا يامرحبابك في محل ٍ يكرم الخطار = تراحيب الوفا مالاح برق وهلت امزانه
مدامك بينها ياصاحبي وش لونها الاسعار = انا خابر جيوب الناس تال الوقت طفرانه

[نواف الشيباني]

الله الله
صحت الالسن

[ضاوي الشيباني]

يدوم لك البقاء ياللي ترحب والعرب حضار=وقالو فالبحر ياصاحبي لولو ومرجانه

نشوف السوق طيب مير ماشفنا لنا تجار=نشوف اللي عليه ديون واللي جاه ديانه

[ضاوي الشيباني]

صح بدنك يانواف

[عناد الشيباني]

صحت الالسن

متابع

[ضاوي الشيباني]

صح بدنك ياعناد
متابعك شرف

[مطني الحافي]

لاهنتوووو

يالربع

[ضاوي الشيباني]

مطني
ومن يقول

[فارس المورقي]

ليا حطيتها ياصاحبي بين الحطب والنار = ابنفخ فوق راس العود لين يطير دخانه
ولا ياخيي لاتغضب ولا تعجب ولا تحتار = كذا حال العرب مخلاب ينتف ريش جنحانه

[فارس المورقي]

نواف الشيباني - عناد الشيباني - مطني الحافي

ياهلا ومرحباا بالجميع

صحت ابدانكم لاهنتوا ولا شنتوا

شرفتوا ونورتوا

[ضاوي الشيباني]

ليامن شبت النيره ترا ماعاد فيه اعذار=وياشين الكلام اللي سقط من دون برهانه

الا يالله بعفوك ياكريم الوجه ياغفار=تغفر ذنوب من يخطي يارب الكون سبحانه

[فارس المورقي]

ترانا مانثورها على الطاير بدون عيار = تذرا دون بيت ٍ يقفل المفتاح بيبانه
ولا ياصاحبي ودك نروح يمين ولا يسار = اشوف الظان جوف مراحها مرضا وهريانه

[ضاوي الشيباني]

ليامنك طلبت انرد ثارك نبنرد الثار=لكن افهم وخل اللي بقاء في وسط ديوانه

يافارس من يعرف الدرب له حشمه وله مقدار=واشوفك راحت علومك يادانه يا لدندانه

[فارس المورقي]

انا مغنيني الله لي ذراع ولي عرب وديار = ولا ابغى فزعت الي فزعته من عند جيرانه
إلا ياليت ضاوي مادخل في ساحة المضمار = علومه ماتناسب غير ابو عرام واخوانه

[ضاوي الشيباني]

ليا منك جحدته والله انه ياولد قد صار=يامخبل واحدٍ يالربع يجحد فعل عوانه

ترا الكذبه لها ياصاحبي ثوبٍ بدون ازرار=لكن ادحر بليس اللي نشوفه جاك شيطانه

الختام عندك انا عندي دوام صح لسااانك تشرفت باللعب معك

[فارس المورقي]

لا والله والنعم فيكم رجال ٍ تحكمون الشار = وجوه ٍ بيض مابين العرب وكفوف مليانه
نبا نعطيك ياضاوي على هذي خصم ونذار = وكلن ياطول العمر يقفل باب دكانه

هههههه

الدعوه مزوح

صح بدنك وبيض الله وجهك شرفتنا باللعب معاك

نوم العوافي والله يسهل دربك

[عبدالله بن هملان الغامدي]

الله يعطيكم العافيه

أبدعتوا و أمتعتوا

[فارس المورقي]

عبدالله الهملان الله يعافيك

لاهنت ولاشنت