من يوم فالمنتدى معنا قحاطين

[الحر الأشقر]

يالحبابي أرحب أرحب


من يوم فالمنتدى معنا قحاطين
............................... على صحون الكرامه يقلطونا
حنا نحب القحاطين الميـــــــامين
............................... ودايم نجيهم وهم ما قط جونا

[معقل المجانين]

تسلم يالحرالاْشقر
ابداع وبدعه توحي بمحاوره قويه
عجل يالحبابي الله لايهينك
اخوكم / معقل المجانين متابع

تحياتي

[المسرّي]

ياليل يا عين
وين انت يالحبابي
تراني في صفك ولا يهونون العتبان

[أبو فيصل]

الله اكبر يالحر الأشقر

جبتها والله ياذيبان

القحاطين رجال ونعم فيهم و يستاهلون كل خير

يالله نبا رد القحطاني

الله يعطيكم العافية

[ولد عوجان الجذع]

ألحر الأشقر
والحبابي
الله يوفقكم في طاروقكم
واستمروا

[علي فلاح العضياني]

الله الله
بدايه تُشعر بأن هناك محاوره من الوزن الثقيل

وحنا متابعين وبانتظار شاعر قحطان






صح لسانك يالحر الاشقر

تحياتي الفالح

[وصل العطياني؟؟؟]

يا ليل من أنت ليله :)

الحر الأشقر و عايض الحبابي

وش باقي ؟

الإبداع المنتظر والإستمتاع بالفتل والنقض ....

ننتظر صبي قحطان :)



تحياااااااتي

[مرزوق حمدان العتيبي]

....
الحر الاشقر الله عليك
مبدأ رائع وهو ليس بغريب من شاعرنا المبدع..
وينك يابو علـــــــــــــــي؟...
الليل الليل ...

[الحر الأشقر]

إخواني الأعزاء
معقل المجانين
المسري
فهد الشيباني
ولد عوجان الجذع
الفالح
وصل العطياني
مرزوق العتيبي

لا هنتوا جميعاً ومروركم اسعدني كثيراً وأنا فخور جدا بتواجدكم معنا

ومره أخرى لا هنتوا وبالتوفيق جميعاً

[عايض الحبابي]

الاخ الغالي والشاعر الكبير ..(( الحر الأشقر)) ...

أقدم أعتذاري عن التأخير لأني في أجااازه لي ثلاث أيام .. وبعيد عن النت ...

[عايض الحبابي]

خلوووووووووووووووووها ...

أستلم يالحر أستلم ..:



الله يبقيك جعل أيامك سنين = يكفي من الحر نظرات العيونا

اللي يجي ضيف فوق الراس والعين = وعتيبه نجيهم وهم يــذكرونا ..!

[عايض الحبابي]

معقل المجانين

الفالح

ولد عوجان الجذع

نايف الشيباني

المسري

وصل العطياني

مرزوق العتيبي

الله لايهينكم ويعطيكم العافيه على المروور ..والمشاركه ...

[عبدالعزيز بن جودان الرويس]

الله الله
ابداع ليس بغريب
سلمت يالحر الاشقر
وسلمت يابو علي
واصلو وحنا فالصفوف

[الحر الأشقر]

أرحب يالحبابي أرحب\


لا تدعي وأنت ما عندك براهين
.................................. وقحطان من خبرنا ما يكذبونا
جيناكم ضيوف ثم رحتوا قطاعين
...................................وأنتم لا جيتوا ديرنا تــرجعونا

[الحر الأشقر]

عبد العزيز حياك لا عليك زود وتواجدك معنا شرف لنا طال عمرك

[عايض الحبابي]

تبقى يالحر الأشقر ..
أستلم ..



مدري علامك تلف يسار ويمين = على كلامي عتيبه يشهدونا

حنا وقفنا لكم وقفة سلاطين = أكثركم من الفزع صابه جنونا ..!!

[عايض الحبابي]

عبدالعزيز ... أرحب ...وياهلا وغلا ... أكبر تشريف لمحاورتنا وجودك ...
تحياتي

[الحر الأشقر]

تعوّضوا في جبال النير بالريــــن
............................وإن عاض في نجد الأنجد قابلونا
في نجد كنتوا تسوقون البعارين
,,,,,,,,,,,,,,,,,,,,,,وجينــــــا وأمــرنا عليكم ترحلونا

[عايض الحبابي]

الله .. الله ..

الهرج وقت السّعه حيلة مساكين = جينا نواجه عتيبه وأخلفونا

جدّك دفع جزيته لو هي رياليــن ..!= ويصيح بالصوت ويقول أرحمونا ..!

[وصل العطياني؟؟؟]

الحر الأشقر :

من يوم فالمنتدى معنا قحاطين
............................... على صحون الكرامه يقلطونا
حنا نحب القحاطين الميـــــــامين
............................... ودايم نجيهم وهم ما قط جونا


الحبابي :

الله يبقيـك جعـل أيامـك سنيـن
.................يكفي من الحـر نظـرات العيونـا

اللي يجي ضيف فوق الراس والعين
.................وعتيبه نجيهم وهـم يذكرونـا ..!


الحر الأشقر :

لا تدعي وأنت ما عندك براهين
.................................. وقحطان من خبرنا ما يكذبونا
جيناكم ضيوف ثم رحتوا قطاعين
...................................وأنتم لا جيتوا ديرنا تــرجعونا



الحبابي :

مدري علامك تلف يسار ويميـن
.................على كلامـي عتيبـه يشهدونـا

حنا وقفنا لكـم وقفـة سلاطيـن
.................أكثركم من الفزع صابه جنونا ..!!


الحر الأشقر :


تعوّضوا في جبال النير بالريــــن
............................وإن عاض في نجد الأنجد قابلونا
في نجد كنتوا تسوقون البعارين
,,,,,,,,,,,,,,,,,,,,,,وجينــــــا وأمــرنا عليكم ترحلونا

الحبابي :

الهرج وقت السّعه حيلة مساكيـن
................. جينـا نواجـه عتيبـه وأخلفونـا

جدّك دفع جزيته لو هي ريالين ..!
................. ويصيح بالصوت ويقول أرحمونا ..!


واصلوا وحنا معكم متابعين ...


تحياااااااااتي

[الحر الأشقر]

صح أخلفوكم سلاطين الميادين
................................قومٍ على الموت الأحمر ياردونا
ما تدفع الجزيه إلناسٍ مقفيــــن
...............................خلــــــو ديرهــم وراحـــو يرثعونا

[عايض الحبابي]

خلووووها:

كم من عتيبي هرَب في الموقف الشين = يقول من نجد قحْطان اطردونا

كنّا وباقي ليا هالحين راسين = وخصومنا من ديَرنا ينزحونـــا .

[الحر الأشقر]

نجد أصبحت دارنا وأنتم مجليـــــن
..................................الله يرحم شـــــيوخٍ مّلـــــــكونا

قحطان جاهم مثل ما جاء فلسطين
.................................جلّوا ومن مات تلقاه مغبـــونا

[عايض الحبابي]

وصل العطياني ...

يمال العافيه والله ... شرفتنا ولاهنت يالذيب لاهنت ..

[عايض الحبابي]

الله .. الله ..
أستلم يالأشقر أستلم :


ماجيتواْ الا بوقت اليسر واللّين = لكنّ هي ورثنا من بعد أبــونا

ياللّي طلع صيتكم في عام الألفين ..!! = قحْطان ساس العرب لو تجحدونا


الختام عندك يالحر الأشقر .. وبصراحه اعتبرها تجربه مفيده لي محاورتك ..

لنا لقاءات أخرى أن شاء الله

[مرزوق حمدان العتيبي]

الحبابي
كنّـا وباقـي ليـا هالحيـن راسيـن
------------------- نوخصومنـا مـن ديَرنـا ينزحونـا
الحر الاشقر...
قحطان جاهم مثل ما جاء فلسطين
.................................جلّوا ومن مات تلقاه مغبـــونا :)

وش اقول بس!!!!

شعار لهم وزنهم بكل ماتعنيه الكلمه
لله دركم معنى وجزاله..
تحياتي

[الحر الأشقر]

أخوي عايض الحبابي صح لسانك ولا هنت والمعذره إن حصل خطأ أو زله وقحطان ونعم ولا يلحقهم شك.

المستفيد أنا باللعب معك وسعدت بلقائك وأحيي فيك روحك المرنه وأخلاقك النبيله, ولنا لقاء آخر والسلام

أخوك/ الحر الأشقر

[علي فلاح العضياني]

بيض الله وجيهكم بياض تنقله سمان الهجن

عزالله كفيتوا ووفيتوا

وانتم شاعرين أعلام كل واحد منكم يمثل قبيله ولاهي أي قبيله



عتيبه و قحطان
الحر الاشقر و عايض الحبابي






تقبلوا تحيات الفالح