براك لاهنت استلم

[خالد عواض الذيابي]

السلام عليكم

كيفك اخوي براك

استلم لاهنت

الا ياصاحبي براك غير فيكم الدستور=بعدها طعت يابراك في حكمه ودستوره
لكن تبغى الصراحه والله انه واصلٍ له دور=ابو دستور راصد له ولو انه معه دوره

[نواف الشيباني]

صح لساااااانك
ولساااااان براك مقدم

[مطني الحافي]

صح لسانك

يامستشار

[بدر بن ثعلي]

الله الله ^_*

صح لسانك وبانتظار الشاعر براك ..

[خالد عواض الذيابي]

نواف الشيباني


صح بدنك وشرفتنا بمرورك لاهنت يالقرم

[خالد عواض الذيابي]

اخوي مطني صح بدنك وشرفتني بمرورك


لاهنت

[خالد عواض الذيابي]

زبون المخاسير

صح بدنك ولاهنت يالغالي

[ابراهيم الجـــــذع]

صح السانك أخوي خالد

ما شاء الله طلبته قبل بدقيقتين

اليوم عليه طلب براك هههه

وصح السان براك مقدماً

متابع

[خالد عواض الذيابي]

اخوي ابراهيم


صح بدنك ولاهنت يالغالي


وانا ما عندي مشكله اذا يبي يرد عليك براك


وهو حر له الخيار

[ولد منصور الابرق]

الله الله

صح لسانك ولسان براك مقدماً

متابعين الابداع

[براك المهيدلي]

عليكم السلام
ارحب ياخالد وابشرك اني بخير :)



لو انه غير الدستور فينا ما يصير قصور=وذاك الكوكب اللي خابرينه ماطفى نوره
احد ماهوب منها في عذر واحدن بها معذور=وبه شعار مغموره وبه شعار مشهوره

[براك المهيدلي]

الجميع الله يحييكم


واذا ماعندكم معارضه ابا ارد عليكم الاثنين واعذروني ليا ابطيت علاكم :)

[خالد عواض الذيابي]

الله الله

نعرف قصور ماش قصور بس المشكله فالسور=احد يبني وحد يهدم وحد مغير ديكوره
ليا منا تحاشمنا طرحنا الثور فوق الثور=وتبتل الكبود اللي من العدوان مقهوره

[ابراهيم الجـــــذع]

لا كملوا لعبكم وإذا انتهيتوا يرد براك علي

أحسن من التشتيت

[خالد عواض الذيابي]

ولد منصور الابرق

صح بدنك وشرفنا مرورك لاهنت

[براك المهيدلي]

ترانا يالذيابي مانهد المنزل المعمور=وكلن يجتهد ويجيك جهده حسب مقدوره
ليا منا وقفنا معك ما يلحقك ظلم و جور=تبا نفرح عيون اصحابنا وتبات مسروره

[خالد عواض الذيابي]

الله الله

عمرنا القصر يابراك واخذنا من الميسور=وبعض الناس لو يبني يهد القصر وجسوره
الا ياصاحبي براك لنـ جينا حكمنا الشور=نضد الظالم الجوار ثم نسد حنجوره

[براك المهيدلي]

طيب طيب :)



نبا ناخذ بشورك كان شفنا فالامور امور=مدامك مستشار الروقه اللي تاخذ بشوره
نعرف العلم الابيض يالذيابي مانعرف ندور=تبانا نلعن الشيطان والا نعلن الثوره

[خالد عواض الذيابي]

ياسلام ياسلام

لكل الله ماشهدنا يالعتيبي في شهادة زور=لكن اللي ماخاف الله يبا يشهد لدكتوره
ابن عمي ما غشه والله اني ما حجبت النور=لكن مد النظر والسالفه لابد مخبوره

[براك المهيدلي]

شرفتني ياخالد

استلم



علوم الناس واجد يالذيابي و الصدور قبور=لكن استر على الاجواد و الاحوال مستوره
عسى رجلن يغش الناس يحرم من بنات الحور=لكن ان ماعرفت السالفه وضح لي الصوره

[خالد عواض الذيابي]

على اهل التكس الاصفر يالعتيبي ملاحظه فالنور=بعضها عور مير اشوى والاخر طافيٍ نوره
تعدى الفحص مدري واسطه ولا شهادة بور=يابراك العتيبي ذمة الكداد مدموره
صح لسانك يابراك ولاهنت على تلبية الدعوى واستفدت الكثير


والختام عندك والله ما اشوف من النوم

تحياااتي لك

[.الدعجاني.]

صح لسانك ولسان براك مقدما
تقبل مروري

[براك المهيدلي]

:)


خالد عواض الذيابي


ردك مسك الختام و صح لسانك شرفتني بطلبك يالغالي


ونوم العوافي


والى اللقاء لاعدمتك

[الصويت الثبيتي العتيبي]

صح السانك يا مستشار الروقه