محمد الربيقي وابو زيد الغبيوي...

[أحمد المويعزي]

السلام عليكم ورحمة الله وبركاته


مساء الخير

محاورة يوم الخميس 19|12|1431هــ بمحافظة الرس


طاروق بين الشاعرين محمد الربيقي وابو زيد الغبيوي واتمنى من احد المحللين يحلل لنا هالطاروق



محمد الربيقي:


يامرحبا ترحيب(ن) أحلى من شهاليل القراح=باسم الرجال اللي ترحب من طناخة روسها
اقلط يابو زيد الغبيوي واطلب الله بالنجاح=ماجاك بعلوم الديار الجدب غير عسوسها

ابو زيد الغبيوي:


دام البقا ردية(ن)تبدي مثل شمس الصباح=باسم الرجال اللي تقدم للرجال دروسها
عطني علومك ياوسيع العرف والدنيا كفاح=واهل المعرفه ماتحير والوفا بنفوسها

محمد الربيقي:


انا ادري انك لك ثلاث ايام بالك ما استراح=تبكي على الهافات لاقامت تحن تروسها
انته عتيبي وبدوي مبسوط يوم الغيث طاح=والناس ترج الغيث تبغى اللي يوق ضروسها

ابو زيد الغبيوي:


اثرك ماتبكي وفي صدرك وناسه وانشراح=وجمالكم يمكن يجيها واحد(ن)ويحوسها
الله يجيب الغيث مير البرق فالمنشا ما لاح=من قلة الامطار اشوف الارض يدبي سوسها

محمد الربيقي:


ياطير ابن برمان طير ان كان لك ريش وجناح=وازهم عتيبه لاتقوم تحوسها وتدوسها
ادري بقلبك ريب ماتدعي للامه بالصلاح=مطرف(ن) موس الحلاقه وش يسوي موسها

ابو زيد الغبيوي:


يبى يطير الطير وانته تشرب السم الذحاح=وعتيبه الهيلا تغني شعر من هاجوسها
محمد بن عبيد يهرج في زمان الانفتاح=واللي على باله نعرفه يفجعه كابوسها

محمد الربيقي:


الناس تحمل هم تجريد اليهود من السلاح=وعتيبه الهيلا على خط الجنوب جموسها
ان كان عندك علم حدد فالمجي وفالمراح=لاترتعد يمناك والصفنه على ناجوسها

ابو زيد الغبيوي:


رح مر سالم وازهمه وارجع على شيخك رباح=ثم روح لاسرائيل بجموع الحروب ودوسها


[http://www.youtube.com/watch?v=qYtDawBozDY&feature=player_embedded

[الشخص العاقل]

ابيات ومعنى وقوه وحبك لمحمد الربيقي


ولايهون ابوزيد


الربيقي هو فعلا شاعر قبيلة حرب والشاعر الذي يمثلها في كل محل والظاهر ربعه حرب مقتنعين بشر محمد الربيقي


شكرا لك ياأحمد

[ابو فايح]

لا هنت يا أحمد


بالنسبه لي لم أصل لأي رمز يوصلني للمعنى

وأن كنت أتوقع من بعض الأبيات أن الربيقي يحث الغبيوي على شي يخوف ويقول أن عتيبه مبسوطه منه !!!


أخاف أسترسل وأجيب العيد

[ماجد العصيمي]

المعنى بدأ من البيت الثالث للربيقي واستوضحه اكثر في البيت الرابع وإن كان مهد له في البيت الثاني

تبكي على الهافات لاقامت تحن تروسها

استذكار للعصور القديمه في تأمين لقمة العيش


انته عتيبي وبدوي مبسوط يوم الغيث طاح=والناس ترج الغيث تبغا اللي يوق ضروسها

شقر جميل لكلمة الغيث في البيت

الغيث في الشطر الاول تعني المطر

والغيث في الشطر الثاني تعني المساعده وطلب النجده (تبغا اللي يوق ضروسها)

لاتقوم تحوسها وتدوسها

لاتتخبط في الموضوع المناقش

بقية المحاوره فتل ونقض عااااااااادي

[عبدالملك القاضي]

مشكور يااحمد

لكن

الربيقي أول مره اسمع عنه


وهذه المحاورة من وجهة نظري عاديه ولافيها نقض وفتل قوي.


والغبيوي شاعر جيد لكن هذه المره ليس بذاك المستوى.

[جمال العضياني]

الربيقي شاعر مصيبه يلفت النظر ,,,
لاهنت يااحمد على النقل,,,

[ماجد الحبردي]

من وجهة نظري ان ابوزيد تفوق بالمعنى مشكور احمد ولا هان الربيقي

[مهجرس]

الربيقي داهية و يحب المعاني المخفية

و لايرغب اللي المكشوف او لعب الطهبله

مشكور يا احمد

[غالب الذيابي]

:
:
:
:



محاورة قوية.. فعلا الربيقي هو شاعر حر القادم.


:
:
:
:
:

[منصف في زمن الظلم]

الربيقي جزل
شاعررررررررررررررررررررررررمتمكن جدا

[برنس العتيبي]

الحربي هذا قوي والقوي الله بس ماوفق بشاعر يفهم المعني وجهة نظر اتوقع الغبيوي بطريق الخدمه والربيقي يغرد الحاله المعني هذ ينفع مع رشيد الزلامي الله يطول بعمره وهو بيفهم وش المعني صح بتوفيق الشاعرين