حقيقة ذود نقزان المغيري

[أخو سكرى]

[size=4]الاخوه الكرام

ورد في بعض المنتديات قصة (ذود نقزان المغيري) وفيها كثير من التحريف واحببت التصحيح ومصادري

موثوقه من رجال أبائهم عايشوا الحدث . والسالفه ان البقوم اغاروا على ذود نقزان واخذوها وصاح المصيح ولحقوها فزوع ولكنهم ماردوها ثم قال نقزان لزوجته وكان هو مريض طريح الفرش شوفي احد لحقها من العرب هذولاك يقصد ذوي ماعز وجامعتهم وقالت ايه لحق منهم خمسة خياله قال اجمعي أصرة ذودك قالت انت مهبول الابل راحت اخذوها البقوم قال لها - والله اني مايخبر قلبي انهم لحقوا الابل الا ردوها- يقصد ذوي ماعز وربعهم ....وقد لحق البقوم الفارس الأمير بخيت بن ماعز العطاوي واخيه الفارس الأمير مشجن بن ماعز العطاوي وابن اخيهم الفارس الأمير فارع بن شليوح والفارس سفر ين خنيفيس والفارس طلمس بن شعيل وحصلت معركه شديده بينهم وبين البقوم وذبحت فرس بخيت وفرس فارع وفرس سفر بن خنيفيس وفرس طلمس بن شعيل وسلمت فرس مشحن وقام مشحن وطرح ا لطيور من البقوم عن فرسه وعطاها لاخوه بخيت و استيسروا معهم 25 من البقوم ومن ثم فكوهم يرجعون لاهلهم يوم وصلوا لديارهم وراح مشحن يحدى على الخيل ويبشر نقزان بعودة أبله سالمه.
وقد قال بخيت بن ماعز قصيدة المشهوره. والتي اورد لكم بعض أبياتها هي من الاثباتات على مانقول وهي:-

ياخيلنا وان شب للخيل ناره ===ثم كلنا قام يلاوي راسه كل ديقان

عرضناهن للنقالين التفافيق شاره === لاان اعطبوها ذرفين الايمان

يابقوم مانا بخيل السماره === حنا عملكم من قديمات الازمان

تجنيبنا عن اسفاف الاباكير عاره === لاعروجت بارقابها حمى الامتان

حلفت مايقفون بها قوم ساره === لاكود مانمسك رماحن بالايمان

تنشد الطيور هو وش كاره === وش ولعه بالعرب حلوات الالبان

قولوله يرجع يم غرسه وداره === حدايقا بها خوخا ورمان

انا مالوم الي تجاذل يساره === يشوف قدمه زوغات الاذاهان

يشوف انقليزي تقابس شراره === وقبا على اهلها سراويل تومان

اردنا التصحيح لحفظ التاريخ والحقوق . ونسأل الله التوفيق.

تحياتي للجميع]

[أخو سكرى]

[size=4]الاخوه الكرام

ورد في بعض المنتديات قصة (ذود نقزان المغيري) وفيها كثير من التحريف واحببت التصحيح ومصادري

موثوقه من رجال أبائهم عايشوا الحدث . والسالفه ان البقوم اغاروا على ذود نقزان واخذوها وصاح المصيح ولحقوها فزوع ولكنهم ماردوها ثم قال نقزان لزوجته وكان هو مريض طريح الفراش شوفي احد لحقها من العرب هذولاك يقصد ذوي ماعز وجامعتهم وقالت ايه لحق منهم خمسة خياله قال اجمعي أصرة ذودك قالت انت مهبول الابل راحت اخذوها البقوم قال لها - والله اني مايخبر قلبي انهم لحقوا الابل الا ردوها- يقصد ذوي ماعز وربعهم ....وقد لحق البقوم الفارس الأمير بخيت بن ماعز العطاوي واخيه الفارس الأمير مشحن بن ماعز العطاوي وابن اخيهم الفارس الأمير فارع بن شليوح والفارس سفر ين خنيفيس والفارس طلمس بن شعيل وحصلت معركه شديده بينهم وبين البقوم وذبحت فرس بخيت وفرس فارع وفرس سفر بن خنيفيس وفرس طلمس بن شعيل وسلمت فرس مشحن وقام مشحن وطرح الفارس الطيور من البقوم عن فرسه وعطاها لاخوه بخيت و استيسروا معهم 25 من البقوم ومن ثم فكوهم يرجعون لاهلهم يوم وصلوا لديارهم وراح مشحن يحدى على الخيل ويبشر نقزان بعودة أبله سالمه.
وقد قال بخيت بن ماعز قصيدته المشهوره. والتي اورد لكم بعض أبياتها هي من الاثباتات على مانقول وهي:-

ياخيلنا وان شب للحرب ناره ===ثم كلن قام يلاوي راسه كل ديقان

عرضناهن لنقالين التفافيق شاره === لان اعطبوها ذرفين الايمان

يابقوم مانا بخيل السماره === حنا عملكم من قديمات الازمان

تجنيبنا عن اسفاف الاباكير عاره === لاعروجت بارقابها حمى الامتان

حلفت مايقفون بها قوم ساره === لاكود مانمسك رماحن بالايمان

تنشد الطيور هو وش كاره === وش ولعه بالعرب حلوات الالبان

قولوله يرجع يم غرسه وداره === حدايقا بها خوخا ورمان

انا مالوم الي تجاذل يساره === يشوف قدمه زوغات الاذاهان

يشوف انقليزي تقابس شراره === وقبا على اهلها سراويل تومان

اردنا التصحيح لحفظ التاريخ والحقوق . ونسأل الله التوفيق.

تحياتي للجميع]

حصل اخطأ املائي وقمنا بتصحيحها عن طريق الاقتباس

[فهااد]

خيلنا وان شب للحرب ناره = وظلا يلاوي راسها كل ديقان

راحن لمحتتة التطاريف شاره = وعود بعد مركاضنا ذود نقزان

كم سابق من شاقحات الخباره = وقم السديس ولاتبدل بالاثمان

نركزلها فالبيت رمح وكاره = ونركض علاها باللقا بأدهم الزان

وياواصل الطيور هو ويش كاره = وش ولعه فالعرب زينات الالوان

قله يعود يم غرسه وثاره = وحدايق فيها خوخ ورمان


الخ والقصيده طويله اطول من ما كتبت .

[أخو سكرى]

صدقت اخوي فهاد رعاك الله

واسعدني مرورك وايرادك لبعض ابيات القصيده

لاعدمتك ولك الشكر والتقدير

تحياتي...

[نايف المغيبي]

مشكور على هذا النقل الجيد

[مزحم العتيبي]

والله ونعم بالمهادلة فعولهم تنومس عتابة كلهم
والله لايهينك يااخو سكرى

[أخو سكرى]

اخوي نايف المغيبي

اسعدني مرورك وتفاعلك

لك تحياتي

[أخو سكرى]

اخوي مزحم العتيبي

ونعم حالك ولاشنت بالغالي

اسعدني مرورك وتفاعلك الكريم

لاعدمتك ولك تحياتي.

[عالي مقامه]

فعلن طيب وعاداتنا الطيب من أول وتالي

الله يرحمك ياجدي طلمس ويرحمكم جميع

[ولد الضيغمي]

فعول طيبه ولاهي غريبه عليكم يا عتيبه

تبقون رمزا للوفاء



لاهنت اخي اخو سكري

[أخو سكرى]

عالي مقامه

شكرا على مرورك

[أخو سكرى]

ولد الضيغمي سلمك الله

ولاشنت يااخوي واسعدني مرورك

وتفاعلك الكريم .. بارك الله فيك

[الباحث]

القصة الحقيقية غزوا البقوم واخذوا ذود نقزان ولحقوا ذوي عطية على رأس ذوي ماعز وردوا ذود نقزان المغيري والبقزم ذبحوا كثيراَ من الخيل ولكن هذا لم يثني ذوي ماعز وربعهم عن رد ذود رفيقهم كعادتهم ويقال ان القصيدة لشليويح وقيل لبخيت وكليهما اطيب من الآخر يقول
شليويح او بخيت يصف ما حصل
اوي من يوم(ن) غدا به كراه = ثور عسامه بين سفوة وعردان
ياخيلنا وان شب للحرب ناره = جانا يلاوي روسها كل عنان
راحن رجم(ن) وسط ذيك الزباره = وش عاد نركب كل مادق ميدان
رحنا لعوجان المراكيض شاره = لين اعطبوها من علم كل نيشان
مركاضهم بين ومنه الغياره= وعود بعد مركاضهم ذود نقزان
تعلم الطيور هو ويش كاره = وش ولعه بالعرب حلوات الالبان
ليته تريح في علاوي دياره= حدايق(ن) تنبت بخوخ(ن) ورمان
خلا الفرايس بين قصره وثاره= ماله ومال اللي يسوقون الاضعان
وش ولعه بمعسفين المهاره= اهل الرمك ومخضبة مطرق الزان
سواة مقعد محتمي كل غاره = والا كما حام الجهامة ثنيان
والله لولا ساحنين الذخاره = ربع (ن) حدوني عن مناحي وحمدان
يابقوم ما حنا بفزعة سماره = حنا عماكم من قديمات الازمان
هذه رواية فيصل الرياحي رحمه الله من كبار الروقة والفها في كتابه موسوعة البقوم مع حذفه لبيوت الطيور وهي مخالفة لبعض روايات البقوم وعتيبة ولما يكتب في الانترت
شكرا لك اخو سكرى وتقبل مروري

[أخو سكرى]

اخوي الباحث

اشكر لك تفاعلك الكريم واحب اوضح لك انني اعرف القصه منذ الصغر وأخذتها من والدي

حفظه الله وهو سمعها من أبيه مباشره ونحن من ذوي ماعز واختلاف القصيده وارد مع كثر الناقلين

للقصه والقصيده لكن مصادرنا حصريه وكانت على وقت الأمير الفارس بخيت بن ماعز العطاوي وأخيه

مشحن وأبنائهم حيث قد قتل أخيهم شليويح يرحمهم الله جميعا .. مع اقرارنا بأن يكون فيه بعض الخطأ

والنقص ونرجو من الله التوفيق للعمل الصالح ولكن هذه سيره ويجب أن تخلد عفا الله عنا وعنهم أمين.


وتقبل تحياتي

[الباحث]

اخوي الباحث

اشكر لك تفاعلك الكريم واحب اوضح لك انني اعرف القصه منذ الصغر وأخذتها من والدي

حفظه الله وهو سمعها من أبيه مباشره ونحن من ذوي ماعز واختلاف القصيده وارد مع كثر الناقلين

للقصه والقصيده لكن مصادرنا حصريه وكانت على وقت الأمير الفارس بخيت بن ماعز العطاوي وأخيه

مشحن وأبنائهم حيث قد قتل أخيهم شليويح يرحمهم الله جميعا .. مع اقرارنا بأن يكون فيه بعض الخطأ

والنقص ونرجو من الله التوفيق للعمل الصالح ولكن هذه سيره ويجب أن تخلد عفا الله عنا وعنهم أمين.


وتقبل تحياتي
اخو سكرى نعم بك وبذوي ماعز وانا من احفاد الشيخ /مقعد بن حدري من احفاد اخيه قاعد بن حدري
بالاخص لان مقعد بن حدري انقطع نسله بعده ومن ناحية ذوي عطية ربعنا وعوانينا ولهم علاقة معنا ولنا علاقة معهم نتشرف بها ونذكرها في مجالسنا الى الآن ونحن هذيل البقوم والشيخ فاجر بن شليويح والمهادلة جاورونا ردحاَ من الزمن فالبقمية اثر خلاف حصل بينهم وبين ابناء عمومتهم وجيرتهم كانت مع الشيخ عبد الله بن عبا ويوجد ناس حيين الى لآن حيين يذكرون فاجر وربعه المهادلة حتى كادوا ان يعملوا
حلف هذيلي مهيدلي باقتراح من الشيخ فاجر بن شليويح والقصة نعرفها ولكن يوجد من بعض الاخوان من يحذف منها بيوت تسئ للفلانية وهذا تاريخ وهؤلاء شيوخ وفريس لولا القاتل والمقتول ما صار فرق بين شليوح العطاوي وبين اي راعي غنم عايدي وهؤلاء اجدادنا جميعاَ سواء عتيبة او البقوم وهذه سلوم
العرب يتفاخرون بفعلهم وفعل اخصامهم اغار الشيخ شليويح على الشيخ مقعد بن حدري واخذوا الابل ولحقهم مقعد ومعه الوقصان من الكرزان البقوم ومعه ناس من هذيل وقتلوا الروقة الوقصان وذبحوا حصان مقعد واخذ حصان آخر ولحقهم وذبحوا الحصان الثاني ولحقهم على رجله واخذ يرمي ويقول
خيل الشعثا انا اخو منيرة = ريحة العشوى عندكم يا اهل الخيل
ميراث ابوية يا الوجيه الستيرة = وعدولة الخطار في تالي الليل
فقال شليويح ابكم ردوا العشوى اكيد انها اطيب البل فأخذوا يردون في البل يريدون انه يرجع عنهم فلم يرجع فقال فقال شليويح اتركوا البل كلها له هذا مجنون مابه عشوى فتركوا الروقة فلما رجع اخيه قاعد بن حدري وقاعد بن جرشان من تربة لانهم كانوا مقيظين في تربة ورأوا ما حصل سألوا مقعد عن القصة وكيف رد البل فلم يعرف يقص لهم القصة لانه من هول الحدث مايدري كيف رجعت البل فقال قاعد بن حدري البل ماردها الا اخوي مقعد فقال بن جرشان لاتجحد ربعك اللي ذيحوا وتجحد فعلهم وتنسب الفعل
كله لاخوك اخوك معروف لكن الوقصان لاتجحد فعلهم وهم ميتين فصار بينهم عناد فقال ابن جرشان وش رايك نروح لشليوح هو اللي بيعلمنا وهم يركبون خيلهم ويذهبون للمهادلة فلما اقبلوا على البيوت الا وبه ورعان يلعبون وواحد منهم معه عيدان ويطرد الورعان ويقول خيل الشعثا انا اخو منيرة ريحة العشوى عندكم ياهل الخيل فبكى قاعد بن جرشان وقال علمونا الورعان من رد البل هؤلاء هم ذوي ما عز والمهادلة الطيبين اللي مايجحدون فعل الطيب وهؤلاء هم اطفالهم والله والنعم بعتيبة وتاريخنا ورفقنا معهم
ما يعزلها اللي يعزل الماء من الحليب ولنا معهم قصص ورفقة معروفة على مستوى جميع القبائل منها قصرة مقعد بن حدري وعفاس بن محيا التي يضرب بها المثل
ومنها اعطاء محمد بن هندي الجعيثنية لقاعد بن حدري وكسر قاعدة ان الجعيثنية لا تعطا ولا تباع وياما في الجراب ياحاوي

[محمد الذيابـــي]

,,

أنعم وأكرك,,

لا هنت على النقل يالغالي,,,,

[ابو سلامة الاسعدي]

سوالف شيقة ورحم الله شيباننا المتقدمين منهم والمتاخرين.

[نافع]

انعم واكرم بالجميع ولي سؤال
يابقوم ما حنا بفزعة سماره = حنا عماكم من قديمات الازمان
اكيد ان سماره لها قصة وصحيح من قال ان الشعر ديوان العرب

[يزيد العتيبي]

ونعم بشيوخنا الشلاويح هل المجد والنوماس



ونبي تزودنا اكثر واكثر عن علومهم يابو سكرى ..........



ومرحب ياخوي عالي مقامه والله يرحم جدك طلمس الفارس



واحب اذكر سبب وفاته""""كان نازل عنده رجل دخيل عليه وكان طلمس المهيدلي


يكرم ذلك الدخيل ومره طلع طلمس (اتوقع مقناص) فجاء من غدر به وقتل دخيله


فلما رجع وعلم بالامر ركب فرسه وذهب لمكان _حول ضلع _ ورم نفسه بالفرد


من الغبن اللي فيه رحم الله الفارس طلمس:rolleyes:


اعلومه تنومس,,,,,,,,,,,

[يزيد العتيبي]

اريد توضيح امر مهم

من الحق والعدل ان تؤتي كل ذي حق حقه ,احب ان اوافق اخي ابوسكرى الرأي فيما قاله.

واقول اذا مدح فخذ من ذوي عطيه فهو مدح للعطاوي كله بل يتعداه لعتيبه عامه

وهذه قاعده هذا المنتدى الغالي علينا


اولا: لحق بذود نقزان اغلب ذوي عطيه ولم يتمكنوا من اخذها وآخر من لحق بها المهادله ( ذوي ماعز)

وتمكنوا من اخذها والقصه كامله موضحها اخوي ابو سكرى هذه الملاحظه التي اردت توضيحها.

[الباحث]

انعم واكرم بالجميع ولي سؤال
يابقوم ما حنا بفزعة سماره = حنا عماكم من قديمات الازمان
اكيد ان سماره لها قصة وصحيح من قال ان الشعر ديوان العرب
فزعة سماره معناها لسنا بفزعة كثرة الجبان لايفزع الا اذا شاف الفزوع واجد اما بخيت يقول نحن يابني
ماعز اذا فزعنا لاننظر هل معنا احد او لوحدنا او وش كثر القوم او قلهم لانعتمد الا على الله ثم انفسنا
وبخيت كفو لهذا القول

[يزيد العتيبي]

احسنت يالباحث وبيض الله وجهك ،،كفيت وفيت



اخوك /يزيد العتيبي

[راع البرقا]

ونعم الرجال

[عايض جزاء العصيمي]

بيض الله وجهك

[رقاد]

قالت الناس فلان يحب يطرد زيلة السمار

مثل ماعندنا الوقت الحالي ناس تغازل كان فيه ناس منول تغازل

يعني القصد من البيت انا نحن ما ننصب عند الحريم

[دسكفري]

قالت الناس فلان يحب يطرد زيلة السمار

مثل ماعندنا الوقت الحالي ناس تغازل كان فيه ناس منول تغازل

يعني القصد من البيت انا نحن ما ننصب عند الحريم
نعم هذا هو معنى فزعة سمارة معناها ماحنا بفزعة بهرجة والله ونعم