جرح الفرآق ..!

[محمدالعصيمي..~]

السلآم عليكم رحمة الله وبركآته..

مسآكم الله بالخيــر ..

أعضآء هذا الصرح الرآئع وشعراءه العمآلقه أحببت مشآركتكم ..

بقصيده متوآضعه وضعتهآ في عدة منتديآت قبل ذلك ..

وأتمنى ـآ أن ترتقي لذائقتكم ..


راحت سنه وأقول وش عاد لو غاب = مثل السنين اللي مضت من حياتي
مصيرها تطوى مثل صفحة كتاب= واللي كتبه الله لزومٍ بـ/يأتي
لكن على الله يامكاتيب الأحباب = لوفيك من وقتي بعض ذكرياتي
صحيح درب العشق ذهاب وآياب = لو أن فيه أقدامنا سايراتي
ذا قلب متعذب .. وذا قلب منصاب= ومسكين من سوى بقلبه سواتي
يومي تركته بين خاين ونهّاب= ولاسمعت اللي يدور غناتي
البارحه عدِّيت للحزن مرقاب = أنوح لو غيري هنى بالمباتي
أتذكر اللي له سنه مغلق الباب = واليا ذكرته يعتريني سكاتي
هذي ثلاث شهور والدمع سكّاب = ولايكف الدمع كود الصلاتي
أسهى وإذا سجيت عوًّدت مرتاب = وأحاول ألملم بقايا شتاتي
صديت عن بعض القرايب والأصحاب =خوفٍ من اللجّه وكثر الشماتي
والله من بعد الجفا عارضي شاب = وغابت بعد غيبتك كل أمنياتي
تكفى تعال وعلم أصحاب الألباب = بأن الغلا متمكنٍ وسط ذاتي
وأنك ولو صديت دون أيّة أسباب =مسموح لكن أستمع في وصاتي
خذ قلبي اللي ماتداويه الأطباب = وخله وداعة حب من عصر فاتي
توِّي عرفت أن الهوى صدق غلاّب= وجرح الفراق أقوى يارمح الزناتي


وسلآمتكم ..

[نايف المغيبي]

صحيح درب العشق ذهـاب وآيـاب
لـو أن فيـه أقدامنـا سايـراتـي
ذا قلب متعذب .. وذا قلب منصـاب
ومسكين من سوى بقلبـه سواتـي



يعطيك العافيه على هذه القصيده الجميله

[محمدالعصيمي..~]

نآيف ..

ربي يعآفيك ولايهينك يالغآلي على توـآجدك ..

/

[الصويت الثبيتي العتيبي]

صح السانك


يعطيك العافيه على هذه القصيده الجميله

[أبو مرحبا]

قصيدة رائعه

صح السانك ياابن العم

بنتظااااار جديدك

تقبل مروري

[الصويت الثبيتي العتيبي]

صح السانك


يعطيك العافيه على هذه القصيده الجميله

[علي الثبيتي]

توِّي عرفت أن الهوى صدق غـلاّب

وجرح الفراق أقوى يارمح الزناتـي

انا اشهد انك صادق وصح لساااااانك يامحمد